মূল পৃষ্ঠা / কৃষি / আমাৰ কৃষক, আমাৰ গৌৰৱ / গ্ৰাম্য অৰ্থনীতি বিকাশৰ বাবে সাপ্তাহিক বজাৰসমূহৰ উন্নয়ন :
অংশিদাৰী
Views
  • স্থিতি: সম্পাদনাৰ বাবে মুকলি

গ্ৰাম্য অৰ্থনীতি বিকাশৰ বাবে সাপ্তাহিক বজাৰসমূহৰ উন্নয়ন :

গ্ৰাম্য অৰ্থনীতি বিকাশৰ বাবে সাপ্তাহিক বজাৰসমূহৰ উন্নয়নৰ বিষয়ে লিখা হৈছে ।

 

যি এডোখৰ ঠাইত উৎপাদিত সামগ্ৰীসমূহ সমূহীয়া ভাৱে ক্ৰয়- বিক্ৰয় কৰা হয় সেই ঠাইডোখৰকে সাধাৰণ ভাষাত বজাৰ বুলি কোৱা হয়৷ বৰ্ধিত জনসংখ্যা আৰু জনসাধাৰণ চহৰমুখী হোৱা ফলত চহৰে নগৰে সৰু সৰু বজাৰ গঢ়ি উঠিছে৷ কিন্ত অতীতৰ ৰজা মহাৰজা দিনৰ পৰাই থকা গাঁৱৰ সামগ্ৰী বিক্ৰী কৰা বজাৰসমূহ আজিও এক মূখ্য ভূমিকা গ্ৰহণ কৰি আহিছে গ্ৰাম্য অৰ্থনীতিত৷

এই বজাৰসমূহ ঠাই বিশেষে সপ্তাহৰ মূৰত বহা পৰিলক্ষিত হয়৷ মানুহ জীয়াই থাকিবলৈ খাদ্যৰ প্ৰয়োজন৷ খাদ্য বুলি ক'লে সততে ভাত আৰু ভাজিকে ধৰিব পাৰি৷ সেই ভাতসাঁজ খাবলৈ যি শাক-পাচলি, মাছ-মাংসৰ প্ৰয়োজন হয় বজাৰতে উপলব্ধ হয়৷ অসমৰ প্ৰতিটো চুকে-কোণে হেজাৰ হেজাৰ এনেকুৱা বজাৰ আছে।

এতিয়া আহো মূল কথালৈ৷ এই বজাৰসমূহ যদিও ৰাইজৰ খাদ্য বা অন্যান্য ঘৰুৱা সামগ্ৰীৰ কিনা বেচা কৰা হয় তাতোকৈ প্ৰয়োজনীয় বিষয় বস্ত হ'ল খেতিয়কৰ উৎপাদিত সামগ্ৰী এই বজাৰসমূহৰ পৰাই বিতৰণ হয়৷ পাচলি বা কল, হাঁহ-কুকুৰা, তামোল-পাণ, গাহৰি, গৰু-ছাগলী ইত্যাদি বেপাৰীসকলে কিনি নি অন্য ঠাইত বিক্ৰী কৰেগৈ৷ এই বজাৰবোৰক অসমৰ অৰ্থনৈতিক ক্ষেত্ৰত মূখ্য ভুমিকা লয় বুলি এই বাবে কব পাৰি যে এই বজাৰবোৰতে খেতিয়কে নিজৰ সামগ্ৰী বিক্ৰী কৰি ঘৰখন চলাব চেষ্টা কৰে৷ ঘৰৰ হাঁহ ছাগলী দুটা বিক্ৰী কৰি দুপইছা অৰ্জন কৰি সন্তানৰ শিক্ষা-দীক্ষাৰ খৰচ বহন কৰে। বহুত মানুহৰ জীৱন বজাৰসমূহৰ উপাৰ্জনৰ পৰাই পৰাই চলি থাকে৷

কিন্ত সাম্প্ৰতিক সময়ত জীৱন ধাৰণৰ মানদণ্ড উন্নত হোৱাৰ ক্ষেত্ৰত এই বজাৰসমূহৰ আন্ত:গাঁথনিৰ অভাৱে দেখা গৈছে বা আন্ত:গাঁথনি আছে যদিও অৱহেলিত ৰূপত পৰি আছে৷ বৰষুণ, বোকা-পানী, গৰু-কুকুৰৰ মল মূত্ৰ, প্ৰস্ৰাৱগাৰ, পায়খানাৰ অভাৱ, ৰদ-বৰষুণৰ বাবে কোনে ব্যৱস্থা নাই, গাড়ী পাৰ্কিংৰ ব্যৱস্থা নাই৷ এই বজাৰসমূহৰ বেপাৰীসকললৈ লক্ষ্য কৰিলে দেখিব পোৱা যায় যে 80% বেপাৰী অশিক্ষিত আৰু দৰিদ্ৰ পৰিয়ালৰ৷

এই বজাৰ সমূহকলৈ তেঁওলোকৰ আক্ষেপ নাই বা বেছি আশাবাদী নহয়ো৷ কিন্ত সদায়ে যদি এইটো পৰ্যায়ত চলি থাকে শিক্ষিত মানুহৰ আগমনৰ সম্ভাৱনা যথেষ্ট কম৷ চহৰৰ শ্বপিং মল, বিগ বাজাৰ ইত্যাদিৰ যি শীত-তাপ নিয়ন্ত্ৰিত কোঠালি বা গাড়ী পাৰ্কিঙকে ধৰি যিধৰণৰ সুব্যৱস্থা গঢ়ি উঠিছে, সেই অনুপাতে আমাৰ নিজৰ বজাৰকেইখনৰ অৱস্থা অতিকৈ পুতৌজনক৷ আৰু এই বজাৰসমূহ যিহেতু চৰকাৰৰ অধীনত থাকে গতিকে ইয়াৰ আন্ত:গাঁথনিৰ উন্নয়ত চৰকাৰে দায়িত্ব লব লাগিব আৰু যেতিয়া আন্ত:গাঁথনি নিৰ্মাণ কৰা হ'ব খুউব অভিজ্ঞ ব্যক্তিৰ দ্বাৰা পৰিকল্পনা কৰোৱাব লাগিব। যি ডাকত বজাৰসমূহ লয় তেঁওৰো কৰ্তব্য থাকিব বজাৰ সমূহ চাফ চিকুনতাত গুৰুত্ব আৰোপ কৰাত৷ সেয়ে বজাৰসমূহৰ উন্নয়ন বৰ্তমান অতিকৈ প্ৰয়োজনীয় ৷ আশা কৰো সংশ্লিষ্ট পক্ষই বিষয়টো গুৰুত্ব প্ৰদান কৰিব।

লেখক: মানস জ্যোতি সোনোৱাল

উৎস: সেউজ চিন্তা

2.625
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top