শিমলু আলুক ইংৰাজীত টেপিয়কা (Tapioca) বা কেছেভা (Cassava) বুলিও কোৱা হয়৷ এই খেতি ভাৰতৰ কেৰেলা, তামিলনাডুৰ কিছু অংশত, অন্ধপ্ৰদেশ, কৰ্ণাটক আৰু অসমতো কৰা হয়৷ শিমলু আলুবোৰ পানীত উতলাই বা নানা পদ্ধতিৰে তৈয়াৰ কৰা খাদ্য যেনে পাপৰ, চিপচ্, চাগু, বিস্কুট আদি কৰিও খাব পাৰি৷
জাত সমুহ
এইচ-৪৩, এইচ-৯৭, এইচ-১৬৫, এইচ-২৩০৪, এচ-৮৬৫, ট্ৰাইপ্লইড-২-১৪ আদিয়েই প্ৰধান আৰু অসমৰ বাবে অনুমোদিত৷
মাটি নিৰ্বাচন আৰু জলবায়ুৰ প্ৰয়োজনীয়তা
শিমলু আলুৰ খেতি সাধাৰণতে সকলো প্ৰকাৰৰ মাটিতে কৰিব পাৰি যদিও খাৰযুক্ত আৰু অম্লতা নথকা মাটিত ইয়াৰ খেতি কৰা নহয়৷ বেচিকৈ পানী জমা হোৱা মাটিতো এই খেতি ভাল নহয় ৷ এই খেতিয়ে গৰম সেমেকা জলবায়ুহে বেছি ভাল পায় আৰু যি ঠাইত বছৰি গড়ে ১৫০০-২০০০ মি:মিটাৰ বৰষুণ হয় সেই ঠাইতহে এই খেতি ভাল হয়৷
মাটি নিৰ্বাচন আৰু প্ৰস্তুতি
পাহাৰীয়া এঢলীয়া মাটিত যি ঠাইত অন্য খেতি কৰিব নোৱাৰি এনে ঠাইহে বাচি লব লাগে৷ মাটিডোখৰ ২-৩ বাৰ মান ২৫-৩০ চে:মিটাৰ মান দকৈ হালবাই লব লাগে৷
উৎস: অসম কৃষি বিশ্ববিদ্যালয়।
শেহতীয়া উন্নীতকৰণ: : 6/21/2020