জীৱন অন্যান্য , জীৱনটো সুন্দৰ । পিছে সঠিকভাৱে অতিবাহিত কৰিব নাজানিলে অনেক সমস্যাৰে ভৰি পৰে । কথাতে কয় বোলে ‘Health is wealth’ সঁচাকৈয়ে আমাৰ স্বাস্থ্য যদি ঠিক নাথাকে, আমি জীৱনটো সঠিক ৰুপত যাপন কৰিব নোৱাৰো । আমি কোনো কামতে আগবাঢ়িব নোৱাৰো । সেয়ে কিছু সাৱধানতা অৱলম্বন কৰা খুবেই প্ৰয়োজন । সাম্প্ৰতিক জীৱনশৈলীত অতি কম বয়সতে আমাক অনেক ৰোগে আক্ৰমণ কৰা দেখা পোৱা গৈছে । কিন্তু কিছু সতৰ্কতাৰ যোগেদি এনে ৰোগসমূহক প্ৰতিৰোধ কৰিব পাৰি ।
তিনিটা কথা আমি মনত ৰখা উচিত ।
প্ৰথম- আমাৰ চিন্তাসমূহ সকৰাত্মক হোৱা উচিত । দ্বিতীয়তে- শাৰীৰিকভাৱে সক্ৰিয় হৈ থকা, তাৰ বাবে ব্যায়াম কৰিবলৈ জিমলৈ নগ’লেও ঘৰুৱা কাম-কাজৰ দ্বাৰা শৰীৰটো সক্ৰিয় কৰি ৰখা প্ৰয়োজন ।
তৃতীয়তে – ৰাগিয়াল সামগ্ৰী যেনে- সুৰা, ধূমপান, কেফেইনযুক্ত খাদ্য সমূলি ত্যাগ কৰিবলৈ চেষ্টা কৰিব লাগে ।
১) ৰাতিপুৱাৰ আহাৰ ফাইবাৰযুক্ত হোৱা উচিত । আৰু পেট ভৰাই ভালকৈ খোৱা উচিত ।
২) জীৱনশৈলী অনুসৰি আমি খাদ্য খোৱা উচিত ।
৩) ৰাতিৰ আহাৰ সোনকালে গ্ৰহণ কৰি টোপনি যোৱাৰ আগতে যদি ভোক লাগে, গাখীৰ এগিলাচেই যথেষ্ট ।
*কলেষ্ট্ৰ’ৰেল প্ৰতিৰোধৰ বাবে-
৪) সপ্তাহটোত তিনিদিনমান কমেও আধাঘণ্টা সময় ব্যায়াম কৰিব লাগে ।
৫) ফাইবাৰযুক্ত আহাৰ খোৱাৰ ওপৰত গুৰুত্ব দিয়ক ।
৬) ছাগলী মাংসৰ পৰিৱৰ্তে মাছ বা মুৰ্গী মাংসহে খাওক ।
৭) তেলত ডুবাই ভজাৰ সলনি যিকোনো খাদ্য সামগ্ৰী গ্ৰিল বা বেক কৰি বা উহাই খোৱাৰ অভ্যাস কৰক ।
৮) বজাৰত উপলব্ধ অন্যান্য তেলৰ পৰিৱৰ্তে ব্যৱহাৰ কৰিব পাৰে- বাদাম তেল (Groundhut Oil) , সৰিয়হ তেল (Mustard Oil) , নাৰিকল তেল (Coconut Oil) ।ৰিফাইন কৰা তেল পৰিহাৰ কৰক ।
৯) ঠিক সেইদৰে চাহৰ ক্ষেত্ৰত গাখীৰ চাহৰ পৰিৱৰ্তে ৰঙা চাহ অধিক খাবলৈ যত্ন কৰক ।
১০) প্ৰতিদিনে অলপ সময়ৰ বাবে হ’লেও ব্যায়ামৰ প্ৰয়োজন ।
১১) ভিটামিন ‘ডি’ যুক্ত খাদ্য (কণীৰ কুহুম আৰু তেল থকা মাছ) আৰু কেলছিয়ামযুক্ত আহাৰ গ্ৰহণ কৰক ।
১২) কাৰ্ব’নেটেড পানীয়, অধিক নিমখ আদি বৰ্জনীয় ।
১৩) অধিক ওজন বৰ্জনীয়, সেয়ে ওজন কমোৱা ব্যায়াম যেনে- চিৰি বগোৱা, খোজকঢ়া আদিৰ অভ্যাস কৰিব লাগে ।
১৪) কম চৰ্বিযুক্ত গাখীৰ গ্ৰহণ কৰাৰ প্ৰয়োজন ।
১৫) প্ৰতিমাহতেই স্তন পৰীক্ষা কৰা অতি প্ৰয়োজন ।
১৬) স্তনত লাম্প হৈছে নেকি ?
