মূল পৃষ্ঠা / শিক্ষা / ডিজিটেল সাক্ষৰতা / কম্পিউটাৰ / মাইক্র'চফ্টৰ লেংগুৱেজ ইণ্টাৰফেচ পেক (LIP)
অংশিদাৰী
Views
  • স্থিতি: সম্পাদনাৰ বাবে মুকলি

মাইক্র'চফ্টৰ লেংগুৱেজ ইণ্টাৰফেচ পেক (LIP)

মাইক্র'চফ্টৰ লেংগুৱেজ ইণ্টাৰফেচ পেক (LIP)

পাতনি

মোৰ লগৰ এটাই 'আমি অসমীয়া' চাই ক'লে কবি হোৱাৰ আঁচনি নেকি ? মই ভাবিলোঁ কবি তো হ'ব লাগিবই, অলপ অভিযান্ত্ৰিক জ্ঞানৰ বিষয়েও লিখা যাওক৷

মূল
যোৱাকালি মাইক্র'চফ্ট য়ে ৬৪-বিট্ ৰ Win7 ৰ লেংগুৱেজ ইণ্টাৰফেচ পেক (LIP) মুকলি কৰি দিলে | এয়া এইটোও কোৱা হৈছে যে অসমীয়া ভাষাৰ LIP কেৱল ডাউনল'ড কেন্দ্ৰৰ পৰাহে লব পৰা যাব, OEM বা System Builder channels ৰ জৰিয়তে উপলব্ধ ন'হব|

এইখিনিতে জনাই থোৱা উচিত যে মাইক্র'চফ্ট য়ে ৩২-বিট্ ৰ Win7 ৰ অসমীয়া ভাষাৰ লেংগুৱেজ ইণ্টাৰফেচ পেক (LIP) ২০১০ চনৰ ২৯ মে তাৰিখেই উপলব্ধ কৰাইছিল | আপুনি যদি Win7 ব্যৱহাৰ কৰি আছে, তলৰ ঠিকনাটোত গৈ অসমীয়া ভাষাৰ লেংগুৱেজ ইণ্টাৰফেচ পেক (LIP) ডাউনল'ড কৰি আপোনাৰ সংগণক যন্ত্রটো অসমীয়া কৰি তোলক | যিহেতু তলৰ ঠিকনাটোত Windows 7 LIP ৰ ৩২-বিট্ আৰু ৬৪-বিট্ সংসৰণৰ কাৰণে পৃথকভাৱে ডাউনলোড, আপনি ডাউনলোড আৰম্ভ কৰাৰ আগতে, আপুনি Windows 7-ৰ কোনটো সংস্কৰণ স্থাপন কৰিব তাক নিশ্চিত কৰি লব লাগিব-

ঠিকনাটো: https://support.microsoft.com/en-in/help/14236/language-packs


আপোনালোকৰ সুবিধাৰ্থে মই Microsoft.com পৃষ্ঠাৰ কিছু নিৰ্দেশাৱলী ইয়াত লিখিছোঁ যিয়ে আপুনি Windows 7-ৰ কোন সংস্কৰণটো স্থাপন কৰিছে তাক নিৰ্দ্ধাৰণ কৰাত সহায়ক হব:

১)Start বুটামত ক্লিক কৰক

২)তাৰপিছত কম্পিউটাৰত সোঁ-ক্লিক কৰক আৰু Properties চয়ন কৰক৷ এইটোত আপোনাৰ কম্পিউটাৰ সম্পৰ্কত সাধাৰণ তথ্য দিয়া আছে৷

৩)ছিষ্টেম প্ৰকাৰৰ কাৰণে ছিষ্টেম বিভাগত লক কৰক৷ এইটোৱে যদি আপোনাৰ Windows 7 অপাৰেটিং ছিষ্টেম 32-বিট অপাৰেটিং ছিষ্টেম বা 64-বিট অপাৰেটিং ছিষ্টেম হয় সংকেত দিয়ে৷

গূঢ় কথাটো

গোটেই ৰামায়ণ বৰ্ণাই মোৰ লাগিছে মই ৰাম কোন তাকে কোৱা নাই৷ লেংগুৱেজ ইণ্টাৰফেচ পেক (LIP) টো কি বস্তু ??
মাইক্র'চফ্ট য়ে কোৱা বিৱৰণটো মই ইয়াতে দি দিছোঁ:

