মূল পৃষ্ঠা / স্বাস্থ্য / ৰোগসমূহ / স্বাস্থ্য বিচিত্ৰা :
অংশিদাৰী
Views
  • স্থিতি: সম্পাদনাৰ বাবে মুকলি

স্বাস্থ্য বিচিত্ৰা :

স্বাস্থ্য বিচিত্ৰাৰ বিষয়ে লিখা হৈছে ।

 

নো মেডিচিন -

মেদবহুলতা? কোনো চিন্তা নাই । ব্যায়াম বা আন কোনো শাৰীৰিক পৰিশ্ৰম কৰিবলৈ সুযোগ আৰু সময় নাপালেও চিন্তা নাই । বজাৰৰ বহু বিজ্ঞাপিত ঔষধ সেৱন ? নো মেডিচিন । আপোনাৰ পেটত ভৰাই দিয়া হ’ব এটা সৰু ফুটবল । মেদ কমি যোৱাৰ পিছত বলটো উলিয়াই আনিলে লেঠা খতম । ছমাহত ওজন কমিব ২০ কেজি । ভয়ৰ কাৰণ নাই । কটা-ছিঙাৰ ঝামেলা নাই । আনকি হাস্পতালৰ বিছনাত পৰি থকাৰো দৰকাৰ নাই । পেটৰ পৰা বলটো উলিয়াই আনিবলৈ ৰোনালডো বা মাৰডোনাকো পঠিওৱাৰ দৰকাৰ নাই । এণ্ডোস্কপিৰ সহায়ত ডিঙিৰে পেটৰ ভিতৰত এটা বিশেষ ধৰনৰ বল ভৰোৱা হয় । সেই একেই পদ্ধতিৰেই উলিয়ায়ো অনা হয় । অলপতে আম্ৰি হাস্পতালৰ চিকিৎসক মিছেছ সাহাই ৩১ বছৰ বয়সীয়া এগৰাকী মহিলাৰ পেটত ফুটবল ভৰাই দিয়ে, যাৰ ডাক্তৰী নাম ইণ্ট্ৰাগেষ্ট্ৰিক বেলুন প্লেচমেণ্ট । ১৩০ কেজি ওজনৰ মহিলাগৰাকীৰ ওজন ১৫ দিনতে অৱনমিত হয় ৮৫ কেজিলৈ । সংশ্লিষ্ট হাস্পতালৰ বেৰিয়াট্ৰিক বা অবেছিটি ছাৰ্জন ডা: ভি কে ভাৰতিয়াই এই কথা সদৰী কৰিছে ।

শৈশৱত দুগ্ধজাত খাদ্য -

সকলোৰে প্ৰিয় দুগ্ধজাত খাদ্য শিশুক অধিক পৰিমাণে খুৱালে ভৱিষ্যতলৈ বিপদ হ’ব পাৰে । ব্ৰিছবেনৰ ইউনিভাছিৰ্টী অৱ কুইন্সলেণ্ডৰ এদল স্বাস্থ্য গৱেষকে চলোৱা এক গৱেষণা মতে, শৈশৱত অধিক পৰিমাণে দুগ্ধজাত খাদ্য খোৱা শিশুসকলৰ ভৱিষ্যতে কলেষ্টৰেল কেঞ্চাৰ হোৱাৰ সম্ভাৱনা বৃদ্ধি পায় । পাঁচ হাজাৰতকৈ অধিক লোকৰ মাজত চলোৱা সমীক্ষাৰ ভিত্তিত গৱেষকসকলে এই তথ্য সদৰী কৰিছে । তথ্যানুসাৰে শৈশৱত দিনে দুকাপকৈ গাখীৰ বা গাখীৰৰ পৰা তৈয়াৰী একে পৰিমাণে খাদ্য গ্ৰহণ কৰাসকলৰ কলেষ্টৰেল কেঞ্চাৰ হোৱাৰ সম্ভাৱনা তিনিগুণ বৃদ্ধি পায় ।