১৭) নিপ্পল ডিছাৰ্জ বা ফুলি উঠা বা বিষ হোৱা এনে যিকোনো লক্ষণ দেখিলেই তৎক্ষণাত ডাক্তৰৰ পৰামৰ্শ লওক ।
১৮) চল্লিশ বছৰৰ উৰ্দ্ধৰ মহিলাসকলে প্ৰতি দুবছৰৰ অন্তৰে অন্তৰে মেমগ্ৰাম পৰীক্ষা কৰাওক ।
১৯) ওজন বৃদ্ধিৰ ক্ষেত্ৰত সতৰ্কতা অৱলম্বনৰ প্ৰয়োজন ।
২০) একেলেথাৰিয়ে কৰি থকা চিন্তা এৰাই চলিবলৈ যত্ন কৰক ।
২১) আহাৰত অধিক তেল ব্যৱহাৰ কৰাৰ পৰা সমূলি আঁতৰত থাকক ।
২২) ৰাতিপুৱাৰ আহাৰত ফাইবাৰযুক্ত আহাৰ গ্ৰহণ কৰিবলৈ চেষ্টা কৰক ।
২৩) নিমখ খোৱাৰ ক্ষেত্ৰত সাৱধান হওক । প্ৰতিদিনে ছয় গ্ৰামতকৈ অধিক নিমখ বৰ্জনীয় ।
২৫) পৰিয়ালত মধুমেহ ৰোগ কাৰোবাৰ হ’লে তেওঁলোকে আগৰ পৰাই সাৱধানে থকা উচিত ।
২৬) আৰামদায়ক জীৱন বৰ্জন কৰি এক সক্ৰিয় কৰ্মক্ষম জীৱন অতিবাহিত কৰিবলৈ যত্নপৰ হোৱা উচিত ।
২৭) কম চৰ্বিযুক্ত আহাৰ গ্ৰহণ কৰিব লাগে ।
২৮) প্ৰতিদিনে খোজকঢ়াৰ অভ্যাস কৰিব লাগে ।
২৯) মিঠা আৰু কাৰ্ব’হাইড্ৰেটযুক্ত আহাৰ অধিক খোৱা অনুচিত ।
৩০) ওখ অনুপাতে ওজন হোৱা উচিত । (এই সংক্ৰান্তত ডাক্তৰৰ পৰা সম্পূৰ্ণ বুজি ল’ব )
৩১) মাজে মাজে ব্লাড চুগাৰ লেভেল পৰীক্ষা কৰাব লাগে ।
৩২) সদায় মনৰ ভাৱধাৰা সকৰাত্মক পৰ্যায়ত ৰাখিব লাগে । ইয়াৰ বাবে সুন্দৰ পৰিৱেশ গঢ়ি তুলিবলৈ যত্ন কৰক ।
৩৩) ঔষধ সেৱনৰ ক্ষেত্ৰত ডাক্তৰৰ পৰামৰ্শ লওক ।
৩৪) শাৰীৰিক পৰিশ্ৰমৰ দ্বাৰা সক্ৰিয় হৈ থাকিবলৈ যত্ন কৰক ।
৩৫) দিনে পাঁচটামান আমণ্ড (বাদাম) খাওক ।
৩৬) অৰ্গেনিক প্ৰমাণ পত্ৰ থকা আহাৰ গ্ৰহণ কৰিবলৈ যত্ন কৰিব লাগে ।
৩৭) ৰাতিপুৱা খালীপেটত আমলখি আৰু নেমুৰ ৰস মিহলাই খাব ।
৩৮) এটা মধুৰিআমেও আমাৰ শৰীৰত যথেষ্ট ভিটামিন ‘চি’ৰ যোগান ধৰে ।
৩৯) ৰাতিপুৱা অধিক ঘিউ, মাখন দিয়া পৰঠা, ব্ৰেড আদিৰ সলনি অ’টচ বা বাৰ্লি অধিক লাভদায়ক ।
৪০) নিতৌ বডি মাছাজ ল’বলৈ যত্ন কৰক ।
৪১) চয়াবিনৰ পৰা উৎপাদন কৰা গাখীৰ খাব পাৰে ।
৪২) ব্যায়ামৰ প্ৰয়োজন ।
৪৩) পটাছিয়ামেৰে সমৃদ্ধ কল খেতি উপকাৰী ।
