মূল পৃষ্ঠা / শিক্ষা / বিশিষ্ট ব্যক্তিসকল / পৰাধীন অবিভক্ত ভাৰতৰ প্ৰথমজন ৰাষ্ট্ৰপতি–লক্ষেশ্বৰ বৰুৱা
অংশিদাৰী
Views
  • স্থিতি: সম্পাদনাৰ বাবে মুকলি

পৰাধীন অবিভক্ত ভাৰতৰ প্ৰথমজন ৰাষ্ট্ৰপতি–লক্ষেশ্বৰ বৰুৱা

পৰাধীন অবিভক্ত ভাৰতৰ প্ৰথমজন ৰাষ্ট্ৰপতি–লক্ষেশ্বৰ বৰুৱা

গান্ধীজীৰ আদৰ্শৰে অনুপ্ৰাণিত এজন অসাধাৰণ ভাৰতীয়৷ স্বাধীনতা আন্দোলনত জড়িত হোৱাৰ অপৰাধত কেইবাবাৰো জেল যাত্ৰা৷ লক্ষেশ্বৰ বৰুৱা৷ জন্ম ১৮৯৪চন, মৃত্যু ৩০ নবেম্বৰ ১৯৯০ চন৷ শিক্ষা: কটন কলেজৰ আধৰুৱা বিজ্ঞান স্নাতক৷ ৯ ছেপ্তেম্বৰ, ১৯৪২ চন ৷ স্থান: যোৰহাট জিলাৰ চাৰিগাওঁ মৌজা৷ গান্ধীজীৰ নেতৃত্বত চলা ভাৰত ত্যাগ আন্দোলনৰ ঢৌ মাৰ যোৱাই নাই৷ তেনে সন্ধিক্ষণত লক্ষেশ্বৰ বৰুৱা দেৱৰ নেতৃত্বত এখন গণসমাৱেশত স্বাধীন  “চাৰিগাওঁ ৰাষ্ট্ৰ”  ঘোষণা কৰা হয়৷ বৰুৱাদেৱে নিজেই উক্ত ৰাষ্ট্ৰৰ ৰাষ্ট্ৰপতি হিচাপে শপত গ্ৰহণ কৰে৷ তেওঁৰ লগতে মন্ত্ৰীপৰিষদৰ সাতজন অন্য সদস্যৰ নাম ঘোষনা কৰে ৷ অৰ্হতা অনুসৰি তেখেতসকলক দপ্তৰ বিতৰণ কৰে লক্ষেশ্বৰ বৰুৱাদেৱে নিজেই৷

তেখেতৰ মন্ত্ৰী সভাৰ সদস্যসকল আছিল:- জগত চন্দ্ৰ শইকীয়া (গৃহ বিভাগ), গোলাপ চন্দ্ৰ দত্ত (শিক্ষা), দেৱী শৰণ বৰবৰা (প্ৰতিৰক্ষা), সোনাৰাম শইকীয়া (জন-কল্যাণ), কৃষ্ণ প্ৰসাদ শইকীয়া (সমবায়) আৰু জে. বৰদলৈ (ৰাজহ)৷ স্বৰ্গীয় লক্ষেশ্বৰ বৰুৱাই হ’ল পৰাধীন অবিভক্ত ভাৰতৰ প্ৰথমজন ৰাষ্ট্ৰপতি৷ প্ৰায় ২০ বৰ্গ কি.মি. মাতিকালিৰ “চাৰিগাওঁ ৰাষ্ট্ৰ”৷

স্বাধীনতা সংগ্ৰামৰ এই বিৰল ঘটনাক শাৰদ পাৱাৰদেৱৰ দ্বাৰা লিখিত গ্ৰন্থ “Contemporary Political Leadership” ত সন্নিবিষ্ট আছে৷ আৰু প্ৰফেচৰ অনিল কুমাৰ শৰ্মাই তেখেতেৰ “Quit India Movement” গ্ৰন্থত লক্ষেশ্বৰ বৰুৱাৰ বিষয়ে উল্লেখ কৰিছে৷
এবাৰ যোৰহাটৰ অসম কৃষি বিশ্ববিদ্যালয়ৰ এখন সভাত মুখ্য অতিথিৰ আসনত আছিল তেতিয়াৰ ৰাষ্ট্ৰপতি ফকৰুদ্দিন আলি আহমেদ৷ তেখেতে লক্ষেশ্বৰ বৰুৱাদেৱক সভাস্থলীত দেখি দৰ্শকৰ মাজৰ পৰা উঠাই আনি মঞ্চৰ নিজৰ আসনত বহিবলৈ দি কৈছিল- ” আপুনিহে প্ৰকৃত ৰাষ্ট্ৰপতি” ৷ ১৯৮৮ চনত তেতিয়াৰ প্ৰধান মন্ত্ৰী ৰাজীৱ গান্ধী তেখেতৰ ঘৰত উপস্থিত হৈ স্বস্থ্যৰ বুজ লোৱাৰ উপৰি সম্ভৰ্ধনা জ্ঞাপন কৰে।

বিজিত কুমাৰ দত্ত

3.06153846154
ৰুবুল মাইবেলা,কোন্দুগুৰি,যোৰহাট Aug 30, 2018 07:55 AM

অতি সুন্দৰ লেখনি। যদি পাৰে মন্ত্ৰী সভাখনৰ সদস্য সকলৰ সম্পূৰ্ণ পৰিচয় দাঙি ধৰিব। বিশেষ সহায় হব

অতুল তামুলী । সোণাৰীগাওঁ, চাৰিগাঁও, ডাকঘৰ- বাহনা । যোৰহাট । Nov 28, 2017 12:13 PM

"দৈনিক জনমভূমি"ৰ ১৫ ডিচেম্বৰ ,২০০৮ তাৰিখে প্ৰকাশিত মোৰ এটা লেখা " স্বাধীন চাৰিগাঁও ৰাষ্ট্ৰ"ত উল্লেখ কৰিছিলোঁ ১৯৪২ চনৰ ৯ ছেপ্তেম্বৰত চাৰিগাঁও মৌজা কংগ্ৰেছৰ কাৰ্য্যালয়ত মৌজা কংগ্ৰেছৰ সভাপতি লক্ষেশ্বৰ বৰুৱাৰ নেতৃত্বত ভাৰতীয় জাতীয় কংগ্ৰেছৰ পতাকা উত্তোলন কৰি চাৰিগাঁও অঞ্চলক স্বাধীন ঘোষণা কৰা হৈছিল । আপোনাৰ লেখাটোত এই তাৰিখটো ১১ আগষ্ট বুলি উল্লেখ আছে । কথাটো আপোনাক জনালোঁ ।

অতুল তামুলী Nov 27, 2017 02:37 PM

২০০৯ চনত " দৈনিক জনমভূমি"ৰ মহানগৰ পৃষ্ঠাত " স্বাধীন চাৰিগাঁও ৰাষ্ট্ৰ " শীৰ্ষক এটি লেখাত মই এই বিষয়টোত কিঞ্চিৎ আলোকপাত কৰিছিলোঁ । ইয়াত উল্লেখ কৰা প্ৰায় সকলোখিনি কথাই তাতো আছে । আপোনাৰ লেখাটোৰ বাবে ধন্যবাদ জনালোঁ ।

মানব জ্যোতি নেওগ, চাৰিগাও ভৰালী চুক৷ Feb 24, 2016 03:59 PM

লিখনিটো পঢ়ি ভাল লাগিল৷ যদি সম্ভব হয়,চাৰিগাওৰ ইতিবৃত্ত টিও দাঙি ধৰিব বুলি আশা ৰাখিলো৷

আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top