মূল পৃষ্ঠা / স্বাস্থ্য / মহিলাৰ স্বাস্থ্য / মহিলাৰ বগাস্ৰাৱৰ কাৰ্যকৰী ঔষধ
অংশিদাৰী
Views
  • স্থিতি: সম্পাদনাৰ বাবে মুকলি

মহিলাৰ বগাস্ৰাৱৰ কাৰ্যকৰী ঔষধ

মহিলাৰ বগাস্ৰাৱৰ কাৰ্যকৰী ঔষধৰ বিষয়ে লিখা হৈছে ।

 

আজি এই লিখনিটোত মহিলাৰ বগা স্ৰাৱৰ বিষয়ে অলোচনা আগবঢ়াম।এই বিষয়ে মই ইতিমধ্যে এটা লেখা আপলোড কৰি থৈছো আৰু সেই লেখাটোত বগাস্ৰাৱ কি, বগাস্ৰাৱ সমস্যা কিয় হয়?? ইত্যাদি বৃ্স্তিত বাৰ্ননা আগবঢ়াইছো। আজি আপোনালোকক লিউকৰীয়া বা বগাস্ৰাৱৰ কাযৰ্কৰী মেডিচিনৰ বিষয়ে বৃস্তিত বৰ্ণনা আগবঢ়াম।

কাৰন এই সমস্যা কমবয়সীয়া ছোৱালী পৰা আৰম্ভ কৰি একেবাৰে বয়সস্থ মহিলালৈকে সকলোৰে প্ৰায়েই হয় আৰু ইয়াৰে বহু সংখ্যক মহিলাই এই সমস্যা বিষয়ে বেলেগক কব নিবিছাৰে। কম বয়সীয়া ছোৱালী সকলে কবলৈ লাজ কৰে বা আৰু কিছুমানে স্বাস্হ্য সমন্ধে সজাগো নহয়।গতিকে এই সমস্যা নিৰবে কঢ়ীয়াই লৈ ফুৰোতে ফুৰোতে পিছত গুৰুতৰ ৰুপ লয়।

আৰু মহীলাৰ যৌনাংগত কেতিয়াবা সংক্ৰমন হৈ বহু গুৰুতৰ সমস্যা হয় আৰু মহীলা যুৱতী স্বাস্হ্যৰ দ্ৰুত অবনতি ঘটে। এনেকুৱা বহু কমবয়সীয়া যুৱতী লগ পাইছো দেহৰ অবয়ব দেখি আৰু অনুসাংগীক সমস্যা সমূহ দেখি সন্দেহ বসত যেতিয়া সোধা হয় তেতিয়া হে কয় যে বহু দিন ধৰি লিউকৰিয়াত ভুগি আছে।

বগাস্ৰাৱৰৰ গুৰুত্ব পূ্ৰ্ণ কেইবাটাও হোমিও পেথিক মেডিচিনৰ বিষয়ে লক্ষণ অনুযায়ী বৰ্ণনা আগবঢ়াইছোঃ

1)CALCARIA CARB:

কেলকেৰিয়া কাৰ্বৰ প্ৰধান লক্ষণ সমূহ হল বগা স্ৰাৱ গাখীৰ দৰে বগা হব, লগতে লিউকৰীয়াত ভোগা মহীলা বা যুবতী গৰাকী শকত আবত বা হিচাপতকৈ বেছি WEIGHT ৰ হব অলপ এলেহুৱা স্বাভাবৰ হব। লগতে কণী খাই ভাল পোৱা, সহজতে হজম নোহোৱা বস্তু বোৰ খাবলৈ বেছিকৈ ইচ্ছা কৰা আদি লক্ষন থাকিব। লগতে খৰ, খজুৱতী আদি লক্ষণৰ থাকিলে কেলকেৰিয়া কাৰ্ব মেডিচিনটো ব্যবহাৰ কৰিব পাৰে।

2)PULSATILLA:

হৰমনৰ সমস্যা থকা মহিলা যুৱতীৰ ঋতুস্ৰাৱৰ বিসংগতি, ঋতু স্ৰাৱৰ সময় মতে নহয়। লগতে য়দি অত্যাধিক লিউকৰিয়াৰ সমস্যা থাকে তেনেহলে এই দৰব খুওব উপযোগী।

3)SEPIA:

এই ঔষধ ব্যবহাৰ কৰিবলগা মহীলা বা যুবতী শৰীৰৰ বৰণ হালধীয়া দেখা যায় বা শৰীৰৰ থাইয়ে থাইয়ে হালধীয়া দাগ পৰিব পাৰে। ভোগ নিয়মিত ভাৱে নালাগে। শৌচ কঠিন থাকে মুখত তিতা স্বাদ লাগি থাকে। বিবাহীত মহিলা সংগমনৰ ইচ্ছা প্ৰায়ে নাথাকে।

