মূল পৃষ্ঠা / স্বাস্থ্য / স্বাস্থ্য কিটিপ / দেহ মনৰ সুস্থ্যতাৰ বাবে যোগ প্ৰাণায়ামৰ আৱশ্যকতা:- (প্ৰথম খণ্ড)
অংশিদাৰী
Views
  • স্থিতি: সম্পাদনাৰ বাবে মুকলি

দেহ মনৰ সুস্থ্যতাৰ বাবে যোগ প্ৰাণায়ামৰ আৱশ্যকতা:- (প্ৰথম খণ্ড)

দেহ মনৰ সুস্থ্যতাৰ বাবে যোগ প্ৰাণায়ামৰ আৱশ্যকতা:- (প্ৰথম খণ্ড)ৰ বিষয়ে লিখা হৈছে ।

 

মানুহৰ ধন ঐশ্বৰ্য,সা-সম্পত্তি,মান-যশ,আত্মীয়-কুটুম্ব যিমানেই নাথাকক কিয় নিজৰ দেহ-মন ৰোগগ্ৰস্থ হলে মনৰ সুখ শান্তি আনন্দ ষ্ফুৰ্তি প্ৰাপ্তিৰ উপলব্ধি কৰাতো অসম্ভৱ । হয় ! যাৰ দেহ সুস্থ্য নহয়, শৰীৰৰ ৰক্ত সঞ্চালন , অংগ প্ৰত্যঙ্গ ,শিৰা ধমনী, স্নায়ু,তন্ত্ৰসমুহৰ প্ৰক্ৰিয়া সঠিক ভাৱে নহয়, যাৰ দেহৰ উত্তেজনা, ইচ্ছাশক্তি, মস্তিষ্কৰ চেতনাবোধ নাই , মন দুখ দুৰ্দশা অশান্তি হতাশা নিৰাশাৰে জৰ্জৰিত তেওঁৰ জীৱনটো এটা দুৰ্বিবহ বোজা হৈ পৰে ।
সংসাৰত ধন জন টকা পইচা , মিত্ৰ কুটুম্বৰ লগতে এটি সুখী জীৱনৰ বাবে সুস্থ্য দেহ আৰু এটি সুস্থ্য মনৰো আৱশ্যক। সেয়ে প্ৰাচীন কালৰে পৰা বিভিন্ন মনিষী সকলে সুস্থ্য মন আৰু স্বাস্থ্য সুৰক্ষাৰ অহৰহ চৰ্চা কৰি আহিছে । গৌৰৱৰ বিষয় এয়ে যে হেজাৰ হেজাৰ বছৰ আগতেই ভাৰতীয় যোগী ঋষিসকলে মানৱ মংগলৰ বাবে দি থৈ যোৱা যোগ সাধনাৰ প্ৰক্ৰিয়া (যোগবিদ্যা) বিশ্বৰ সকলো শৰীৰচৰ্চা সাধনাতকৈ শ্ৰেস্থ্য ।
যোগ চৰ্চাত দেহ বা ৰোগ নিৰাময়ৰ বাবে ব্যায়াম ,আসন মুদ্ৰাৰ লগতে মন সুস্থ্য আৰু সুদৃঢ় কৰিবলৈ আটাইতকৈ আৱশ্যকীয় ক্ৰিয়া হ'ল -
প্ৰাণায়াম + প্ৰাণ + আয়াম=প্ৰাণায়াম
প্ৰাণ অৱিহনে জীৱ জীয়াই থকাতো অসম্ভৱ । প্ৰাণক সুকলমে নিয়ন্ত্ৰন অৰ্থাত আয়াম দিলেহে আমি সুস্থ্য দেহ মনৰ অধিকাৰী হব পাৰো ।
বায়ু নহলে প্ৰাণৰ অস্তিত্ব নাই । বায়ু গ্ৰহনৰ পথ হল নাসিকা । জন্মৰে পৰা মৃত্যুলৈ প্ৰাকৃতিক নিয়মেৰে নাকেৰে আমি যি বায়ু গ্ৰহন কৰো - অৰ্থাত শ্বাস লোৱা - "পুৰক" স্বাস বন্ধ কৰা-" কুম্ভক" আৰু শ্বাস এৰা~" ৰেচক " গতানুগতিক এই তিনি প্ৰক্ৰিয়াক এক বিশেষ প্ৰক্ৰিয়ালৈ ৰুপান্তৰ কৰা কাৰ্যকে প্ৰাণায়াম বোলে 
সৰল অৰ্থত দীঘল আৰু গম্ভীৰ ভাৱে পুৰক ,কুম্ভক আৰু ৰেচক ( উশাহ নিশ্বাস লোৱা) কাৰ্যই হল প্ৰাণায়াম ।
মানুহ বা অইন জীৱয়ো অজানিতে প্ৰাকৃতিকভাৱে দিনটোৰ কোনোবা নহয় কোনো সময়ত কৰি আহিছো । যেনে শুই উঠিলে বা ভাগৰ লগা বা যিকোনো সময়ত দীঘলকৈ উশাহ লোৱাটোও এক প্ৰাণায়ামৰ অংশ । ইয়াক শুদ্ধ আৰু বিধিগত নিয়মেৰে কৰিলেহে সথিক ফল পাব পাৰো ।
আমি নাকেৰে যি বায়ু আহৰন কৰো তাত ভাল বেয়া বিভিন্ন বায়ুৰ পৰা আৱশকীয় অক্সিজেন বায়ুভাগৰ শোধন প্ৰক্ৰিয়া ফুচফুচেৰে কৰা হয় । স্পঞ্জ সদৃশ মানুহৰ ফুচফুচৰ ছিদ্ৰ সংখ্যা ৭ কোটি ৩০ লাখ ।
আমি স্বাভাৱিক পাতল শ্বাস লওতে প্ৰায় ২ কোটি ছিদ্ৰ ব্যৱহাৰ হয় বাকী ৫কোটি ৩০ লাখ ছিদ্ৰ নিষ্ক্ৰিয় হৈ থাকে আৰু সেইবোৰত প্ৰকৃতিৰ মলি বা অন্য বিজাতীয় দ্ৰব্য জমা হব পাৰে ।
আধুনিক যান্ত্ৰিক আৰু ব্যস্ত যুগত ধুলিময় প্ৰদুষিত বায়ু নাকেৰে দেহত অনৰ্গল প্ৰৱেশ কৰি আমাক ৰুগীয়া কৰি আহিছে । ইয়াক পৰিস্কাৰ কৰাৰ একমাত্ৰ উপায়--দীঘল উশাহ বা #প্ৰাণায়াম কৰা ।
শাৰীৰিক ভাৱে পৰিশ্ৰম ,ব্যায়াম নাইবা এজন যোগচৰ্চা কাৰীয়ে যিমানেই আসন ,মুদ্ৰা,ব্যায়াম আদি নকৰক #প্ৰাণায়াম অবিহনে কোনো যোগসাধনা সম্পুৰ্ন নহয় ।  সেয়ে দেহ আৰু মনৰ সুস্থ্যতাৰ বাবে   প্ৰাণায়াম অতিকে প্ৰয়োজনীয় ।

লেখক – যতীন দাস

3.125
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top