মূল পৃষ্ঠা / কৃষি / শস্য উৎপাদন / খেতি কৰোঁ আহক পালেং শাক
অংশিদাৰী
Views
  • স্থিতি: সম্পাদনাৰ বাবে মুকলি

খেতি কৰোঁ আহক পালেং শাক

 

শাকৰ ৰজা পালেং।পৃথিৱীৰ প্ৰায় সকলো ঠাইতে জনপ্ৰিয় পালেং শাক মানুহৰ বাবে এবিধ শক্তিবৰ্দ্ধক আৰু পুষ্টিবৰ্দ্ধক পাচলি।অসমৰ মাটিৰ উপযোগী এই শাকবিধৰ কৃষি পদ্ধতি চমুকৈ এনেধৰণৰ-

মাটি:পানী ওলাই যোৱাৰ সুব্যৱস্থা থকা মাটিত অধিক জৈৱিক গুণ থকা আৰু ৬.০ ৰ পৰা ৭.০ লৈকে অম্লতা থকা মাটি পালেং শাকৰ খেতিৰ বাবে উপযোগী।

পথাৰ প্ৰস্তুতি:মাটিডৰা মিহিকৈ চাহ কৰি মিহি কৰি ল’ব লাগে আৰু সমান কৰিব লাগে।পচন সাৰ বিঘাই ৬ কুইণ্টল মাটি চাহ কৰোঁতে প্ৰয়োগ কৰিব লাগে।

জাত নিৰ্বাচন:অসমৰ বাবে অনুমৌদিত জাত হৈছে-জনাৰ গ্ৰীণ,অল গ্ৰীণ,এছ ২৩ পুছা জ্যোতি,গ্ৰীণ ফ্লেভাৰ আদি।

সিঁচাৰ সময়:ছেপ্টেম্বৰ মাহৰ দ্বিতীয় সপ্তাহৰপৰা ডিচেম্বৰলৈ।

বীজৰ পৰিমাণ:বিঘাই প্ৰতি ৩-৪ কিলোগ্ৰাম

বীজ শোধন :প্ৰতি কিলোগ্ৰাম বীজ ৫ গ্ৰাম ব্ৰাচিকল ঔষধেৰে শোধন কৰিব লাগে।

ব্যৱধান:শাৰীৰ মাজত দুৰত্ব ২০ ছেণ্টিমিটাৰ।

সাৰ প্ৰয়োগ:ইউৰীয়া ১৫ কিলোগ্ৰাম প্ৰতি বিঘাত,ছুপাৰ ফছফেট ৭২ কিলোগ্ৰাম প্ৰতি বিঘাত ,মি: অ: পটাছ ৮ কিলোগ্ৰাম প্ৰতি বিঘাত।

প্ৰতিপালন:গুটিবোৰ গজালি মেলাৰ পিছত অৰ্থাৎ ১০-১২ দিন পিছত পুলিবোৰ শাৰীৰ মাজত ৫-৭ ছেণ্টিমিটাৰ হিচাপত পাতলাই দিব লাগিব।গুটি সিঁচাৰ ২০-২৫ দিন পিছত পুনৰ এবাৰ বন-বাত নিৰাই দিয়াৰ প্ৰয়োজন।আনহাতে,প্ৰয়োজনীয় কথাটো হৈছে বীজ।সিঁচাৰ পিছতে প্ৰয়োজনবোধে প্ৰথমবাৰ জলসিঞ্চন কৰিব লাগে আৰু তাৰ পিছত ১০-১২ দিনৰ অন্তৰে অন্তৰে জলসিঞ্চন কৰা দৰকাৰ।

লেখক:প্ৰবোধ চন্দ্ৰ শৰ্মা (দৈনিক অসম)

3.03703703704
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top