মূল পৃষ্ঠা / কৃষি / আমাৰ কৃষক, আমাৰ গৌৰৱ / কৰতিপাৰৰ কৃষক শ্ৰীধৰ বৰা :
অংশিদাৰী
Views
  • স্থিতি: সম্পাদনাৰ বাবে মুকলি

কৰতিপাৰৰ কৃষক শ্ৰীধৰ বৰা :

কৰতিপাৰৰ কৃষক শ্ৰীধৰ বৰাৰ বিষয়ে লিখা হৈছে ।

 

মাজুলীৰ কৰতিপাৰ পঞ্চায়তৰ অন্তৰ্গত বাঘগাঁৱৰ শিক্ষিত যুৱক শ্ৰীধৰ বৰা। স্নাতক ডিগ্ৰিধাৰী চফল ডেকা শ্ৰীধৰ বৰা এজন সফল কৃষক।

বেঙ্কৰ পৰা কোনো ঋণ নোলোৱাকৈ-

*১৮০ বিঘা মাটিত সৰিয়হ,

*১২ বিঘাত বাও ধান,

*৭০ বিঘাত মাটিমাহ,

*৬ বিঘাত মগুমাহৰ খেতি কৰিছে।

উৎপাদন হিছাপে

*ধান- ৪০ কুইন্টল,

*মাটিমাহ- ৭০ কুইন্টল,

*মগু মাহ- ৫ কুইন্টল আৰু

*সৰিয়হ- ২৫০ কুইন্টল আশা কৰিব পাৰি।

বৰ্তমান বাদাম আৰু বেলি-ফুল খেতিৰ বাবে ১০০ বিঘা মাটি প্ৰস্তুত কৰিছে। এই খেতিৰ বাবে তেওঁ সাজু হৈছে যদিও বেঙ্ক নাইবা অন্যান্য বিত্তীয় সাহাৰ্যৰ প্ৰয়োজন আছে।

তেও নিজাকৈ ৩৫ বিঘা কৃষিভুমি আছে যদিও বাকীখিনি মিচিং সম্পদায় মানুহৰ পৰা বছেৰেকীয়া চুক্তিত লয়। লক্ষ্য হ’ল, নিজে স্বাবলম্বী হোৱাৰ লগতে ক্ষুদ্ৰ উদ্যোগ স্থাপন কৰি আন ১০ জনকো স্বাবলম্বী কৰা।

যাতে নিবনুৱা সকল বৰ্হিৰাজ্যলৈ নগৈ নিজৰ ঠাইতে কৃষি কৰ্মৰ যোগেৰে স্বাবলম্বী হব পাৰে। তেখেতৰ মাটিখিনিত জলসিঞ্চনৰ ব্যবস্থা নাছিল, প্ৰকৃতিৰ ওপৰতে ভৰষা কৰিছিল।

কিন্তু এইবাৰ কিষাণ মৰ্চাৰ সহযোগত জলসিঞ্চন বিভাগৰ পৰা সৌৰশক্তিচালিত পাম্প এটাৰ ব্যবস্থা কৰিছে।

তেওৰ নিজা খেতি কৰাৰ অফুৰন্ত হেঁপাহতে মহেন্দ্ৰ ফাইনেন্স পৰা মাহেকিয়া কিস্তিত পৰিশোধ কৰাৰ চুক্তিৰে এখন ট্ৰেক্টৰ লয়।

সৰিয়হৰ মুল্য সংযোজনৰ বাবে উন্নত পদ্ধতিৰ সৰিয়হৰ ঘানি মিল এটাৰ প্ৰয়োজন তেওঁ বাৰুকৈয়ে অনুভৱ কৰিছে।

পৰিয়ালৰ সকলোৰে সহযোগত শ্ৰীধৰ বৰাই কৃষিৰ জৰিয়তেই এক সোণালী ভৱিষ্যতৰ সপোন পুহি ৰাখিছে। আশাকৰো তেখেতৰ সপোন অচিৰেই বাস্তৱত পৰিণত হব।

লেখক: ৰাজু কলিতা

উৎস: সেউজ চিন্তা

 

4.0
হিমন্শুৱ Jan 12, 2019 07:19 PM

Sarkari Result | 10th pass jobs here
https://www.sarkariresult49.com

আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top