পুছা ছাৱানী, আৰ্কা অনামিকা, পাৰভানি ক্ৰান্তি, স্হানীয় জাত, ৰেড অণ্ডাৰ (পাহাৰীয়া অঞ্চলৰ বাবে), পঞ্চশীৰা (ব্ৰহ্মপুত্ৰৰ উত্তৰ পৰিমণ্ডলৰ বাবে) ৷
পুছা ছাৱানী : গা-গছ আৰু পাতবোৰত মজলীয়াকৈ শুঙ্ থাকে ৷ ওপৰৰ পাতবোৰ বেঙুনীয়া, গা গছজোপাও পাতলীয়াকৈ বেঙুনীয়া ৰঙৰ৷ ভেণ্ডিবোৰ মিহি আৰু সেউজীয়া ৰঙৰ, প্ৰায় সকলো সময়তে খেতি কৰিব পৰা ৷
আৰ্কা অনামিকা : গছবোৰ ওখ (১৮০ চে:মিটাৰ), আৰু থিয়, ভেণ্ডিবোৰ দীঘল (২০ চে:মিটাৰ), সেউজীয়া আৰু কোমল হয় ৷ ১২০-১৩০ দিনৰ ভিতৰত ইয়াৰ কৃষিকাল সমাপ্ত হয় ৷ উত্পাদন ১৭৫-২৫০ কুইন্টল প্ৰতি হেক্টৰত পোৱা যায় ৷ হালধীয়া পৰা ভাইৰাচ বেমাৰ প্ৰতিৰোধ কৰিব পৰা ক্ষমতা আছে ৷
পাৰভানি ক্ৰান্তি : উচ্চ উত্পাদন ক্ষমতা থকা আৰু হালধীয়া পৰা ভাইৰাচ বেমাৰ প্ৰতিৰোধৰ ক্ষমতা থকা ৷
ৰেড অণ্ডাৰ : উত্পাদন ক্ষমতা গড় হিচাবত ১২৫ কুইন্টল প্ৰতি হেক্টৰত ৷
পঞ্চশিৰা : গছবোৰ ১৫৮ চে:মিটাৰ মান ওখ হয়, ভেণ্ডিবোৰ ১৯ চে:মিটাৰ মান দীঘল হয় ৷ গড় হিচাবত প্ৰতি হেক্টৰত ১৫০ কুইন্টল মান উত্পাদন পাব পাৰি ৷
মাটি ডৰা ভালদৰে চহাই যথেষ্ট পৰিমানৰ পচনসাৰ প্ৰয়োগ কৰি লব লাগে ৷
বীজৰ পৰিমান :
সিঁচাৰ সময়
জানুৱাৰীৰ মাজভাগৰ পৰা জুলাই মাহলৈ
ব্যৱধান
বসন্ত, গ্ৰীষ্ম কালিৰ বাবে শাৰীৰ পৰা শাৰী আৰু গছৰ পৰা গছৰ দূৰত্ব ৩০ চে: মিটাৰ হব লাগে ৷
বৰ্ষাকালিৰ বাবে ৪৫ চে: মিটাৰ x ৩০ চে: মিটাৰ হব লাগে ৷
বীজশোধন আৰু বীজ সিঁচাৰ পদ্ধতি :
বীজ সিঁচাৰ আগেয়ে বীজবোৰ ২৪ ঘন্টা মান পানীত তিয়াই থব লাগে ৷ এনে কৰিলে বীজ অঙ্কুৰণত সহায় হয় ৷ বীজবোৰ পোনে পোনেই বীজ দিবৰ বাবে কৰি যোৱা গাঁত বা ভেটিত সিঁচিব লাগে ৷ পাৰিলে বীজ সিঁচাৰ পিছত পাতলীয়াকৈ মাটিৰে বা পচন সাৰেৰে ঢাকি দিব লাগে ৷
পচন সাৰ প্ৰতি হেক্টৰৰ বাবে ১০ টন মানৰ প্ৰয়োজন ৷ ৫০ কি: গ্ৰাম ফছফৰাছ, ৫০ কি: গ্ৰাম নাইট্ৰজেন আৰু ৫০ কি: গ্ৰাম পটাছ প্ৰতি হেক্টৰৰ বাবে প্ৰয়োজন হয় ৷ সম্পূৰ্ণ পৰিমানৰ পচন সাৰ, ফছফৰাছ আৰু পটাছ আৰু আধা পৰিমানৰ নাইট্ৰ'জেন বীজ সিঁচাৰ সময়ত বা শেষৰবাৰ মাটি চহোৱাৰ সময়ত আৰু বাকী অংশ নাইট্ৰ'জেন বীজ সিঁচাৰ ৩৫-৪০ দিনৰ ভিতৰত টপ দ্ৰেচ হিচাবে ব্যৱহাৰ কৰিব লাগে ৷