"Windows লেংগুৱেজ ইণ্টাৰফেচ পেকে (LIP) Windows-ৰ বহুল ব্যৱহৃত ক্ষেত্ৰসমূহৰ আংশিকভাৱে অনুবাদ কৰা সংস্কৰণ এটাৰ যোগান ধৰে৷ LIP স্থাপন কৰাৰ পিছত, ৱিজাৰ্ডত পাঠ, সংলাপ বাকচসমূহ, মেনুসমূহ আৰু সহায় আৰু সমৰ্থন বিষয়সমূহ LIP ভাষাত প্রদৰ্শিত হ'ব৷ অনুবাদ হৈ নথকা পাঠটো Windows 7-ৰ আধাৰিত ভাষাত থাকিব৷ উদাহৰণস্বৰূপে, আপুনি যদি Windows 7-ৰ স্পেনিচ সংস্কৰণ ক্ৰয় কৰে আৰু কাতালান LIP স্থাপন কৰে, কিছু পাঠ স্পেনিচত থাকিব৷ আপুনি কোনো একক বুনিয়াদি ভাষাত এটাতকৈ অধিক LIP স্থাপন কৰিব পাৰিব৷ Windows LIP Windows 7-ৰ সকলো সংস্কৰণতে স্থাপন কৰিব পাৰে"|

মই আৰু LIP

মই এই প্ৰকল্পটোৰ লগত প্ৰথম জড়িত হৈছিলোঁ ২০০৮ চনৰ জুন মাহত Win Vista ৰ লেংগুৱেজ ইণ্টাৰফেচ পেক (LIP)মুকলি কৰাৰ সময়ত ৷ ২০০৮ চনৰ জুন মাহৰ ২৮ তাৰিখে Win Vista ৰ বাবে অসমীয়া ভাষাৰ LIP উপলব্ধ কৰা হয় |
অৱশ্যে মোৰ বৰঙনি নিচেই অকণমানি, কোনোবাই মই কিবা কৰা বুলি কলে লাজেই লাগে৷ গোটেই প্ৰকল্পটো মাইক্র'চফ্ট ৰেডম'ন্ড ৰ পৰা চলোৱা হৈছে, য'ত অসমীয়া ভাষাৰ শব্দবোৰৰ বাবে কিছুমান তৃতীয় পক্ষ(Vendor Company)ৰ সহায় লোৱা হৈছে ৷ মই শেষ পৰ্য্যায়ত বানান, বাক্য গাঠনি, ব্যাকৰণ আৰু সমগ্ৰ পৃষ্ঠাটো পৰীক্ষণ কৰাৰ দায়িত্ব লৈছিলোঁ ৷ মই ভালেকেইটা পৰামৰ্শ দিছিলো যদিও সময়ৰ নাটনিত আটাইবোৰৰ সুধৰণি সম্ভৱ হোৱা নাছিল; এতিয়াও দুই এটা দৃষ্টিকটু ভাবে ভুল ৰৈ গৈছে ৷ Vendor Company বা FreeLancer যিসকলে প্রকৃত ভাঙনিবোৰ কৰিছে,তেওঁলোকলৈ অশেষ ধন্যবাদ |

Windows Vista ৰ বাবে LIP

আপুনি যদি Windows Vista ব্যৱহাৰ কৰি আছে, তলৰ ঠিকনাটোত গৈ অসমীয়া ভাষাৰ লেংগুৱেজ ইণ্টাৰফেচ পেক (LIP) ডাউনল'ড কৰি আপোনাৰ সংগণক যন্ত্রটো অসমীয়া কৰি তোলক -

ঠিকনাটো: https://www.microsoft.com/as-in/download/details.aspx?id=4903


সামৰণি
মাইক্র'চফ্টকে ধৰি আন আন ডাঙৰ কোম্পানীবোৰে ভাষাৰ স্থানীয়কৰণৰ ওপৰত বহুত জোৰ দিছে ৷ মই নিজে তেনেকুৱা ভালেকেইটা প্ৰকল্পত জড়িত,আংশিক ভাবে |

মনজিৎ নাথ

3.04761904762
ভাস্কৰ Dec 14, 2016 02:32 PM

মাইক্ৰচফট উইন্ডজৰ ৬৪বিট বেছি ভালনে ?৩২ বিট বেছি ভাল ?

আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top