মূল পৃষ্ঠা / স্বাস্থ্য / স্বাস্থ্য কিটিপ / মেদ বহুলতাৰ সমস্যা সকলোৰে নহয় কিয়?
অংশিদাৰী
Views
  • স্থিতি: সম্পাদনাৰ বাবে মুকলি

মেদ বহুলতাৰ সমস্যা সকলোৰে নহয় কিয়?

মেদ বহুলতাৰ সমস্যা সকলোৰে নহয় কিয়? সেই বিষয়ে লিখা হৈছে ।

কিছু সংখ্যক লোক খুব কম সময়ৰ ভিতৰতে শকত হৈ পৰে আৰু আন কিছুমান শকত নহয় কিয়? বহু সংখ্যক শকত লোকে শৰীৰৰ ওজন কমাবলৈ চেষ্টা কৰিও বিফল হয় কিয়? তেওঁলোকে যিহকে নেখাওক বা শাৰীৰিক শ্ৰম-ব্যায়াম আদি নকৰকেই লাগিলে, কিছু সংখ্যক লোকৰ জীৱনত কেতিয়াও শৰীৰৰ ওজন বৃদ্ধি নহয়।

ইয়াত উল্লেখ কৰা প্ৰথম প্ৰশ্ন দুটাৰ সহজ উত্তৰ নাই। কিন্তু ‘চায়েন্স’ নামৰ আলোচনীখনত প্ৰকাশ পোৱা এক খবৰৰ মতে, ভাৰমন্ট(বাৰ্লিংটন) বিশ্ববিদ্যালয়ত চলোৱা এটা অধ্যয়নৰ ফলাফলৰ পৰা জানিব পৰা গ’ল যে- বেছি পৰিমাণে আহাৰ খাই থকা অথচ শৰীৰৰ ওজন বৃদ্ধি নোপোৱা, লোকসকল সুদক্ষ অংগসঞ্চালনকাৰী লোক।

তেওঁলোকে একেবাৰে লৰচৰ নকৰাকৈ বহি নেথাকে। তেওঁলোকে ভৰি দুখন লৰ-চৰ কৰি ইখনৰ ওপৰত আনখন দি কোচ খুৱাই বহিব। ক্ষন্তেক পিছতে বহাৰ ভংগী সলনি কৰিব।

গাটোও সমানে লৰচৰ কৰিব। কথা কওঁতে হাত দুখনো সমানে লৰচৰ কৰিব, বহাৰ পৰা থিয় দিব, শৰীৰটোৰ অংগ-প্ৰত্যংগবোৰ লৰচৰ কৰি থাকিব আৰু এনেদৰেই ছটফটাই থাকি শৰীৰৰ সঞ্চিত কেলৰি(শক্তি) ক্ষয় কৰিব। কিন্তু তেওঁলোকে সজ্ঞানে কেতিয়াও ব্যায়াম নকৰে।

এই বিষয়টোৰ ওপৰত সিমান বেছি অধ্যয়ন বা গৱেষণা হোৱা নাই। তথাপি শৰীৰৰ অস্থিৰতাই শক্তি ক্ষয় নিয়াব পাৰে বুলি বিজ্ঞানীসকলে ভাবিছে যদিও শাৰীৰিক অস্থিৰতাই শেষ উত্তৰ নহয়।

কিন্তু যদি সক্ৰিয় আহাৰ গ্ৰহণে আপোনাৰ স্নায়ুতন্ত্ৰক বেছি সক্ৰিয় বা উত্তেজিত কৰি তোলে আৰু আপোনাক জপিয়াই থাকিবলৈ উৎসাহিত কৰি থাকে, তেনেহ’লে আপুনি নিজকে ভাগ্যবান বুলি ধৰি লওক।

শৰীৰৰ ওজন বৃদ্ধি নকৰাকৈ স্বাস্থ্য সদায় অটুট ৰাখিবলৈ চেষ্টা কৰক। ইয়াৰ কাৰণে আপোনাৰ শক্তি(কেলৰি) গ্ৰহণৰ প্ৰক্ৰিয়া নিয়ন্ত্ৰণত ৰাখক অৰ্থাৎ যেতিয়াই যিহকে পাই তাকে নেখাব আৰু নিয়মীয়াকৈ ব্যায়াম কৰক।

এই দুটি ব্যৱস্থাই আপোনাক এটি সুস্থ, নমনীয় আকৰ্ষণীয় দেহৰ অধিকাৰী কৰি তুলিব।

উৎস: স্বাস্থ্য আৰু দীৰ্ঘজীৱন

3.14285714286
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top