৪৪) মাল্টি ভিটামিন অৰ্থাৎ A,B6,B12, C আৰু D সমৃদ্ধ টেবলেট ডাক্তৰৰ পৰামৰ্শ লৈ খাব পাৰে ।
৪৫) বিছ্নালৈ যোৱাৰ আগতে কুহুমীয়া গৰম পানীৰে স্নান কৰক ।
৪৬) কুহুমীয়া গাখীৰ এগিলাচ খাবও পাৰে ।
৪৭) ৰাতিৰ আহাৰ কমাই খাওক ।
৪৮) বহুলোকে ৰাতিৰ আহাৰ খোৱাৰ পিছত চাহ-কফি আদি খায়, এনে কাৰণত টোপনি নাহে ।
৪৯) প্ৰথমেই হিম’গ্লবিন পৰীক্ষা কৰাওক ।
৫০)ফ্ৰ’জেন (Frozen) টি-বেগ চকুৰ গুৰিত দহ মিনিটৰ বাবে ৰাখক ।
৫১) ফ্ৰিজত থোৱা ঠাণ্ডা তিয়ঁহ ৰুকি বা থেঁতালি চকুৰ গুৰিত দিয়ক ।
৫২) এক চাহচামুচ দৈ আৰু মৌ সম পৰিমাণত মিহলাই চকুৰ গুড়িত সানি পোন্ধৰ মিনিট সময় ৰাখক, পিছত ধুব ।
৫৩) বাহিৰলৈ ওলাই যোৱাৰ পৰত ছানগ্লাচ পিন্ধিব ।
৫৪) ফেচ চিৰামৰ ব্যৱহাৰে বলিৰেখা দূৰ কৰাত সহায় কৰে ।
৫৫) পকা অমিতা ফেনেকি লগাব পাৰে ।
৫৬) এণ্টি অক্সিডেণ্ট চাপ্লিমেণ্ট ল’লে কেৱল ডাক্তৰৰ পৰামৰ্শ অনুসৰিহে ল’ব ।
৫৭) প্ৰতিদিনে কেইটামান শুকান ফল ( Dry fruits) খোৱা প্ৰয়োজন ।
৫৮) এণ্টি এজিং প্ৰডাক্ট অৰ্থাৎ ভিটামিন A,C আৰু E সমৃদ্ধ ক্ৰীম ব্যৱহাৰ কৰিব লাগে । কেৱল মুখতেই নহয়, হাত , ডিঙি আদিতো সানিব পাৰে ।
৫৯) শ্বেম্পু কৰাৰ আগতে মেথীগুটি পিহি চুলিৰ গুৰিত দহমিনিটমান সময় লাগে ।
৬০) জবাফুল আৰু নৰসিংহৰ পাত একেলগে তেলত উতলাই ঠাণ্ডা কৰি থ’ব । এই তেল চুলিৰ গুৰিত লগালে চুলি মজবুত হোৱাৰ উপৰিও ভাল কণ্ডিচনাৰ কাম কৰে ।
৬১) একোছা কিচকিচীয়া ক’লা চুলি পাবলৈ হ’লে চুলি ধোৱাৰ পিছত হেয়াৰ ড্ৰায়াৰ ব্যৱহাৰ নকৰিব ।
৬২) চুলিৰ গুৰিবোৰত ভালকৈ ৰক্ত সঞ্চালনৰ বাবে সপ্তাহত এবাৰ কুহুমীয়া নাৰিকল তেল মালিচ কৰিব ।
৬৩) নেমুৰ ৰস আৰু আমণ্ড অইল সম পৰিমাণত মিহলাই চুলিৰ গুৰিত মালিচ কৰিলে উফি আঁতৰ হোৱাৰ উপৰিও কোমল হয় ।
৬৪)অধিক গৰম পানীৰ ব্যৱহাৰ কৰিলে ছালত থকা নমনীয়তা নোহোৱা হয় ।
৬৫) অধিক শুকান ছালৰ অধিকাৰীসকলে স্নান কৰাৰ পৰত চাবোনৰ সলনি ফেচৱাছ ব্যৱহাৰ কৰিব পাৰে ।
