মূল পৃষ্ঠা / স্বাস্থ্য / ৰোগসমূহ / নতুন শ্ৰেণীকৰণ :
অংশিদাৰী
Views
  • স্থিতি: সম্পাদনাৰ বাবে মুকলি

নতুন শ্ৰেণীকৰণ :

নতুন শ্ৰেণীকৰণৰ বিষয়ে লিখা হৈছে ।

ডায়েবেটিছ পাঁচ প্ৰকাৰ -

অলপতে বিজ্ঞানীৰ এটা দলে ডায়েবেটিছৰ সংশোধিত শ্ৰেণীকৰণ ঘোষণা কৰিছে । তেওঁলোকৰ মতে ইয়াৰ দ্বাৰা ডায়েবেটিছৰ চিকিৎসা সহজ হ’ব আৰু চিকিৎসকসকলে ডায়েবেটিছৰ জীৱনঘাতী জটিলতাসমূহৰ শুদ্ধভাৱে আগজাননী দিব পাৰিব । আগতে মাথোন দুই প্ৰকাৰৰ ডায়েবেটিছৰ কথা কোৱা হৈছিল , কিন্তু এতিয়া পাঁচ প্ৰকাৰৰ ডায়েবেটিছ চিনাক্ত কৰা হৈছে । এই ঘোষণা কৰা হৈছে ‘দ্য লেংছেট’ ডায়েবেটিছ এণ্ড এণ্ড’ক্ৰাইন’লজী জাৰ্ণেলত । এই নতুন শ্ৰেণীকৰণৰ দ্বাৰা নিৰ্ভুল চিকিৎসা ব্যৱস্থাৰ প্ৰৱণতাৰ সৈতে সংগতিপূৰৰ্ণ । ইয়াৰ দ্বাৰা প্ৰতিজন আক্ৰান্ত ব্যক্তিৰ ৰোগ নিয়ন্ত্ৰণ কৰাত সহজ হ’ব । যেনেদৰে ৰক্তক্ষৰণৰ বাবে শুদ্ধ প্ৰকাৰৰ তেজহে ব্যৱহাৰ কৰা হয় । সেইদৰে বিভিন্ন প্ৰকাৰৰ ডায়েবেটিছৰ বিভিন্ন ধৰণে চিকিৎসা কৰিব পৰা যাব । একেদৰে বিজ্ঞানীসকলে সুনিৰ্দিষ্ট মাইক্ৰ’বিয়মো চিনাক্ত কৰিছে । মাইক্ৰ’বিয়মো হ’ল আমাৰ পাচনতন্ত্ৰৰ কথা বেক্টেৰিয়া পাৰিপাৰ্শ্বিক পদ্ধতি । যিয়ে বিভিন্ন ঔষধৰ প্ৰতি বিভিন্ন ধৰণে প্ৰতিক্ৰিয়া কৰে । ইয়াৰ ফলত ঔষধৰ ক্ৰিয়া কম বা বেছি হয় । এই নতুন শ্ৰেণীকৰণে ডায়েবেটিছত ব্যক্তিগত চিকিৎসাৰ প্ৰথম পদক্ষেপ আৰু আৰ্হিস্বৰুপ পৰিৱৰ্তন সুচল কৰিব । ডায়েবেটিছ ৰোগত ভোগা ব্যক্তিসকলৰ তেজত অত্যধিকমানৰ গ্লুকজ বা চেনি থাকে- যাৰ উৎস আমাৰ খাদ্য । বিশ্বত প্ৰায় ৪২০ নিযুত ডায়েবেটিছ ৰোগী আছে । ২০৪৫ চনলৈ এই সংখ্যা ৬২৯ নিযুত হ’বগৈ পাৰে । আগতে ডায়েবেটিছ দুভাগত শ্ৰেণীভুক্ত কৰা হৈছিল- টাইপ ৱান আৰু টাইপ টু । টাইপ ৱান ডায়েবেটিছ সাধাৰণতে শৈশৱতে চিনাক্ত হয় । মুঠ ডায়েবেটিছ ৰোগীৰ ১০ শতাংশ হ’ল টাইপ ৱান শ্ৰেণীৰ । এই ৰোগৰ ক্ষেত্ৰত শৰীৰত ইনচুলিন উৎপাদন নহয় । ইনচুলিনে তেজৰ চেনিৰ মাত্ৰা নিয়ন্ত্ৰন কৰে । টাইপ টু ডায়েবেটিছত ৰোগীৰ শৰীৰত কম মাত্ৰাত ইনচুলিন উৎপাদন হয় । সেয়া পৰ্যাপ্ত নহয় বাবে তেজত চেনিৰ মাত্ৰা সম্পূৰ্ণৰুপে নিয়ন্ত্ৰিত নহয় । এইবিধ ডায়েবেটিছ মেদবহুলতাৰ সৈতে সম্পৰ্কিত । এই ৰোগত ভোগা লোকসকলৰ অন্ধতা, বৃক্কৰ বিকাৰ, হৃদৰোগ, ষ্ট্ৰোক আদি জটিল হ’ব পাৰে । দীৰ্ঘদিন ধৰি চিকিৎসকসকলে জানি আহিছে যে টাইপ টু ডায়েবেটিছ আজি পৰিৱৰ্তনশীল । তৎসত্ত্বেও শ্ৰেণীকৰণ পৰিৱৰ্তন কৰা হোৱা নাছিল । ইনচুলিন প্ৰতিৰোধ্যতা, ইনচুলিন নি:সৰণৰ মাত্ৰা, তেজৰ চেনিৰে মাত্ৰা, বয়স আৰু ৰোগ আৰম্ভ হোৱা সময়ৰ  ওপৰত ভিত্তি কৰি বিজ্ঞানীসকলে বৰ্তমান পাঁচ প্ৰকাৰ সুনিৰ্দিষ্ট ডায়েবেটিছ চিনাক্ত কৰিছে । তাৰে তিনি প্ৰকাৰ হৈছে গভীৰ আৰু দুই প্ৰকাৰ মধ্যমীয়া ধৰণৰ । গভীৰ শ্ৰেণীৰ ডায়েবেটিছৰ ভিতৰত এটা শ্ৰেণীৰ ক্ষেত্ৰত ৰোগীৰ শৰীৰত ইনচুলিন প্ৰতিৰোধ্যতা থাকে । এইক্ষেত্ৰত কোষসমূহে কাৰ্যক্ষমভাৱে ইনচুলিনৰ ব্যৱহাৰ কৰিব নোৱাৰে । এনে ৰোগীৰ বৃক্ক বিকল হোৱাৰ সম্ভাৱনা অধিক । বৰ্তমান এই শ্ৰেণীৰ ৰোগীয়ে নিৰ্ভুল চিকিৎসা লাভ কৰিবলৈ সক্ষম হৈছে । তীব্ৰ জটিলতা হোৱা আন এভাগ ৰোগী হ’ল ইনচুলিনৰ স্বল্পতাত ভোগা কম বয়সীয়া ৰোগী । তৃতীয় গভীৰ ডায়েবেটিছৰ কাৰক হ’ল স্বয়ংক্ৰিয় প্ৰতিৰোধী ক্ষমতা । এইবিধ দৰাচলতে টাইপ ৱান ডায়েবেটিছৰ মধ্যমীয়া ধৰণৰ । তাৰে এট বেছি বয়সীয়া ব্যক্তিৰ ৪০ শতাংশত দেখা যায় । এই নতুন শ্ৰেণীকৰণে সময়মতে সুনিৰ্দিষ্ট চিকিৎসা ব্যৱস্থা ল’বলৈ সুবিধা দিয়ে- যাতে জটিলতাৰ সৃষ্টি নহয় ।

বিজ্ঞানীসকলে শ্ৰেণীকৰণৰ বাবে ১৩,২৭০ গৰাকী নতুনকৈ চিনাক্ত কৰা ডায়েবেটিছ ৰোগী নিৰ্বাচন কৰিছিল । তেওঁলোকৰ বয়স আছিল ১৮ বছৰৰ পৰা ৯৭ বছৰৰ ভিতৰত । এই অধ্যয়নৰ ফলাফল ছুইডেন আৰু ফনলেণ্ডত কৰা অধ্যয়নৰ ফলাফলৰ সৈতে ৰিজাই চোবা হৈছিল । তেওঁলোকে চীন আৰু ভাৰততো এনে অধ্যয়ন কৰাৰ পৰিকল্পনা হাতত লৈছে ।

লেখক :- ডা: জীৱন দত্ত বৰুৱা

উৎস :- অসমীয়া খবৰ

3.35714285714
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top