আমাৰ পূৰ্বপুৰূষসকলে মাটিৰ উৰ্বৰতা বৃদ্ধিৰ বাবে বিভিন্ন ধৰণৰ মাহজাতীয় শস্যৰ খেতি কৰিছিল। এই টেমুনাযুক্ত মাহ জাতীয় শস্যৰ খেতি কৰাৰ ধাৰণাৰ পৰাই কৃষি বিজ্ঞানীসকলে ‘জীৱাণুসাৰ’ প্ৰ্স্তুতকৰণৰ চিন্তা-চৰ্চা কৰিবলৈ লৈছিল। ইয়াৰ ফলস্বৰুপে নতুন নতুন উপকাৰী অণুজীৱৰ আৱিষ্কাৰ হৈছে আৰু এইবোৰৰ প্ৰয়োগৰ দ্বাৰা মাটিত নাইট্ৰজেন সাৰ স্ংৰক্ষণ, ফ’ছফৰাছৰ সহজলভ্যতা, পটাছিয়াম আৰু অণুসাৰৰ ধৰাটো সম্ভৱপৰ হৈছে।
জীৱাণুসাৰ হৈছে মাটিত থকা উদ্ভিদৰ উপকাৰী অণুজীৱৰ জীৱিতকোষ আৰু বাহক পদাৰ্থৰ সমষ্টি। অণুজীৱৰ জীৱিত কোষক কিছুমান বাহক পদাৰ্থ, যেনেঃ কয়লাগুৰি, চেলুলজ পাউদাৰ, লিগনাইট, পিট, ছাই আদিৰ লগত মিহলাই জীৱাণুসাৰ প্ৰ্স্তুত কৰা হয়। এই অণুজীৱবিলাক মাটিত শিপাশোধন, বীজশোধন আদি পদ্ধতিৰ দ্বাৰা প্ৰয়োগ কৰা হয়। গছৰ শিপাই প্ৰয়োজনীয় খাদ্যমৌল আহৰণ কৰাত এই অণুজীৱবিলাকে সহায় কৰে।
কেতবোৰ জীৱাণুসাৰৰ প্ৰয়োগে গছৰ ৰোগ নিয়ন্ত্ৰণত জৈৱনিয়ন্ত্ৰক হিচাপে সহায় কৰাৰ লগতে মাটিৰ অপকাৰী অণুজীৱৰ বৃদ্ধি ৰোধ কৰে। ফলত গছৰ ৰোগ প্ৰতিৰোধ ক্ষমতা বৃদ্ধি পায়।
উৎসঃ উদ্যান শস্য আৰু সংসাধন সঞ্চালকালয়, অসম
শেহতীয়া উন্নীতকৰণ: : 3/16/2020
জীৱাণুসাৰৰ প্ৰয়োগ
কৃষি বিজ্ঞানৰ অ.আ.ক.খ. ৰ বিষয়ে লিখা হৈছে ।
জীৱাণুসাৰৰ প্ৰকাৰ