মূল পৃষ্ঠা / স্বাস্থ্য / স্বাস্থ্য কিটিপ / গৰমৰ দিনত ছাল আৰু ছুলিৰ যতন
অংশিদাৰী
Views
  • স্থিতি: সম্পাদনাৰ বাবে মুকলি

গৰমৰ দিনত ছাল আৰু ছুলিৰ যতন

গৰমৰ দিনত ছাল আৰু ছুলিৰ যতন

  • গৰমৰ দিনত সূৰ্য্যৰ প্ৰখৰ তাপ, ঘাম আদিৰ বাবে আমাৰ ছাল-চুলিৰ যথেষ্ট পৰিমানে  ক্ষতি হয় । এইদিনকেইটাত সেয়েহে ছাল-চুলিৰ উপযুক্ত যত্ন ল’ব লাগে।
  • গৰমৰ দিনকেইটাত পৰিস্কাৰ পৰিচন্নতাৰ ওপৰত গুৰুত্ব দিব লাগে। চাব যাতে চুলিৰ গুৰিবোৰ ঘামি তেলেতীয়া হৈ নাথাকে। প্ৰয়োজন অনুসাৰে চুলিবোৰ চেম্পু কৰিব। কণ্ডিচনাৰ ব্যৱহাৰ কৰিব।
  • সূৰ্য্যৰ অতিবেঙুনীয়া ৰশ্মিয়ে ছালক বেয়াকৈ প্ৰভাৱিত কৰে । গৰমৰ দিন অহাৰ লগে লগে ছালৰ  প্ৰাকৃতিক উজ্বলতা হেৰাই যায় । ৰ’দে পোৰা, শালম‍ইনা, ঘামচি আদি সমস্যাই গা কৰি উঠে । কিছুমান ঘৰুৱা উপায় ব্যৱহাৰ কৰি ছালৰ  সতেজতা ঘুৰাই আনিব  পাৰি । পাণী খাব প্ৰচুৰ পৰিমাণে । চানস্ক্ৰীন ব্যৱহাৰ কৰিব ।
  • মুলতানী মাটি , গোলাপজল, কমলাৰ শুকান বাকলিৰ গুৰি সমান পৰিমানত একেলগে মিহলাই দহমিনিট মুখত লগাই থৈ ঠাণ্ডা পাণীৰে ধূব । ছালখন নিমজ আৰু উজ্বল হ’ব।
  • তিয়হ , নেমুৰ ৰস মিহলাই আইচ কিউব বনাই থব । মাজে মাজে মুখত ঘহিব । মুখখন উজ্বল হ’ব আৰু  শালমইনা ও কমিব।
  • গাখীৰ , মৌ, আৰু নেমু ৰস মিহলাই ১৫ মিনিট মুখত লগাই ধূব । ৰ’দে পোৰা দাগ কমিব।

চুলিৰ বাবে

  • শুকান চুলি হ’লে চালকুঁৱৰীৰ ৰস আধাঘণ্টা লগাই থব । ই চুলি মসৃন কৰাৰ লগতে  টনিঙৰ কামো কৰে ।
  • নিমপাত  বতি তাৰ ৰসত অলিভ অইল মিহলাই কুহুমীয়া গৰম কৰি চুলিৰ গুৰিত লগাব । এঘন্টামান ৰাখি ধুব । চুলি সৰা বন্ধ হ’ব । চুলি গজিব ।
  • বেছি শুকান আৰু আগ ফঁটা চুলিৰ বাবে মুলতানী মাটিৰ লগত কণী দুটা, দৈ একাপ মিহলাই আধাঘন্টা লগাব ।

লেখিকা: মিনাক্ষী নাথ পেগু, এগৰাকী সৌন্দৰ্য্য বিশেষজ্ঞ

3.11111111111
অনিমা ৰাজখোৱা Apr 22, 2015 02:54 PM

গৰমৰ দিনত সঁচাকৈয়ে বহু যত্ন লʼব লাগে।

আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top