মূল পৃষ্ঠা / শিক্ষা / শিশুসকলৰ জগত / প্ৰাচীন ভাৰতীয় সভ্যতাত সপ্তাহৰ বাৰ কেইটাৰ উৎপত্তিৰ বিষয়ে
অংশিদাৰী

প্ৰাচীন ভাৰতীয় সভ্যতাত সপ্তাহৰ বাৰ কেইটাৰ উৎপত্তিৰ বিষয়ে

প্ৰাচীন ভাৰতীয় সভ্যতাত সপ্তাহৰ বাৰ কেইটাৰ উৎপত্তিৰ বিষয়ে অলমান

সপ্তাহটোৰ বাৰ কেইটা যে গ্ৰহৰ নাম আৰু প্ৰাচীন ভাৰতীয় সকলে যে জ্যোত্যিৰ্বিদ্যা সম্বন্ধে যথেষ্ঠ জ্ঞান আহৰণ কৰিছিল সেই কথা তৈত্ৰাত্ৰেয় সংহিতাত পোৱা যায় ৷ তাত উল্লেখ কৰা মতে প্ৰতি দিনেই দিক্ষিত সকলে গ্ৰহ তুষ্ট কৰিবলৈ ছয় দিন নিয়মীয়াকৈ যজ্ঞ কৰিব আৰু এটা দিন বিৰতি দিব ৷ ঋকবেদত উল্লেখ কৰা মতে সকলো গ্ৰহৰ উৎপত্তি একে সময়তেই হৈছিল যদিও সূৰ্য উৎপত্তি প্ৰথম, সেই বাবে প্ৰথম সূৰ্য বা ৰবিৰ যজ্ঞ, তাৰ পিছত চন্দ্ৰ আৰু ক্ৰম অনুসৰি অন্য গ্ৰহ সমূহ ৷ আচৰিত কথা এইয়ে যে, বাকী গ্ৰহ সমূহৰ যজ্ঞৰ ক্ৰমটোৱে গোটেই সৌৰজগতৰ গ্ৰহৰ অৱস্থান সম্পৰ্কে বেদ স্ৰষ্টাৰ জ্ঞান থকাতো প্ৰতিপন্ন কৰে ৷ ৰবি আৰু চন্দ্ৰৰ পিছত এবাৰ পৃথিৱী আৰু সূৰ্য মাজত তথা এবাৰ পৃথিৱীৰ বাহিৰত থকা গ্ৰহ সমুহৰ ক্ৰম অনুসৰি যজ্ঞ কৰা হৈছিল ৷ চাও আহক সেই ক্ৰম—

ৰবি
চন্দ্ৰ বা সোম
মঙ্গল ( পৃথিৱীৰ বাহিৰত থকা গ্ৰহ)
বুধ ( পৃথিৱী আৰু সুৰ্য্যৰ মাজত থকা গ্ৰহ)
বৃহস্পতি ( পৃথিৱীৰ বাহিৰত থকা গ্ৰহ)
শুক্ৰ ( পৃথিৱী আৰু সুৰ্য্যৰ মাজত থকা গ্ৰহ)
শনি ( পৃথিৱীৰ বাহিৰত থকা গ্ৰহ)
এই ক্ৰমতেই দিক্ষিত সকলে ছয় দিন ক্ৰমান্বয়ে যজ্ঞ কৰিছিল যি শেষলৈ বাৰৰ নাম হয়গৈ ৷ ভাৰতীয় সভ্যতাই বৰ্তমানলৈকে জীয়াই থকা আটাইতকৈ পুৰণি সভ্যতা আৰু ঋকবেদেই পৃথিৱীৰ প্ৰাচীনতম গ্ৰন্থ ৷ এই বেদত উল্লেখ থকা গ্ৰহৰ ক্ৰমেই সপ্তাহৰ বাৰকেইটাৰ নাম হৈছিল গৈ ৷ কিন্তু আচৰিতভাৱে পাশ্চত্যৰ পণ্ডিত সকলে ক’ব খোজে যে বাৰ পদ্ধতিটো কেলেন্ডেঞ্চে খৃষ্টিয়ান যুগত আৰম্ভ কৰে ৷
.
শক্তিশালী দূৰবীণ আবিস্কাৰৰ বহু পুৰ্বেই ভাৰতীয় সকলে বিজ্ঞানসন্মত সথিক তথ্য ঋকবেদৰ পৰা আহৰণ কৰিছিল ৷ গুৰু বৃহস্পতি, গুৰু শব্দৰ অৰ্থ মহৎ, ডাঙৰ ইত্যাদি ৷ বৃহ অৰ্থাৎ বৃহৎ, সঁচাকৈয়ে ই সৌৰজগতৰ ডাঙৰ গ্ৰহ ৷ শনিক মাতৃৰ শাপৰ বাবে এটা ভৰি চুটি
আৰু লাহে লাহে গতি কৰে বুলি উল্লেখ আছে ৷ সঁচাকৈয়ে শনি লাহে লাহে পৰিভ্ৰমণ কৰে ৷ শুক্ৰ বা উজ্জল হীৰাৰ দৰে বুলি উল্লেখ আছে ৷ আচৰিত কথা শুক্ৰ প্ৰকৃততেই উজ্জল আৰু শীতল ৷

লিখক: দেৱজিত শইকীয়া৷

2.88372093023
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top