মূল পৃষ্ঠা / কৃষি / শস্য উৎপাদন / কেঁচুসাৰ কেনেকৈ প্ৰস্তুত কৰিব :
অংশিদাৰী
Views
  • স্থিতি: সম্পাদনাৰ বাবে মুকলি

কেঁচুসাৰ কেনেকৈ প্ৰস্তুত কৰিব :

কেঁচুসাৰ কেনেকৈ প্ৰস্তুত কৰিব, সেই বিষয়ে লিখা হৈছে ।

 

বৰ্তমান কৃষিকাৰ্যত পুষ্টিমৌল যোগানৰ বাবে ব্যৱহাৰ কৰিব পৰা অন্য এবিধ জৈৱিক সাৰ হ’ল- কেঁচুসাৰ বা ভাৰ্মিকমপষ্ট । বছৰ বছৰ ধৰি মাটিৰ গুণাগুণ নষ্ট নোহোৱাকৈ শস্যত পুষ্টিমৌল যোগানৰ এক উৎকৃষ্ট আৰু ফলপ্ৰসূ ব্যৱস্থা। নিজৰ চৌহদতে নাইবা মাটিৰ পাত্ৰ, পকী বা প্লাষ্টিকৰ টাব আদিতে অনায়াসে এই সাৰ প্ৰস্তুত কৰি লব পাৰি।

সকলো কেঁচুৱেই কেঁচুসাৰৰ বাবে উপযুক্ত নহয়। কেঁচুসাৰ বাবে উপযুক্ত কেইবিধমান কেঁচুৰ বৈজ্ঞানিক নাম হ’ল- আইচেনিয়া ফ’টিডা, এমাইনথেচ ডিকিৰিনজেনচ, লেমপিট মৰিচি, ইউড্ৰিলাচ ইউজেনি আদি।

কেঁচুসাৰ কেনেকৈ উৎপাদন কৰিব -

১) কেঁচুসাৰ উৎপাদন কৰিবলৈ হলে ওখ, পানী জমা নোহোৱা মাটিত ৪০ ফুট দীঘল, ১০ ফুট বহল আৰু ২.৫ ফুট ওখ আকাৰৰ পকী নাইবা বাঁহেৰে এটা টেঙ্কি তৈয়াৰ কৰি লব লাগে। এনে আকাৰৰ টেঙ্কিৰ পৰা প্ৰায় ১০০-১৫০ কুইণ্টল কেঁচুসাৰ পোৱা যায়। প্ৰয়োজনমতে, টেঙ্কিৰ আকাৰ সৰু, ডাঙৰ কৰি লব পৰি।

২)টেঙ্কিৰ তলিভাগত ৮-১০ ইঞ্চিৰ সৰু সৰু শিলগুটি বা ভগা ইটাগুটিৰে এটা তৰপ দিব লাগে।

৩) তাৰ ওপৰত ১-১.৫ ইঞ্চিৰ এটা মোটা বালিৰ তৰপ দিব লাগে আৰু ইয়াৰ ওপৰত ৮-১০ ইঞ্চিৰ সেমেকা পলসুৱা মাটিৰ সাৰ দিব লাগে।

৪) এতিয়া প্ৰায় ১৫-২০ কিলোগ্ৰাম কেঁচু এৰি দিব লাগে। তাৰ ওপৰত গোৱৰৰ ৩-৪ ইঞ্চিৰ এটা তৰপ দিব লাগে। তাৰ ওপৰত ২-৩ ইঞ্চিৰ শুকান ঘাঁহ-বনৰ এটা তৰপ দিব লাগে।

৫) এতিয়া এই তৰপবোৰক সিক্ত কৰি ৰাখিবৰ বাবে পানী চটিয়াই থাকিব লাগে।

৬) ৩০ দিনৰ পিছত পুনৰ আগৰ দৰেই গোবৰ আৰু শুকান ঘাঁহ-বনৰ তৰপ সপ্তাহত দুদিনকৈ জাপিব লাগে। প্ৰায় ২-৩ মাহৰ ভিতৰত কেঁচুসাৰ তৈয়াৰ হয়।

৭) মাজে-সময়ে তৰপবোৰ লুটিয়াই বগৰাই দিব লাগে। কেঁচুসাৰ সংগ্ৰহ কৰাৰ ২-৩ দিনৰ আগেয়ে পানী দিয়াটো বন্ধ কৰিব লাগে।

৮) সংগ্ৰহ কৰা কেঁচুসাৰখিনি ছাঁত শুকুৱাই লৈ চালনীৰ সহায়ত তাঁত থকা কেঁচু, কেঁচুৰ কণী বা অন্য মোটা জৈৱিক পদাৰ্থ আদি আঁতৰাই পেলাব লাগে।

কেঁচুসাৰ পুষ্টি মৌল -

Organic carbon

9.5-17.98%

Nitrogen

0.5-1.50%

Phosphorous

0.1-0.30%

Potassium

0.15-0.56%

Sodium

0.06-0.30%

Calcium and Magnesium

22.67 to 47.60 meq/100g

Copper

2-9.50 mg kg-1

Iron

2-9.30 mg kg-1

Zinc

5.70-11.50 mg kg-1

Sulphur

128-548 mg kg-1

 

উৎস: সেউজ চিন্তা

 

3.08333333333
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top