অংশিদাৰী
Views
  • স্থিতি: সম্পাদনাৰ বাবে মুকলি

নখ ভাঙিছে নেকি ?

নখ ভাঙিছে নেকি ? সেই বিষয়ে লিখা হৈছে ।

 

সাধাৰণতে আমি সৌন্দৰ্য চৰ্চা কৰোঁতে মুখমণ্ডলত যিমান গুৰুত্ব দিওঁ আমাৰ হাত-ভৰিৰ নখৰ ওপৰত সিমান গুৰুত্ব নিদিওঁ। সুন্দৰ আৰু মজবুত নখে আমাৰ স্বাস্থ্যৰ পৰিচয় দিয়ে । সেয়েহে নখৰ যত্নৰ বাবে আমি কিছু সময় খৰচ কৰাৰ দৰকাৰ হয় ।

১) নখ ভগাৰ এটা ডাঙৰ কাৰণ হ’ল শৰীৰত পুষ্টিৰ অভাৱ । সেয়েহে খাদ্যৰ প্ৰতি বিশেষ ধ্যান দিব লাগে । মাল্টি ভিটামিন আৰু মাল্টি মিনাৰেল খাদ্যত ৰাখিব লাগে। খাদ্যত আইৰন, কেলছিয়াম আৰু ভিটামিন ‘বি’ কমি থাকিলে নখ ভগাৰ সম্ভাৱনা থাকে ।

২) যদি নখ অতি সহজে ভাগে, তেতিয়াহ’লে ভিটামিন ‘বি’যুক্ত তেল ব্যৱহাৰ কৰিব ।

৩) যিসকলৰ নখ নিষ্প্ৰাণ হৈ সোনকালে ভাগে, তেওঁলোকে নাৰিকল তেল বা অলিভ অইলৰে নখ মালিচ কৰাৰ দৰকাৰ । নখ থুনুকা হ’লে গাখীৰ খাব লাগে। গাখীৰে হাড় আৰু নখ শক্তিশালী কৰে । একেদৰে গাখীৰ আৰু কণী মিহলাই ভালদৰে ফেটি লৈ তাত নখকেইটা কিছু সময় ডুবাই ৰাখিব লাগে । এনে কৰিলে নখ মজবুত হোৱাৰ লগতে সোনকালে বাঢ়ে।

৪) মহিলাসকলে পাকঘৰত কাম কৰোঁতে বাৰে বাৰে হাত ধোৱাৰ প্ৰয়োজন হয় । যাৰ ফলত তেওঁলোকৰ আঙুলিত ভেকুৰৰ সংক্ৰমণ হ’ব পাৰে । সেয়েহে বাৰে বাৰে হাত ধুব নালাগে ।

৫) মেনিকিউৰ বা পেডিকিউৰ কৰাৰ সময়ত লক্ষ্য ৰাখিব লাগে-যাতে ব্যৱহাৰ কৰা প্ৰত্যেকটো সামগ্ৰীয়েই ভালদৰে ষ্টেৰিয়েলাইজ কৰা হয় ।

৬) নখত কিছুদিনৰ বাবে নেইল পলিছ নলগোৱাকৈ ৰাখিব । তাৰ ফলত হালধীয়া দাগ নোহোৱা হ’ব । এছিটন নথকা নেইল পলিছ ৰিম’ভাৰ ব্যৱহাৰ কৰক । নেইল পলিছ আঁতৰোৱাৰ পাছত হাত-ভৰিত মইশ্বৰাইজাৰ ক্ৰীম লগাব ।

উৎস: দেওবৰীয়া সুকন্যা

2.85714285714
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top