এতিয়া শীতকালীন ফুলৰ বতৰ । নাৰ্জি, ডালিয়া, গ্লেডিওলাছ, লিলিয়ামৰ কলম বা পুলি ৰোৱাৰ আগতে ৰোগমুক্ত কৰিবলৈ ১০ লিটাৰ পানীত ১ গ্ৰাম বেভিষ্টিন ২ গ্ৰাম ইন্দোফিল এম ৪৫ নাইবা কেপটাফ মিহলাই তাত পুলিবোৰ ৫ মিনিট ডুবাই ৰোপণ কৰক । ৰোৱাৰ আগতে ১০০ গ্ৰাম কেঁচুসাৰ মাটিত দিয়ক ।
- আলু ৰোৱাৰ আগতে ৫০ গ্ৰাম ইন্দোফিল এম ৪৫, মেনকাজেৱ/ কেপটান ১০ লিটাৰ পানীত মিহলাই আলু বা কটা আলুবোৰ ২০-২৫ মি: উক্ত মিশ্ৰণত ডুবাই টুকি লৈ ছাঁত শুকুৱাই আলু ৰুব । এনে কৰিলে ব্লাইট ৰোগে নধৰে ।
- ঋতুকালীন ফুলৰ গছত পোক-পৰুৱা প্ৰতিৰোধ কৰিবলৈ কেৱল মালাথিয়ন ৫০ ইচি, ৰগৰ ৩৫ ইচি কীটনাশক দ্ৰব্য ছটিয়াব । ১০ লিটাৰ পানীত ১৫ মিলিলিটাৰ কীটনাশক দ্ৰব্য মিহলাই আবেলি পৰত স্প্ৰে’ কৰিব ।
- বেঙেনাৰ পুলি ৰোৱাৰ ২০-২৫ দিন পাছত গুৰিৰ পৰা নিলগত চক্ৰাকাৰে লোৰ খান্দি ৩ গ্ৰাম ফুৰাডন (কাৰ্বোফুৰান) প্ৰয়োগ কৰিলে কোনো পোকে গছ, পাত বা ফলৰ ক্ষতি কৰিব নোৱাৰে ।
- ফলমূল, গছ যেনে- বগৰী, মধুৰিআম, আম, নেমু আদি গছৰ বুঢ়া ডাল, ৰোগাক্ৰান্ত ডাল মাটিৰ পৰা তিনিফুট তলৰ ডাল কাটি দিয়ক আৰু তাত ৰোগৰ বাবে ইন্দোফিল এম-৪৫ আৰু পোক-পৰুৱা নিয়ন্ত্ৰণৰ বাবে ৰগৰ, ফছফোমিডন প্ৰয়োগ কৰিব ।
- এতিয়া শীতকাল, বৰষুণ কম সেয়ে তামোল, নাৰিকল, পাণ আদি গছত পানী দিব । গৰু-ম’হ দোকমোকালিতে তামোল, নাৰিকলৰ গছত বান্ধক । ল’ৰা- ছোৱালীক গছৰ গুৰিত গা-ধুবলৈ দিয়ক । নাৰিকল গছ বেছি লহপহীয়াকৈ বাঢ়ি যদি বহু বছৰ ধৰি ফল-ফুল লগা নাই তেতিয়াহ’লে সাৰ প্ৰয়োগ বন্ধ কৰি গা-গছত সৰুকৈ আয়ত-ক্ষেত্ৰাকাৰে ফুটা কৰি খুলি দিলে ফুল-ফল লাগিব । প্ৰতিজোপা গছত ২৫ গ্ৰাম সুৱগা নৱেম্বৰতে দিয়ক ।
- তামোল ফুলা বন্ধ কৰিবলৈ ২ শতাংশ বৰাক বা সুৱগা স্প্ৰে’ কৰক । বাগান পৰিষ্কাৰ কৰি গেনোডাৰমা নহ’বলৈ শিপা অংশত ৫০-১০০ গ্ৰাম কেপটানৰ গুড়ি দিয়ক লগতে চাফ-চিকুণকৈ ৰাখি বাগানত পানী ওলাই যোৱাৰ সুব্যৱস্থা কৰক । শুকান ডাল-পাত গুচাই পুৰি পেলাব ।
- ফুলকবিৰ ৰং আৰু ওজন ঠিকে ৰাখিবলৈ প্ৰতি বিঘা মাটিত ১ কিলো সুৱগা মাটিত ৰোৱাৰ আগতে দিব । এনে কৰিলে ঠাৰি অংশ ফোপোলা হৈ নাথাকে, ওজনো বাঢ়ে ।
- বৰোধান, আগতীয়া আহু কৰা মাটিডোখৰত খেতি কৰাৰ ৩০ দিন আগতে ধইনচাৰ খেতি কৰি ধান ৰোৱাৰ ৪/৫ দিন আগতে হাল বাই মিহলাই পচিবলৈ দিলে গছে যথেষ্ট পৰিমাণে জৈৱিক সাৰ পোৱাৰ লগতে মাটিৰ গুণাগুণ বৃদ্ধি পাব আৰু পানী ধাৰণৰ ক্ষমতা বৃদ্ধি পাব ।
উৎস :- অসমীয়া খবৰ
শেহতীয়া উন্নীতকৰণ: : 1/24/2024
0 ratings and 0 comments
Roll over stars then click to rate.
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.