অংশিদাৰী
Views
  • স্থিতি: সম্পাদনাৰ বাবে মুকলি

ডাউক চৰাই

ডাউক চৰাই

কোৱাক—

কেৱাক—

কুৰুৱাক

কোৱাক—

এই ধৰণে বিয়লি, সন্ধিয়া বেলা ডাঠ জোপোহানিৰ মাজত চিঞৰা চৰাইটোৱেই হৈছে ডাউক চৰাই ৷ পূৰ্ণবয়স্ক ডাউক চৰাইটোৰ ৰং তলৰ অংশ ডাঠ ছাই বৰণৰ ৷ মুখৰ পৰা বুকু অংশলৈ বগা বৰণৰ হয় ৷ পেট আৰু নেজৰ তলৰ অংশ মটীয়া ৰঙৰ হোৱা দেখা যায় ৷ ডাউক চৰাইৰ ঠেঙৰ আঙুলি দীঘল, নেজ চুটি আৰু ঠোট তথা ঠেং হালধীয়া ৰঙৰ ৷ইয়াৰ দৈৰ্ঘ ৩২ ছেঃমিঃ মান। মতা-মাইকী উভয়ৰ আকৃতিগত বিশেষ পাৰ্থক্য নাই ৷ অপৈণত চৰাইৰ গাৰ ৰং পূৰ্ণবয়স্ক চৰাইতকৈ ধূসৰ হয়৷

ডাউকক ইংৰাজীত কোৱা হয়-- White Breasted Waterhen

ইয়াৰ বৈজ্ঞানিক নাম --Amaurornis phoenicurus phoenicurus আৰু

ইয়াৰ পৰিয়াল হৈছে --- Rallidae ।

ভাৰতবৰ্ষ, পাকিস্থান, শ্ৰীলংকাৰ পৰা চীন, ইণ্ডোনেছিয়া লৈকে সমগ্ৰ দক্ষিণ এছিয়া ডাউক চৰাইৰ আৱাসস্থলী৷ সাধাৰণতে সমতল ভূমিত পোৱা যায় যদিও ওখ পৰ্বতীয়া অঞ্চলটো ইয়াক দেখা যায়। এই চৰাইবিধে চমু দূৰত্বৰ ব্যৱধানত নতুন আৱাসস্থলী সলনি কৰি থাকে৷ সচৰাচৰ পানীৰ উৎসৰ আশে-পাশে ডাউক চৰাই বিচৰণ কৰা দেখা যায়৷

ডাউক চৰাইয়ে সাধাৰণতে অকলশৰে বাস কৰে৷ প্ৰজননৰ সময়তহে ই নাইবা যোৰ পাতে৷ জলাশয়ৰ পাৰৰ বোকা-পানীত সচৰাচৰ ই খাদ্যৰ সন্ধান কৰে৷ কেতিয়াবা কেতিয়াবা ই মানুহৰ ঘৰৰ চোতালো পায়হি খাদ্যৰ সন্ধানত৷ ইহঁত বৰ ভয়াতুৰ চৰাই৷ ভিন ভিন পোক পতংগ, সৰু মাছ, বিভিন্ন জলচৰ অমেৰুদণ্ডী প্ৰাণী, উদ্ভিদৰ গুটি আদি ইহঁতৰ খাদ্য৷ খোজকঢ়াৰ সময়ত ইয়াৰ নেজডাল ওপৰলৈ-তললৈ কৰি নাছি থকা দেখিবলৈ পোৱা যায়৷

ডাউকে সাধাৰণতে জুন মাহৰ পৰা অক্টোবৰৰ ভিতৰত বাহ সাজি পোৱালি কণী পাৰে ৷ অৱশ্যে ঠাই বিশেষে বাহ সজাৰ আৰু পোৱালি জগোৱাৰ সময়ো ভিন্ন হয় ৷ এবাৰত তিনিটাৰ পৰা সাতটাকৈ কণী পৰাৰ তথ্য পোৱা যায় ৷ প্ৰায় কুৰি দিনৰ ভিতৰত কণীৰ পৰা পোৱালি জগে । চৰাইবিধে মতা-মাইকী উভয়ে ওমনি দিয়ে আৰু পোৱালিৰ যত্ন লয়৷

লেখিকা: ৰেখা বৰা।

2.92537313433
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top