পৰিচৰ্য্যা
অপতৃণ নিয়ন্ত্ৰণ
বীজ সিঁচাৰ আগেয়ে বাচালিন ১.০ কি: গ্ৰাম শক্তিৰ প্ৰতিহেক্টৰত আৰু বীজ সিঁচাৰ ২৫-৩০ দিনৰ পিছত এবাৰ হাতেৰে বনবাতবোৰ উভালি পেলাব লাগে ৷
শস্যৰক্ষা
১৷ গছ আৰু ফলত ধৰা মজাখোৱা পোক আৰু জেছিদ: ০.৫ মি: লিটাৰ প্ৰতিলিটাৰ পানীত ডেল্টামেথ্রিন (ডেছিচ ২.৮ ইচি) নামৰ কীটনাশকটো মিহলাই
নতুবা
ডাইক্লোৰভচ্ ১০০ ইচিৰ ০.৫ মি: লিটাৰ প্ৰতি লিটাৰ পানীত
নাইবা
মালাথিয়ন ৫০ ইচিৰ ২ মি: লিটাৰ প্ৰতি লিটাৰ পানীত মিহলাই স্প্ৰে কৰিব লাগে ৷ স্প্ৰে কৰাৰ পাচত ফল চিঙালৈকে অপেক্ষা কৰাৰ সময় হ’ল ৩ দিনমানৰ পিচৰপৰাহে ফলবোৰ চিঙিব লাগে।
২৷ কাট ৱৰ্ম : মালাথিয়নৰ ৫০ শতাংশ পাউদাৰ প্ৰতি হেক্টৰত ২০ কেজিকৈ প্ৰয়োগ কৰিব ৷
৩৷ শিৰা হালধীয়া পৰা মজাইক (ভাইৰাচ) বেমাৰ : এই বেমাৰৰ বাবে-
(ক) মেটা চিষ্টক্স নাইবা ৰগৰ নামৰ ঔষধ এই বেমাৰৰ বাহক যেনে জেচিদ বা মোৱাপোক আদি মাৰিবলৈ ব্যৱহাৰ কৰিব পাৰে।এইবিধ পোক পৰিলক্ষিত হোৱাৰ আগেয়ে প্ৰয়োগ কৰিব লাগে ৷ প্ৰথমবাৰ পুলি ওলোৱাৰ ২০ দিনৰ ভিতৰত আৰু সৰ্বমুঠ ৫ ৰ পৰা ৬ বাৰ মান স্প্ৰে কৰিব লাগে ৷
(খ) এই ভাইৰাচ বেমাৰৰ পৰা বাচিবলৈ বতৰৰ আগতেই খেতি কৰিব পাৰিলে ভাল ফলাফল পোৱা যায় ৷
(গ) সৰ্বাধিক উত্পাদন পাবলৈ আৰু ভাইৰাচ বেমাৰৰ পৰা খেতিডৰা আঁতৰাই ৰাখিবলৈ ফেব্ৰুৱাৰী আৰু মাৰ্চ মাহৰ ভিতৰত বীজ সিঁচিব লাগে ৷
(ঘ) শিপাত গাঠি ধৰা উদ্ভিদ কৃমিৰ পৰা গছক বছাবলৈ ৩০ কি: গ্ৰাম প্ৰতি হেক্টৰত ফুৰাদন ৩ জি দানা ব্যৱহাৰ কৰিব লাগে৷
শস্য চপোৱা
প্ৰথমবাৰ ফল চিঙিবলৈ বীজ সিঁচাৰ পৰা ৪৫-৫০ দিনৰ প্ৰয়োজন হয় ৷ ৪-৫ দিনৰ ব্যৱধানত ফলবোৰ চিঙিব লাগে ৷ ঔষধ স্প্ৰে বা ব্যৱহাৰ কৰাৰ আগেয়ে ফলবোৰ চিঙি লব লাগে ৷
উত্পাদন :
১৫০-২০০ কি: গ্ৰাম প্ৰতি হেক্টৰত৷
উৎস: অসম কৃষি বিশ্ববিদ্যালয়, যোৰহাট।
শেহতীয়া উন্নীতকৰণ: : 6/21/2020