বৰ্ত্তমান আমাৰ দেশ কণী আৰু মাংস উপযোগী কুকুৰা উৎপাদন কৰা দেশ বিলাকৰ ভিতৰত অন্যতম৷ অৱশ্যে দেশৰ চাহিদা অনুসৰি এই বিলাক খাদ্য সামগ্ৰীৰ উৎপাদন হোৱা নাই৷ অসমত ইয়াৰ অৱস্থা বৰ সুখদায়ক নহয়৷ আজি কালি বহুতো কৃষক নিবনুৱা যুৱক-যুৱতীয়ে ব্যৱসায় ভিত্তিত হাঁহ-কুকুৰা পালন কৰি আত্ম নিৰ্ভৰশীল হোৱা প্ৰচেষ্টাটো বৰ আদৰণীয়৷ আমাৰ দেশত কুকুৰা ও কণী উৎপাদনৰ কিছু তথ্য দাঙি ধৰা হৈছে৷
বছৰ |
কণী পৰা কুকুৰা (নিযুত) |
কণী উৎপাদন (নিযুত) |
ব্ৰইলাৰ (নিযুত) |
১৯৯০ |
১২২ |
২৪৬০০ |
২৪০ |
১৯৯৪ |
৬২০ |
২৬৩০০ |
২৭৫ |
২০০০ |
১২১০ |
৪৫০০০ |
৮০০০ |
ওপৰৰ সমীক্ষাৰ পৰা এইটো পতিয়ন হৈছে যে ভাৰতবৰ্ষত বৰ্ত্তমান উন্নত পশু-পক্ষী প্ৰতিপালনৰ দ্বাৰা উৎপাদন বৃদ্ধিত যথেষ্ট অগ্ৰগতি লাভ কৰিছে ৷ তথাপিও আমাৰ দেশত লাগতীয়াল পৰিমাণৰ কণী বা মাংস উৎপাদন হোৱা নাই ৷ উদাহৰণ স্বৰূপে ভাৰতৰ বাহিৰৰ উন্নত দেশ বিলাকৰ প্ৰতিজন লোকে বছৰি ৩৫০-৪৫০ টা কণীৰ অনুপাতত ভাৰতীয় লোকে বছৰি প্ৰায় ৩৬ টা মানুহে কণী খাবলৈ পায়৷ উৎপাদিত সামগ্ৰী বিলাকৰ মন্হৰ গতিত মুলত বহুতো কাৰণ আছে৷
এই বিলাকৰ ভিতৰত
১)উন্নত হাঁহ-কুকুৰা পালনৰ প্ৰতি কৃষক সমাজৰ উদাসীনতা৷
২)উন্নত প্ৰতিপালনৰ বিভিন্ন দিশৰ জ্ঞানৰ অভাৱ আৰু গতানুগতিক পদ্ধতিৰে হাঁহ-কুকুৰা পালন ৷
৩)মুলধনৰ অভাৱ৷
৪)সময়মতে উন্নত সঁচ, গুণবিশিষ্ট দানা-পানী, উৎপাদিত সামগ্ৰীৰ বজাৰ আদিৰ অভাৱ৷
৫)সময়মতে চিকিৎসা ব্যৱস্থাৰ অভাৱ আদি বহুতো কাৰণ দেখা পোৱা যায়৷
কিন্তু এই বিলাক অসুবিধা স্বত্বেও আজি আমাৰ দেশত হাঁহ-কুকুৰা পালনত বিশেষ অগ্ৰগতি লাভ কৰা দেখা গৈছে৷ আমাৰ প্ৰাকৃতিক পৰিবেশলৈ চাই হাঁহ পালন এক উৎপাদনমুখী প্ৰক্ৰিয়া বুলি কব পাৰি ৷ অৱশ্যে সমগ্ৰ উত্তৰ পুৰ্বাঞ্চল, উৰিষ্যা, পশ্চিমবঙ্গ, অসম, ত্ৰিপুৰা হাঁহ পালনৰ বাবে বিশেষ ভাৱে উল্লেখনীয় ৷ অৱশ্যে কুকুৰা পালনৰ দৰে হাঁহ পালনে বিশেষ অগ্ৰসৰ হ’ব পৰা নাই ৷ কিন্তু কণী পৰা কুকুৰা পালনৰ তুলনাত হাঁহ পালন বেছি সুবিধাজনক বুলি পৰিগণিত হৈছে ৷ হাঁহ পালনৰ বিশেষ সুবিধা সমূহৰ ভিতৰত প্ৰধানকৈ তলৰ কথাখিনি মনত ৰাখিব লাগিব ৷
১)হাঁহ শক্তিশালী, দ’ নলা, পিতনি আদিত চৰি-মেলি নিজে লাগতিয়াল বহুতো খাদ্য যোগাৰ কৰিব পাৰে ৷
২)ৰোগ প্ৰতিৰোধ ক্ষমতাও বেছি ৷
৩)হাঁহৰ কণীত মাংসৰো চাহিদা বেছি ৷
৪) সমন্বিত আৰ্হিৰ হাঁহ-কুকুৰা দুয়োটাই মীন পথাৰত ব্যৱহাৰ কৰি একক কৃষি ভুমিত অধিক উৎপাদন কৰিব পাৰি ৷ সেয়েহে বৰ্ত্তমান আমি সকলোৱে উন্নত প্ৰকাৰে হাঁহ-কুকুৰা প্ৰতিপালন কৰি প্ৰতিজন কৃষক পৰিয়ালে আৰ্থিক দিশ টনকীয়াল কৰাৰ কথা চিন্তা কৰাৰ প্ৰয়োজন হৈছে৷ ইয়াৰ বাবে আমি প্ৰত্যেকে উন্নত প্ৰতিপালন বিভিন্ন দিশৰ কথা জানিব লাগিব ৷
বৰ্ত্তমান দেশত উন্নত জাতৰ কণী পৰা কুকুৰা, ব্ৰইলাৰ কুকুৰা, বিভিন্ন প্ৰজাতিৰ হাঁহৰ পোৱালী পোৱা যায়৷ উন্নত জাতৰ কণী পৰা কুকুৰাৰ বিশেষত্ব হৈছে যে এই বিলাক কুকুৰাই ৪১/২ মাহৰ পৰা ৫ মাহত কণী পৰা আৰম্ভ কৰি বছৰি প্ৰায় ২৬০-২৮০ টা কণী পাৰে৷ ইয়াৰ বাবে উপযুক্ত থকা ঠাই, স্বাস্থ্য ৰক্ষাৰ ব্যৱস্থা আৰু গুণবিশিষ্ট দানা পানী যোগান অতি প্ৰয়োজন ৷
থূলমূলকৈ ঊন্নত প্ৰতিপালনৰ সাৰমৰ্ম হ’ল
১)ঊন্নত জাতৰ হাঁহ–কুকুৰা নিৰ্বাচন,
২)উপযুক্ত হাঁহ–কুকুৰাৰ গড়াল নিৰ্মাণ,
৩)উপযুক্ত দানা- পানীৰ যোগান,
৪)সময়মতে স্বাস্থ্য ৰক্ষাৰ ব্যৱস্থা গ্ৰহণ,
৫)সময়মতে পশু চিকিৎসকৰ পৰামৰ্শ গ্ৰহণ ইত্যাদি ৷
উৎস: অসম কৃষি বিশ্ববিদ্যালয়।শেহতীয়া উন্নীতকৰণ: : 5/10/2020
হাঁহ-কুকুৰাৰ দানা প্ৰস্তুতৰ নিয়মাৱলী