মহিলা গৰাকীৰ হৰমনৰো ভালেমান পৰিৰ্বতন আহি পৰে। বিশেষকৈ মেনোপজেল কণ্ডিচনত যেনে ৪০-৪২ বছৰ বয়সৰ ভিতৰত যেতিয়া মাহেকীয়া বন্ধ হৈ আহে আৰু যেতিয়া যৌনাংগত গৰম গৰম অনুভৱ কৰা সজুৱতি হোৱা, তললৈ হেঁচামৰা দৰে বিষ হোৱা আদি সমস্যা লগতে যদি বগাস্ৰাৱ হয় তেতিয়া এই ঔষধে মন্তৰ দৰে কাম কৰে।

4)BORAX:

স্ৰাৱ পাতল বগা হয়। কেতিয়াবা মুখৰ ভিতৰত ঘা্ঁ হয়, উখ থাইত উথি বলৈ ভয় কৰে আদি লক্ষণ থাকিলে BORAX ঔষধটোয়ে ভাল কাম কৰে।

5)ALUMINA:

এই মেডিচিন ব্যবহাৰ কৰিব লগা ৰোগীৰ পায়খানা নিয়মিত নহয়। ২-৩ দিনৰ মূৰে মূৰে শৌচ হয়। শৌচ বা প্ৰস্ৰাৱ কৰোতে অতিৰক্ত জোৰ দিব লগা হয়।মুখ জিভা আদি শুকাই যাই আৰু অতিৰিক্ত পানী পিয়াহ থাকে আৰু ঘাম নোলায়।

ৰোগী শীণ মলীন শেঁতা আৰু ৰক্তহীন হয় ।বগাস্ৰাৱ ইমান বেছি হয় যে পে়ড ব্যবহাৰ কৰিব লগা হয় লগতে খজুৱতি পোৰণি.থাকিব পাৰে এনেকুৱা লক্ষণ প্ৰকাশ পালে alumina দৰটো ব্যবহাৰ কৰিলে এই ৰগোৰ পৰা বাচি থাকিব পাৰি ।

6)KREOSOTUM:

এই মেডিচিন যি সকল যুবতী মহীলাৰ বগাস্ৰাৱৰ অত্যনন্ত দূৰৰ্গন্ধ যুক্ত হয়।ভয়াৱহ খজুৱতী জ্বলাপোৱা হয়। এনে লক্ষণ প্ৰকাশ পালে KREOSOTUM মেডিচিনটো ব্যবহাৰ কৰিলে ৰোগৰ উপশম হয়।

7)NATRUM MUR:

ৰোগী অত্যন্ত দূৰ্বল, ৰক্তহীনতাত ভূগে, পাতল স্ৰাৱ হয়, যিকোনো সময়তে পসূতি মাতৃৰ শিশুৰ জন্ম দিয়াৰ পাছত লিউকৰীয়া হয়। লগতে যি সকল মহীলা -যুবতীৰ লিউকৰীয়া থাকে আৰু অত্যাধিক নিমখ খাব বিছাৰে, খোৱা খাদ্যত সঠিক পৰিমানে নিমখ হোৱা পিছতো কাঁহীৰ কাণত নিমখ লৈ খাব বিছাৰে তেনে যুবতী মহীলাৰ লিউকৰীয়া NATRUM MUR উপযোগী।

8)HYDRASTIS CAN:

বগাস্ৰাৱৰ লগতে যদি ৰোগীৰ অজীৰ্ণ এচিডিটিৰ লক্ষন থাকে তেনেহলে এই ঔষধ ব্যৱহাৰ কৰিব লাগে। এই মেডিচিনটো ব্যৱহাৰ কৰিব লগা ৰোগীৰ আহাৰ খাওঁক বা নাখাওঁক। সকলো সময়তে পেট ফুলি থাকে। বগাস্ৰাৱ আঠাৰ দৰে জেপেটিয়া হয়, শৌচ পৰিষ্কাৰ নহলে পেটৰ ভিতৰত অশান্তি বৃদ্ধি হয়। শৌচত শাওঁ সংযুক্ত থাকে, শৌচ কেতিয়াবা টান, কেতিয়াবা ঢিলা হয়।

9)ACID PHOS:

বিবাহীত মহীলাৰ অতিৰিক্ত সহবাসৰ ফলত বগাস্ৰাৱ হলে এই ঔষধ ব্যবহাৰ কৰিব লাগে। এই ঔষধ ব্যৱহাৰ কৰিব লগা ৰোগী হাত ভৰি কপিঁ থাকে, জিনজিনায় মূৰ ঘোৰায় মূৰ কামোৰে বিশেষকৈ বুকু ধপ্ ধপ্ কৰে আৰু অতিৰিক্ত দূৰ্ব্বল হোৱাৰ বাবে কথা কবলৈ শক্তি নোপোৱা দৰে হয় । এনেকুৱা লক্ষণ প্ৰকাশ পালে এই ঔষধ ব্যবহাৰ কৰিব লাগে.

