অংশিদাৰী
Views
  • স্থিতি: সম্পাদনাৰ বাবে মুকলি

পুৰুষৰ পদযুগলৰ যতন :

পুৰুষৰ পদযুগলৰ যতনৰ বিষয়ে লিখা হৈছে ।

 

বৰ্তমান যুগত ফেশ্বনেবল কাপোৰ-কানি পিন্ধি আধুনিক হ’লেও নহ’ব । ইয়াৰ সমান্তৰাল ভাৱে নিজৰ শৰীৰৰ অংগসমূহৰ যত্ন লোৱাটো দৰকাৰ । কেতিয়াবা দেখা যায় যে কাপোৰযোৰ খুব দামী পিন্ধিছে । কিন্তু ভৰিৰ হয়, গোৰোহা ফটা, নহয় মোজাৰ দুৰ্গন্ধত থাকিব নোৱাৰি । গতিকে এনেস্থলত পুৰুষসকলে ব্যস্ততাৰ মাজৰ পৰাই সময় উলিয়াই অলপমান ভৰি দুখনৰ যত্ন ল’লেই হয় ।

বহুতৰ আকৌ ভৰিৰ চুলিত উফি হোৱা দেখা যায় । এনে লোকে পাৰিলে পাৰ্লাৰলৈ গৈ ১৫ দিনৰ মূৰত পেডিকিউৰ কৰাব । নিশা ভৰি ধুই, মচি মিঠাতেল সানি থ’ব ।

যিসকলৰ ভৰিৰ সমস্যা বেছি, তেনে লোকে দিনটোত দুই-তিনিবাৰ ভৰি ধুব । মোজা দিনটোত দুবাৰ সলাব । সদায় ধোৱা মোজাহে পিন্ধিব । নিশা শোৱাৰ আগতে ভৰি দুখন ধুই শুকান কাপোৰেৰে মচি ভাল কোম্পানীৰ ‘ফুট ক্ৰীম’ ব্যৱহাৰ কৰিব । তদুপৰি বহু লোকৰে ভৰি ঘামি থ কে । তেওঁলোকে ভৰি ধুই শুকান কাপোৰেৰে মচি, ভৰিত টেলকম পাউদাৰ লগাব । যিসকলৰ আঙুলিৰ ফাঁকত ইনফেকচন হয়, তেনে লোকে দুবৰি পাত, নিমপাত, জেতুকা পাত পিহি গোটেই নিশা লগাই এখন কাপোৰেৰে মেৰিয়াই থ’ব । পাৰিলে এক সপ্তাহ কৰিব ।

পুৰুষে পাৰিলে ভাল অভিজ্ঞ লোকৰ হতুৱাই পেডিকিউৰ মাহত এবাৰকৈ কৰাব লাগে । কাৰণ অভিজ্ঞ পৰামৰ্শদাতাৰ হতুৱাই কৰালে আপোনাৰ ভৰিৰ সমস্যা অনুসৰি পেডিকিউৰ কৰাব। আপোনাৰ যদি গোৰোহা ফাটিছে, তেন্তে ভৰিত পেৰাফিন পেডিকিউৰ কৰাব । নহ’লে পেডিকিউৰ স্পা কৰাব পাৰে । পুৰুষসকলে নিজেও ঘৰতে ভৰিৰ যতন লোৱা উচিত । পুৰুষে সদায় মোজা পৰিষ্কাৰ পিন্ধা উচিত । যিসকলৰ ভৰি খুব ঘামে, তেনে লোকে পাৰিলে বতাহ সোমাব পৰা জোতা বা চেণ্ডেল ব্যৱহাৰ কৰা উচিত । নহ’লে জোতা বা মোজা পিন্ধাৰ আগত অলপ পাউদাৰ লগাই থ’ব । ভৰি ভালদৰে পৰিষ্কাৰ নকৰাৰ ফলত ভৰিৰ পৰা দুৰ্গন্ধ ওলায়, কাৰণ অতিপাত ভৰি ঘামিলে ভৰিত এপ্ৰোক্সাইন ঘৰ্মগ্ৰন্থিৰ সৃষ্টি হয় আৰু গোন্ধায় । কিছুমানৰ আকৌ নখত বা আঙুলিৰ ফাঁকবোৰত ‘ফাংগাছ ইনফেকচন’ হৈ ডাঙৰ সমস্যাৰ সন্মুখীন হয় । বহুতে মোজাযোৰ জোতাৰ মাজত সুমুৱাই থৈ দিয়ে, যাৰ ফলত তাত ‘বেক্টেৰিয়া’ ৰ উৎপন্ন হয়। আকৌ পিচদিনা সেইযোৰ মোজা পিন্ধিলে গোন্ধ ওলায় ।

ভৰিৰ যতনত কেইটামান ঘৰুৱা দিহা -

১) প্ৰথমে ভৰি দুখন ভালদৰে ধুই মচি ল’ব । এচামুচ ভিনেগাৰ, এচামুচ মৌ, এচামুচ তিল তেল গৰম কৰি ভৰিত মালিচ কৰক ১০-১৫ মিনিট, যিসকলৰ ভৰি খুব বেছি ফাটিছে, তেওঁলোকে এই মিশ্ৰণ সদায় নহ’লে সপ্তাহত দুদিনকৈ লগাব । পিচত পানীৰে ধুই দিব ।

২) ভাল খাঁটি নাৰিকল তেলেৰে গোৰোহা নিশা শোৱাৰ আগতে মালিচ কৰিব । পুৱা ধুই দিব।

৩) গোলাপ জল আৰু গ্লিচাৰিন মিহলাই শোৱাৰ আগত লগাব ।

৪) এমুঠি নিমপাত পিহি তাৰ ৰসৰ লগত এচামুচ হালধি গুড়ি মিহলাই গোৰোহা লগাই ১০ মিনিট ৰাখি পানীৰে ধুই দিব ।

৫) কলৰ বাকলিটোৰ লাহে লাহে ফটা অংশত লগাই ১০ মিনিট সানি ধুই দিব ।

৬) এবাল্টি পানীত অলপ নিমখ, নেমু চেপি সেই পানীত ভৰি ডুবাই ৰাখিব ২০ মিনিটলৈ ।

লেখিকা : বৰ্ণালী ভট্টাচাৰ্য

উৎস : দেওবৰীয়া সম্ভাৰ

2.71428571429
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top