মূল পৃষ্ঠা / কৃষি / আমাৰ কৃষক, আমাৰ গৌৰৱ / কৃষিকৰ্মৰে স্বাৱলম্বী বৰপথাৰৰ পুতুল শইকীয়া
অংশিদাৰী
Views
  • স্থিতি: সম্পাদনাৰ বাবে মুকলি

কৃষিকৰ্মৰে স্বাৱলম্বী বৰপথাৰৰ পুতুল শইকীয়া

কৃষিকৰ্মৰে স্বাৱলম্বী বৰপথাৰৰ পুতুল শইকীয়াৰ বিষয়ে লিখা হৈছে

 

ৰাজ্যখনৰ একাংশ শিক্ষিত নিবনুৱাই ৰাজ্যখনৰ বাহিৰলৈ অৰ্থোপাৰ্জনৰ বাবে ঢাপলি মেলাৰ সময়তে ধনশিৰি মহকুমাৰ বৰপথাৰ মৌজাৰ এজন লোকে কৃষিকৰ্মৰ যোগেদি স্বাৱলম্বী হৈ চাকৰিমুখী শিক্ষিত নিবনুৱাসকলৰ আদৰ্শস্বৰুপ হৈ পৰিছে।মৌজাটোৰ জালজৰী গাঁৱৰ পুতুল শইকীয়া নামৰ লোকজনে গেলাবিলত দৈয়াং নদীৰ সমীপত প্ৰায় পঞ্চাছ বিঘা ভুমিত তামোল-পাণ,নেমুটেঙা,জিকা,লেচেৰা,মাহ,কেৰেলা,অমিতা,কোমোৰা আদি খেতিৰে বাৰ্ষিক প্ৰায় ২৫-৩০ লাখ টকা উপাৰ্জন কৰিবলৈ সক্ষম হৈছে।বৰ্তমান পঞ্চল্লিশ বছৰত ভৰি দিয়া শইকীয়াই বিশবছৰীয়া হোৱাৰপৰাই কৃষিকৰ্মত জড়িত হৈ অহা বুলি জনায়।প্ৰথম অৱস্থাত পিতৃৰ সৈতে কুঁহিয়াৰ খেতি আৰম্ভ কৰে যদিও পিছলৈ বৰুৱাবামুণ গঁৱাৰ চেনিকলটো বন্ধ হৈ যোৱাত সেয়া বাদ দি শইকীয়াই পাচলিৰ খেতিত মনোনিৱেশ কৰে।নিবনুৱাৰ বাবে আদৰ্শ স্বৰুপ লৈ পৰা কৃষক পুতুল শইকীয়াই জনায় যে উক্ত ভুমিত বৰ্তমান চাৰিহাজাৰজোপা তামোল গছ,তাৰে পঁচিশ শ জোপাত পাণ,১৬ বিঘা ভুমিত নেমু টেঙা,৪ বিঘাত লেচেৰা,৪ বিঘাত অমিতা আৰু প্ৰায় ৮ বিঘা মাটিত লাও,কোমোৰা ,জিকা,কেৰেলা,আদিৰ খেতি আছে।বৰ্তমানলৈ চৰকাৰী সাহাৰ্য্যৰ মুখ-নেদেখা শইকীয়াই দিয়া আনুমাণিক হিচাপ অনুসৰি তামোলৰ পৰা বছৰি ৮ লাখ,লেচেৰাৰপৰা ৫০ হাজাৰ,অমিতাৰ পৰা ২ লাখ ,লাওৰপৰা ৩ লাখ,কেৰেলা,জিকা আৰু উৰহীৰ পৰা এক লাখকৈ উপাৰ্জন কৰি আহিছে।অৱশ্যে বজাৰৰ দৰ অনুসৰি উক্ত আয়ৰ পৰিমাণৰ কিছু তাৰতম্য কেতিয়াবা হয়।গেলাবিল গাওঁ পঞ্চায়তৰ ২ নং ৱাৰ্ডত থকা পুতুল শইকীয়াৰ কৃষিপামখনত উৎপাদিত ফচল অসমৰ বিভিন্ন জিলাৰ লগতে নাগালেণ্ড,অৰুণাচল ,মণিপুৰ আদিলৈকো ৰপ্তানি হয়।বিভিন্ন স্থানৰ ব্যৱসায়ীয়ে বিভিন্ন সামগ্ৰী বিচাৰি দৈনিক তেওঁৰ কৃষিপামখনত উপস্থিত হয়হি বুলি কৃষকজনে জানিবলৈ দিয়ে।এনে এগৰাকী কৃষকে আজি পৰ্যন্ত ৰাজ্যৰ কৃষি বিভাগৰদ্বাৰা কোনো ধৰণৰ সাহায্য নোপোৱা বুলি কৃষকজনে জনোৱাতো অতি তাৎপৰ্যপুৰ্ণ।

লেখক:মাণিক শৰ্মা (দৈনিক অসম)

2.92307692308
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top