10)GRAPHITES:

ধুনীয়া শকত আবত মহীলা, শৌচ সদায় কঠীন হোৱা মহীলা উপৰত বিশেষ ভাৱে ব্যৱহাৰ হয়। শৌচৰ লগত শাঁও সংযুক্ত থাকে আৰু শৌচ অতি্ৰিক্ত ডাঙৰ আৰু গাঁঠি গাঁঠি হয়। মুখত খাদ্যৰ খোৱাদ নাপায়। বগাস্ৰাৱৰ লগতে খজুৱতী হয়। আদি লক্ষণত graphitis ব্যৱহাৰ কৰিব লাগে ।

11)SULPHUR:

এই ঔষধ ব্যৱহাৰ কৰিব লগীয়া যুৱতী মহীলাৰ কেইদিন মান স্ৰাৱ হয় আকৌ কিছু দিনৰ বাবে আৰুগ্য হয়। ৰোগীৰ হাত, ভৰি, চকু বিশেষকৈ ভৰি তলুৱা জ্বলা-পোৱা কৰে। আন ঔষধ সমূহ প্ৰয়োগ কৰাৰ পাছত আংশিক ৰোগ থাকি গলে এই ঔষধ ব্যৱহাৰ কৰিব পাৰে।

12)CALOPHYLLUM:

যুবতী-মহীলা অপৰিস্কাৰ বগাস্ৰাৱ হয়। এই ধৰণৰ বগাস্ৰাৱৰ সমস্যা থকাৰ ফলত মহীলা বন্ধ্যাত্ব হয়। কম বয়সীয়া ছোৱালীৰ বগাস্ৰাৱৰ হলেও এই ঔষধে ভাল. কাম কৰে ।

13)COCCULUS:

যুৱতী মহীলা মাহেকীয়া ঋতুস্ৰাৱ বন্ধ থাকিলে তাৰ পৰিৰ্ৱতে বগাস্ৰাৱ হলে আৰু ৰোগী অত্যন্ত দূৰ্বল হলে বিশেষকৈ কঁকালৰ পৰা তলৰ ডোখৰ দূৰ্বল হোৱা বাবে ঠিঅ হবলৈ ক্ষমতা নাথাকে, মূৰ ঘুৰনি হয়। বিছনাৰ পৰা উথিলে মূৰ ঘূৰায়, গৰ্ভাৱস্থাত কিছুমান মহীলাৰ বগাস্ৰাৱ হয়, তেনে অৱস্তাত আন ঔষধ ব্যৱহাৰ কৰাতো হানিকাৰক হয়। তেতিয়া এই মেডিচিনটো ব্যৱহাৰ কৰিলে এই সমস্যা পৰা মু্ক্ত হব পৰে।

14)OVA TOSTA:

ova tosta:

এক অতি ফলপসু মেডিচিন। বগাস্ৰাৱ বহু বছৰ ধৰি হৈ থাকিলে, অত্যন্ত লেতেৰা বগাস্ৰাৱ হলে, বগাস্ৰাৱৰ বাবে স্বাস্থ্যৰ অবনতি হয় ।এই ঔষধ ব্যৱহাৰ কৰিলে সুফল পোৱা যায়। ইয়াৰ উপৰিও বগাস্ৰাৱত ব্যবহৃত বহুত হোমিঅ পেথিক ঔষধ আছে এই ঔষধ সমূহ ৰোগীৰ লগত কথা পাতি ৰোগীৰ শাৰিৰীক, মানসিক সকলো বোৰ লক্ষণ জনাৰ পাছতহে ব্যৱহাৰ কৰিব পৰা যায়।

এই ঔষধ সমূহ ব্যৱহাৰ কৰি মই শ শ এই সমস্যাত ভোগা মহীলাক এই সমস্যা পৰা মুক্ত কৰিব বাবে সক্ষম হৈছো। আপোনালোককো মই পৰামৰ্শ আগবঢাম আপোনি যদি এই সমস্যা ভুক্ত ভোগী এবাৰ মাত্ৰ হোমিঅপেথিক চিকিৎসকৰ কাষ চাপক।

এই চিকিৎসা পদ্ধতি সম্পূৰ্ণ পাশ্বৰ্ক্ৰিয়া মুক্ত, নিৰাপদ। আপোনি কোনোধৰণৰ অসুবিধা আৰু দেহৰ ক্ষতি নোহোৱাকৈ ব্যৱহাৰ কৰি এই সমস্যা পৰা বাছি থাকিব পাৰিব। শেষত কওঁ হোমিঅ পেথিক চিকিতসা পদ্ধতি গ্ৰহন কৰি সুস্বাস্থ্য হওঁক আপোনালোকক স্বাস্থ্যৰ প্ৰতি সজাগ আৰু সচেতন কৰি সুস্বাস্থ্যৰ অধিকাৰী কৰাটোৱেই আমাৰ প্ৰধান লক্ষ আৰু উদ্দেশ্য।

লেখক: ডাঃ হৰিকান্ত দাস

ফোন নং-9954340102

 

2.85714285714
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top