গলগ্ৰহ এপেণ্ডিক্স -

ডায়েলেকটিকেল মেটিৰিলিজম বা দ্বন্দ্বমূলক বস্তুবাদ মতে মানুহ মূলত: ক্ৰমবিকাশমান প্ৰাণী । এককোষী জীৱাণুৰ পৰা বিকশিত আধুনিক মানুহৰ শৰীৰ তথা অংগ-প্ৰত্যংগৰ আমূল বিৱৰ্তন হৈছে । বিজ্ঞানীসকলৰ গৱেষণাই এই কথা নিৰ্ণয় কৰিছে যে আজিৰ মানুহৰ বহি:কাণ, চকুৰ উপপল্লৱ আৰু তলপেটৰ এপেণ্ডিক্স নামৰ অংগ কোনো এক কাৰণত অপৰিৱৰ্তিত হৈ থাকিল । চকুৰ উপপল্লৱৰ ব্যৱহাৰিক উপযোগিতা আছে যদিও গলগ্ৰহ হিচাপে পৰিগণিত হৈছে এপেণ্ডিক্স । ই মানৱ শৰীৰৰ কোনো ধৰণৰ উপকাৰত নাহে বুলি বিজ্ঞানীসকলে মত পোষণ কৰি আহিছে । বৰং দেখাত ম’হজোকৰ দৰে এই নাতিদীৰ্ঘ অংগটোৰ সংক্ৰমণে মানুহক সময়ে সময়ে দুৰ্ভোগ ভোগায়, আনকি মৃত্যুপৰ্যন্ত ঘটাব পাৰে । সেয়ে অন্যান্য অপাৰেশ্যনৰ সময়ত শল্য চিকিৎসকে বাই ৱান গেট টু নীতিৰে এপেণ্ডিক্সটো কাটি পেলাই দিয়ে । কিন্তু থিঅ’ৰিটিকেল বায়’লজি নামৰ পত্ৰিকাত প্ৰকাশিত এটা গৱেষণামূলক প্ৰবন্ধত ৱাশ্বিংটনৰ ড্যুব বিশ্ববিদ্যালয়ৰ কেইজনমান শল্য চিকিৎসকে এই নীতিক সমৰ্থন নকৰে । তেওঁলোকৰ মতে, মানৱ শৰীৰৰ বাবে উপকাৰী বহুতো জীৱাণু উৎপাদন আৰু সেইবিলাকৰ ৰক্ষণাবেক্ষণৰ ক্ষেত্ৰত এপেণ্ডিক্সে গুৰুত্বপূৰ্ণ ভূমিকা পালন কৰে । তদুপৰি এপেণ্ডিক্সৰ পৰা ওপজা জীৱাণুসমূহে পাচনতন্ত্ৰক প্ৰভাৱিত কৰি খাদ্যবস্তু দ্ৰুততাৰে হজম কৰাত সহায় কৰে ।

গৰ্ভৱতীৰ গাৰু -

কেনেকৈ শুলে বা নুশুলে গৰ্ভস্থ সন্তানটোৰ অৱস্থান ঠিকেঠাকে থাকিব- এই লৈ গৰ্ভৱতী মহিলা, বিশেষকৈ প্ৰথমবাৰ গৰ্ভধাৰণ কৰা মহিলাসকল দুশ্চিন্তাত ভুগি থাকে । ফলত ভালকৈ টোপনি নহয় । পেটৰ সন্তানটোৰ কিবা ক্ষতি হয় বুলি বহুতেই শংকা আৰু হতাশাত ভোগে । কেৱল তেওঁলোকৰ বাবেই নহয়, সকলো গৰ্ভৱতী মাতৃৰ বাবে সুখবৰ কঢ়িয়াই আনিছে স্নুজাৰ প্ৰেগনেন্সি গাৰুৱে । বিশেষভাৱে তৈয়াৰী এই গাৰুৰ ব্যৱহাৰে গৰ্ভস্থ সন্তানৰ অৱস্থান স্বাভাৱিক কৰি ৰখাত সহায় কৰে । ই সুখনিদ্ৰাৰ সহায়ক আৰু মূৰ-ডিঙি-পিঠিৰ বিষ প্ৰতিৰোধী ।

টেক্সট মেছেঞ্জাৰ্ছ থাম্ব -

নিউজীলেণ্ডৰ এগৰাকী কুৰি বছৰীয়া যুৱতী ফ’ৰ বেভিছ । তেওঁ ম’বাইল ফোনযোগে বন্ধু-বান্ধৱীক নিতৌ শতাধিক মেছেজ প্ৰেৰণ কৰি এবছৰমান পূৰ্বে চিকিৎসকৰ শৰণাপন্ন হয় । অসংখ্য মেছেজ কম্পজ কৰাৰ ফলত তেওঁৰ হাতৰ আঙুলিবোৰ ফুলি উঠে আৰু বিষাবলৈ লয় । অষ্ট্ৰেলিয়া আৰু ছিংগাপুৰত একে ধৰণৰ ৰোগত ভুগি থকা দুগৰাকী ৰোগী চিনাক্ত কৰা হৈছে । চিকিৎসা বিজ্ঞানীসকলে এই নতুন ৰোগটোক টেক্সটিং টিন’ছাইন’ভাইটিছ বা টেক্সট মেছেঞ্জাৰ্ছ থাম্ব বুলি নামকৰণ কৰিছে ।

উৎস:- জি এনআৰচি স্বাস্থ্য

 

2.5
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top