মূল পৃষ্ঠা / কৃষি / আমাৰ কৃষক, আমাৰ গৌৰৱ / বাক্‌সাত শণগুটিৰ খেতি
অংশিদাৰী
Views
  • স্থিতি: সম্পাদনাৰ বাবে মুকলি

বাক্‌সাত শণগুটিৰ খেতি

বাক্‌সাত শণগুটিৰ খেতি

বাক্‌সা জিলাৰ বৰমা ৰাজহ চক্ৰৰ অন্তৰ্গত বৰশিমলুগুৰি গাঁৱৰ এজন আদৰ্শ খেতিয়ক হৈছে জয়চৰণ বড়ো । খাৰিফ শস্য আৰু ৰবি শস্যৰ খেতিৰে ইতিমধ্যে অঞ্চলটোত এক সেউজ বিপ্লৱৰ সূচনা কৰা জয়চৰণ বড়ো এতিয়া আদৰ্শ হৈ পৰিছে বহু শিক্ষিত নিবনুৱাৰ বাবে । চাকৰি বিচাৰি জীৱনৰ বাট হেৰুওৱা বহু নিবনুৱাক তেওঁ দেখুৱাবলৈ সক্ষম হৈছে সংস্থাপনৰ পথ । বিভিন্ন প্ৰজাতিৰ ধান খেতিৰে এক বিপ্লৱৰ সূচনা কৰা জয়চৰণ বড়োৱে এইবাৰ শণগুটি খেতিৰে দেখুৱাইছে আন এক নিদৰ্শন । বড়োৱে বৰপেটাৰ চৰ অঞ্চলৰপৰা আমদানি কৰি প্ৰায় ৫৪ বিঘা মাটিত লগাইছে এই শণগুটি । চাবোন আৰু ডি এ পি সাৰ উৎপাদনত ব্যৱহৃত এইবিধ খেতিত নালাগে কোনো ৰাসায়নিক সাৰ আৰু কীটনাশক দ্ৰব্য । সম্পূৰ্ণ জৈৱিক সাৰ প্ৰয়োগ কৰা এইবিধ খেতিত প্ৰতি বিঘা মাটিত উৎপাদন হয় প্ৰায় দহ-বাৰ মোন । আদৰ্শ খেতিয়ক জয়চৰণ বড়োৱে জানিবলৈ দিয়া মতে, বাক্‌সা জিলাৰ বৰমা ৰাজহ চক্ৰত প্ৰথমবাৰৰ বাবে আৰম্ভ কৰা এই খেতিবিধৰ বীজ তেওঁ প্ৰতি মোনত বাৰশ টকা দৰত চৰ অঞ্চলৰপৰা কিনি আনিছে । আনহাতে, উৎপাদিত শস্য তেওঁৰ ঘৰৰপৰা কিনি নিব বুলি জানিবলৈ দি বড়োৱে কয় – ইতিমধ্যে চাবোন আৰু সাৰ উৎপাদন কৰা কাৰখানাৰ লগত যোগাযোগ কৰা হৈছে ।

লিখক: কাৰ্তিক দাস।

2.89473684211
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top