অংশিদাৰী
Views
  • স্থিতি: সম্পাদনাৰ বাবে মুকলি

ধানৰ অনিষ্টকাৰী কীট-পতংগ :

ধানৰ অনিষ্টকাৰী কীট-পতংগৰ বিষয়ে লিখা হৈছে ।

 

চৰহা (ইং:Rice Hisps; বৈ: Dicladispa armigera (Oliv.)

চৰহা এবিধ গাঁত কাইট থকা, জুইশলা কাঠিৰ খাৰকণৰ সমান, গুবৰুৱাজাতীয় এবিধ ক’লা বৰণৰ পোক (ছবি-১)। বান আক্রান্ত কিম্বা পানী জমা হোৱা দ’ পথাৰত ইহঁতৰ আক্রমণ বেছি হয়। পলু আৰু পূর্ণাংগ দুয়োটা অৱস্থাই গছজোপাৰ অনিষ্টসাধন কৰে। পলুবোৰে পাতৰ সেউজীয়া প্রলেপটোৰ মাজেৰে সুৰংগ কৰি ভিতৰলৈ সোমাই দুই শিৰাৰ মাজত থাকি খাই, যাৰ বাবে পাতত দীঘলীয়া আঁচ কিছুমান পৰে। আনহাতে পূর্ণাংগ কীটটোৰ বাবে পাতত বগা বৰণৰ দাগ পৰে । পাছলৈ এনে পাতবোৰ শুকাই খেৰবৰণীয়া হয়। অসমত চৰহাৰ আৱির্ভাব কিছু বছৰৰ অন্তৰে অন্তৰে হোৱা দেখা যায়। অৱশ্যে এনে হোৱাৰ কাৰণ এতিয়াও সঠিক ভাৱে ঠাৱৰ কৰিব পৰা হোৱা নাই।

নিয়ন্ত্রণ:

১) চৰহাৰ সাম্ভাব্য আশ্রয়স্থল যেনে: দ’ল,উলু আদি ঘাঁহ-বনবোৰ কাটি জ্বলাই দিব লাগে।

২) আক্রমণৰ প্রথম অৱস্থাত পূর্ণাংগ পোকটো সংগ্রহ কৰি নষ্ট কৰিব লাগে।

৩) বগৰী আদি কাঁইটীয়া গছৰ ডালেৰে দুদিনমানৰ অন্তৰে অন্তৰে ধান গছবোৰ কোবাই থাকিলে পাতত থকা কণী, পলু, লেটাসমূহ নষ্ট হৈ আক্রমণৰ মাত্রা কম কৰিব ।

৪) কেৰাচিন আৰু পানীৰ ১:১ মিশ্রণত তিয়াই লোৱা ৰচি ডৰাটোৰ ওপৰেদি চলালেও চৰহাৰ আক্রমণ কম হয় ।

৫) জৈৱকীটনাশক যেনে: Beauveria bassiana (Bals.) পাঁচ গ্রাম পানীৰ লগত মিহলাই  ছটিয়ালে চৰহাৰ আক্রমণ কম হয়। এবিঘা মাটিৰ বাবে ৪০০-৫০০ গ্রাম এনে জৈৱকীটনাশকৰ আৱশ্যক হয়।

৬) ওপৰত উল্লেখ কৰা প্রতিকাৰ সমূহ পালন কৰাৰ পাছতো যদি চৰহাৰ আক্রমণ কম নহয় আৰু প্রতিটো গোছাত এটা চৰহা নাইবা ১-২ খিলা আক্রান্ত পাত দেখিলে ক্লৰ’পাইৰছ ২০ ইচি নাইবা কুইনালফছ ২৫ ইচি ঔষধৰ দুচামোচ প্রতি পাঁচ লিটাৰ পানীত মিহলাই স্প্রে কৰিব লাগে।

লেখক :- ড: ছাদিকুল হুছেইন

উৎস- সেউজী ধৰণী

 

 

 

2.61538461538
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top