অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

গোৱালপাৰা জিলাৰ কৃষিৰ চমু বিৱৰণি

গোৱালপাৰা জিলাৰ কৃষিৰ চমু বিৱৰণি

গোৱালপাৰা জিলা এখন কৃষি প্ৰধান জিলা, ইয়াৰ ৯০ শতাংশ জনসাধাৰণে কৃষিৰ ওপৰত নিৰ্ভৰশীল| ধান খেতি গোৱালপাৰা জিলাৰ প্ৰধান খেতি,ইয়াৰ উপৰিও ঘেঁহু,মাকৈ,সৰিয়হ, ব্যৱসায়ী খেতি যেনে মৰাপাট আৰু শাক-পাচলি উৎপাদন হয়| গোৱালপাৰা জিলা ইয়াত উৎপাদিত চুপাৰী,ৰবৰ আৰু কল খেতিৰ বাবে জনাজাত|

কল খেতিৰ বাবে গোৱালপাৰা জিলাৰ দৰ্ংগিৰি নামৰ ঠাইখন বিশ্ববিখ্যাত, ইয়াত থকা কলৰ বজাৰ এছিয়াৰ ভিতৰত সৰ্ববৃহত| এই বজাৰখনে ভাৰতৰ চুবুৰীয়া ৰাষ্ট্ৰ যেনে ভূটান,নেপাল,বাংলাদেশ আদিকে ধৰি বিভিন্ন ৰাষ্ট্ৰৰ চাহিদাপূৰণ কৰাৰ লগতে অসমৰ অৰ্থনীতিটো যথেষ্ট অৰিহণা যোগাই আহিছে|

জিলাখনৰ জলবায়ু কৃষিৰ বাবে যথেষ্ট উপযোগী| বিশেষকৈ সমউপযোগী বৰষুণৰ লগতে কৃষিৰ বিভিন্ন কৌশলে জিলাখনক কৃষি ক্ষেত্ৰ্ত যথেষ্ট আগুৱাই লৈ গৈছে| জিলাখনৰ মুঠ মাটিকালিৰ শতকৰা ৪৩.৫% শতাংশ মাটিয়ে খেতিৰ বাবে উপযোগী|খেতিৰ লগতে এই জিলাৰ বাসিন্দাসকলে দুগ্ধপালন,পশুপালন টো যথেষ্ট আগবঢ়া| পশুপালন বিশেষকৈ গৰু, ছাগলী, হাঁহ, কুকুৰা, গাহৰি, ব্ৰইলাৰ ইত্যাদি উল্লেখনীয়|

জিলাখনৰ জলবায়ু ৰেচম শিল্পৰ বাবেও যথেষ্ট উপযোগী| ৰেচম শিল্পৰ উৎপাদনৰ লগত জিলাখনৰ বিভিন্ন লোক জড়িত হৈ আছে,বিশেষকৈ মহিলা সকল এই শিল্পৰ দ্বাৰা কৰ্ম স্ংস্থাপন পাইছে আৰু অৰ্থনীতিক ভাৱে জিলাখন টনকিয়াল হৈছে|জিলাখনৰ ২৯০ খন গাঁও ৰেচম শিল্পৰ লগত জড়িত|

উৎস: আই.এন.ডি.জি দল

শেহতীয়া উন্নীতকৰণ: : 3/11/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate