মেষ্টা খেতি

জাত

এইচ চি ৫৮৩ আৰু এ-এম-চি ১০৮ ৷

মাটি নিৰ্বাচন

পানী ওলাই যোৱাৰ সুব্যৱস্হা থকা পলসুৱা আৰু বালিঅঁহীয়া মাটি এই খেতিৰ বাবে উপযুক্ত৷

পথাৰ প্ৰস্তুতি

মাটি ডৰা দীঘে পথালিয়ে কেইবাবাৰো হাল বাই ৫-৬ বাৰ মৈয়াই মিহি কৰি ল'ব ৷

বীজ সিঁচাৰ সময় : এপ্ৰিল মাহৰ পৰা মে’ মাহৰ মাজভাগলৈ ৷

সাৰ প্ৰয়োগ : পথাৰ প্ৰস্তুত কৰোতে হেক্টৰে প্ৰতি ৭-৮ টন পাম জাত সাৰ বা পচন সাৰ প্ৰয়োগ কৰিব ৷ প্ৰতি টন পচন সাৰত ৫ কিলোগ্ৰামকৈ নাইট্ৰোজেন সাৰ থাকে ৷ পচন সাৰ প্ৰয়োগ কৰিলে সেই অনুপাতত নাইট্ৰোজেন সাৰ মুঠ প্ৰয়োগ কৰিবলগীয়া ৰাসায়নিক সাৰৰ পৰা বাদ দিব লাগে ৷

সাৰ প্ৰয়োগ পদ্ধতি

শেষবাৰ মাটি চাহ কৰাৰ সময়ত সমুদায় ফছফেট আৰু পটাছ সাৰ প্ৰয়োগ কৰিব লাগে ৷ নাইট্ৰোজেন সাৰখিনি সমানে দুভাগ কৰি পুলি গজাৰ ৪-৫ আৰু ৭-৮ সপ্তাহৰ পিছত টপদ্ৰেছ হিচাবে প্ৰয়োগ কৰিব লাগে ৷

বীজৰ পৰিমান :

ব্যৱধান

শাৰীৰ মাজত : ৩০ ছে:মিটাৰ 
গছৰ মাজত   : ১৫ ছে:মিটাৰ৷

অপতৃণ নিয়ন্ত্ৰণ

পুলি ওলোৱাৰ ২০-৩০ দিনৰ পিচত এবাৰ হাতেৰে বনবাত বোৰ উভালি দিব আৰু প্ৰয়োজন অনুযায়ী গছৰ সংখ্যা ঠিকে ৰাখি গছবোৰ পাতলাই দিব ৷ শাৰীবদ্ধভাৱে কৰা খেতিত পুলি ওলোৱাৰ ২য় আৰু ৫ম সপ্তাহৰ পিচত মাজত দুবাৰ চক্ৰকোৰ ব্যৱহাৰ কৰিব লাগে৷

শস্যৰক্ষা

(ক) পোক পৰুৱা :

চগা নিয়ন্ত্ৰণ কৰিবলৈ গছৰ ফল ধৰা অৱস্হাত ১৫ দিনৰ ব্যৱধানত দুবাৰ এন্দোচালফান (০.০৭ শতাংশ) নাইবা ফচফামিদন (০.০৫ শতাংশ) নাইবা ডাইমেথোয়েট (০.০৬ শতাংশ) গছ বঢ়াৰ সময়ত স্প্ৰে কৰিব ৷

গেৰোৱা আৰু আঁহ উলিওৱা

গেৰোৱা আৰু আঁহ উলিওৱা পদ্ধতি মৰাপাটৰ দৰেই ৷

উৎপাদন

প্ৰতি হেক্টৰত ২২-২৫ কুইন্টল আঁহ পাব পাৰি৷

উৎস: অসম কৃষি বিশ্ববিদ্যালয়।