৬৬) সংবেদনশীল ছালত এলক’হলযুক্ত ক্ৰীম ব্যৱহাৰ নকৰিব ।
৬৭) সদায় কামৰ পৰা ঘৰলৈ অহাৰ পিছত প্ৰথমেই মুখমণ্ডল পৰিষ্কাৰ কৰিব ।
৬৮) নোমকূপসমূহ বা Open pores সমূহ সংকুচিত কৰিবলৈ মূলতানী মাটিৰ পেক লগাব পাৰে । ফলত ছালৰ স্থিতিস্থাপকতাও অটুট থাকিব ।
৬৯) ছালৰ উজ্জ্বলতাৰ বাবে ফলমূল তথা শাক-পাচলি অধিক প্ৰয়োজনীয় ।
৭০) মুখৰ ছাল শুকান হ’লে স্ক্ৰাব নকৰিব । অতি প্ৰয়োজনত আমণ্ড ক্ৰাবৰ সৈতে গাখীৰ মিহলাই ক্ৰাব কৰিব পাৰে ।
৭১) এণ্টি অক্সিডেণ্টযুক্ত খাদ্য খাবলৈ যত্ন কৰক ।
৭২) এবাৰত এসোপা খাদ্য নাখাই দিনটোত অলপ অলপকৈ খাদ্যগ্ৰহণহে অধিক লাভজনক ।
৭৩) খোজ কঢ়া আৰু পানী খোৱাৰ অভ্যাস গঢ়ি তোলে ।
৭৪) পৰাপক্ষত ঘৰত তৈয়াৰী খাদ্য খোৱাৰ অভ্যাস কৰক ।
৭৫) দিনটোৰ বাবে বজাৰ কৰিবলৈ যোৱাৰ আগতে ঘৰতেই পেট ভৰাই খাই ওলাব ।
৭৬) শকতৰ পৰা ক্ষীণাবলৈ খাদ্যাভ্যাস পৰিৱৰ্তন কৰোতে হঠাৎ একেবাৰে কমাবলৈ চেষ্টা নকৰিব ।
৭৭) যিকোনো চৰ্বিজাতীয় আহাৰ গ্ৰহণৰ পিছত এক বা দুই কিলোমিটাৰমান খোজকাঢ়ক ।
৭৮) খোজকঢ়াৰ আগতে পানী খাওক আৰু খোজকঢ়াৰ পিছত অলপ ৰৈ খাওক যাতে ডিহাইড্ৰেচন নহয় । বিশেষকৈ জহকালি ।
৭৯) ফলমূল আৰু শাক-পাচলিৰ যোগেদি অধিক ফাইবাৰ গ্ৰহণ কৰিবলৈ চেষ্টা কৰিব লাগে ।
৮০) ৰাতিপুৱাৰ আহাৰ নোখোৱাকৈ নাথাকিব ।
৮১) পৰ্যাপ্ত পৰিমাণৰ পানী গ্ৰহণ আমাৰ সমস্ত শৰীৰৰ বাবে প্ৰয়োজনীয় ।
৮২) দুখৰ সময়তো এটি সুন্দৰ হাঁহিয়ে জীৱনত যথেষ্ট সকাহ যোগায় ।
৮৩) এনে অভ্যাস গঢ়ি তোলক, যিয়ে আপোনাৰ জীৱনটোত সমস্যাৰ সৃষ্টি নকৰে ।
৮৪) সম্প্ৰতি আমাৰ জীৱনবোৰ অতি ব্যস্ত হৈ পৰিছে, সেয়ে প্ৰতি ৰবিবাৰে ঘৰৰ সকলো সদস্য একেলগ হৈ আহাৰ গ্ৰহণ কৰাৰ ব্যৱস্থা ৰাখক যাতে ভাৱৰ আদান-প্ৰদানত সুবিধা হয় । ইজনে সিজনৰ সমস্যা তথা মনৰ কথা ভালদৰে বুজিব পাৰে ।
৮৫) সকলোৰে সৈতে সুন্দৰ ব্যৱহাৰৰ যোগেদি নিজকে জনপ্ৰিয় কৰি তোলক ।
লেখিকা:- শ্ৰুতি জৈন
উৎস :- নন্দিনী
শেহতীয়া উন্নীতকৰণ: : 3/11/2020