অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

পামত মৃত কুকুৰাৰ নিষ্পত্তিকৰণ

পামত কুকুৰাৰ মৃত্যু আৰু  আনুষংগিক কিছু কথা

এখন কুকুৰা পামত সাধাৰণতে ৩-৪ শতাংশ কুকুৰা স্বাভাৱিকভাৱে মৃত্যু হ’ব পাৰে, বেমাৰ আদি হ’লেও কুকুৰাৰ মৃত্যু হয়| পামত কুকুৰাৰ মৃত্যু যিকোনো কাৰণতেই নহওক কিয় ইয়াক শৱচ্ছেদন কৰি মৃত্যুৰ কাৰণ নিৰ্ণয় কৰাৰ ব্যৱস্থা কৰাৰ লগে লগে ইয়াক জ্বলাই বা দকৈ পুতি পেলোৱাৰ ব্যৱস্থা কৰিব লাগে| কাৰণ মৃত কুকুৰাবোৰ বেমাৰৰ উৎস হ’ব পাৰে আৰু ইয়াৰ পৰা পামৰ আন স্বাস্থ্যবান কুকুৰালৈ বেমাৰৰ বীজাণু সংক্ৰামিত হ’ব পাৰে| অনেক পালকে মৃত্যু হোৱা কুকুৰাবোৰ ওচৰৰ জংঘল, নৈ, এৰাবাৰী, অথবা পথাৰত দলিয়াই দি নিষ্কৃতি ল’ব বিচাৰে| ই এটা বৰ দোষণীয় কথা| ইয়াৰ বাবে ঠাইডোখৰ প্ৰদূষিত হোৱাৰ লগতে আন ঘৰচীয়া বা বনৰীয়া চৰাই জন্তুলৈ বেমাৰ বিয়পিব পাৰে| ইয়াৰ উপৰি এনেদৰে পেলোৱা মৃত কুকুৰা শিয়াল কুকুৰ আদিয়ে পুনৰ পাম এলেকালৈ আনিব পাৰে|

আজিকালি অনেক পামত কুকুৰাবোৰ মঙহৰ বাবে বিক্ৰী কৰোতে কাটি-বাচি পৰিষ্কৃত কৰাৰ ব্যৱস্থা কৰা হয়| পৰিষ্কৃত ব্ৰইলাৰ মঙহৰ চাহিদা বঢ়াৰ লগে লগে পামবোৰত এক বৃহৎ পৰিমাণত কুকুৰাৰ নাড়ী-ভেৰু, পাখি আদি জমা হয়| মৃত কুকুৰাৰ দৰে এইবোৰৰ পৰাও পামৰ স্বাস্থ্যৱান কুকুৰালৈ বেমাৰৰ বীজাণু বিয়পিব পাৰে| সেয়েহে মৃত কুকুৰাৰ দৰে এই নাড়ী-ভেৰু, পাখি আদি জমা হয়| মৃত কুকুৰাৰ দৰে এইবোৰৰ পৰাও পামৰ স্বাস্থ্যৱান কুকুৰালৈ বেমাৰৰ বীজাণু বিয়পিব পাৰে| সেয়েহে মৃত কুকুৰাৰ দৰে এই নাড়ী-ভেৰু পাখি ইত্যাদি বোৰকো উচিত ব্যৱস্থাৰো নিষ্পত্তি কৰা আৱশ্যক|

পামৰ মৃত কুকুৰা আদি নিষ্পত্তি কৰিবৰ বাবে

পামৰ মৃত কুকুৰা আদি নিষ্পত্তি কৰিবৰ বাবে পামৰ শেষ মূৰত এটা ২.৪ মিটাৰ(৪ ফুট) গভীৰ আৰু ১.৮ মিটাৰ (৬ফুট) দীঘল তথা বহল গাত এটা খান্দি লোৱা উচিত| গাঁতটো কৰি তষ্টৰে ঢাকি থকা এটা ৩০ ছেঃমিঃ (১ফুট) ব্যাসৰ ফুটাৰখা উচিত| ফুটাটোত এটা তলিফুটা পাত্ৰ স্থাপন কৰি মুখখন ঢাকি ৰখাৰ ব্যৱস্থা কৰিব লাগে| এনে এটি গাত ১০০০০ কুকুৰা থকা পামৰ বাবে যথেষ্ট| মৃত কুকুৰা আদি ফুটাটোৰে তললৈ ভৰাই ঢাকনিখন বন্ধ কৰি দিয়া উচিত| মৃত কুকুৰা নিষ্পত্তি কৰণৰ এই ব্যৱস্থাই পাম এলেকা প্ৰদূষিত নকৰে, পালকৰ ধন আৰু শ্ৰম লাঘৱ কৰে আৰু শিয়াল কুকুৰে খান্দি উলিয়াই পামৰ জৈৱিক নিৰাপত্তা নষ্ট কৰিব নোৱাৰে|

লেখক:- ডাঃ কুল প্ৰসাদ কলিতা

উৎস:- অসমীয়া খবৰ

শেহতীয়া উন্নীতকৰণ: : 5/15/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate