মূল পৃষ্ঠা / স্বাস্থ্য / প্ৰাথমিক চিকিৎসা / বহুমূত্ৰ ৰোগৰ যৌগিক চিকিৎসা
অংশিদাৰী
Views
  • স্থিতি: সম্পাদনাৰ বাবে মুকলি

বহুমূত্ৰ ৰোগৰ যৌগিক চিকিৎসা

বহুমূত্ৰ ৰোগৰ যৌগিক চিকিৎসাৰ বিষয়ে লিখা হৈছে ।

 

লক্ষণ – ‘মূত্ৰস্থা মাক্ষিকাদ্যা’- মূত্ৰৰ লগত চেনি পৰিলে, মূত্ৰত মাখি আদি পৰে । গতিকে মূত্ৰত মাখি আৰু পিপৰা পৰিলে বহুমূত্ৰ ৰোগ সম্বন্ধে সচেতন হ’ব । এই ৰোগৰ অন্যান্য লক্ষণ ঘনাই পিয়াহ লগা, ঘনাই মূত্ৰত্যাগ, মুখত মিঠা সোৱাদৰ অনুভৱ, মাজে-সময়ে সৰ্বশৰীৰত অসহ্য খজুৱতিৰ সৃষ্টি হয় অথবা দুষ্ট ব্ৰণৰ উদ্ভৱ হয় । ৰোগৰ কঠিন অৱস্থাত মূৰৰ বিষ, মূৰ ঘূৰোৱা, দুৰ্বলতা, মূৰ্ছা, মূত্ৰাশয় প্ৰদাহ প্ৰভৃতি যন্ত্ৰণাদায়ক উপসৰ্গ সৃষ্টি হয় । হৃদৰোগ, সন্ন্যাসৰোগ প্ৰভৃতি মাৰাত্মক ব্যাধিয়ে বহুমূত্ৰ ৰোগীৰ দেহত সহজেই আক্ৰমণ কৰিব পাৰে । যি লোকৰ চকুত ছানি পৰে, প্ৰায়েই দেখা যায়, তেওঁলোক কম-বেছি পৰিমাণে বহুমূত্ৰ ৰোগাক্ৰান্ত । বহুমূত্ৰ ৰোগীৰ হয় কোষ্ঠবদ্ধতা নহ’লে কোষ্ঠতাৰল্য বিদ্যমান থাকে । তেওঁলোকৰ গাৰ ছাল শুকান, দাঁতবোৰ মলিয়ন হৈ যায় । এক কথাত ক’ব পাৰি- বহুমূত্ৰ ৰোগ দুৰাৰোগ্য কঠিন অজীৰ্ণ-ৰোগৰেই প্ৰকাৰ বিশেষ ।

কাৰণ:- সাধাৰণতে বহুমূত্ৰ ৰোগ দুবিধ বুলি ধৰা হয় । শৰ্কৰাযুক্ত বহুমূত্ৰ (Diabetes Melli-) আৰু শৰ্কৰাবিহীন বহুমুত্ৰ (Diabetes insipidus)নিস্তেজ হৈ অগ্নিগ্ৰন্থিৰ ক্ৰিয়া দুৰ্বল হ’লে এই ৰোগ সৃষ্টি হ’ব পাৰে । অতিৰিক্ত মানসিক পৰিশ্ৰম আৰু দুশ্চিন্তা-দুৰ্ভাৱনায়ো অগ্নিগ্ৰন্থিবোৰক দুৰ্বল কৰি এই ৰোগ সৃষ্টি কৰিব পাৰে । যিসকলে অতিৰিক্ত চাহ অথবা সদায় যিসকলে ক্ষীৰ,সন্দেশ, ৰসগোল্লা প্ৰভৃতি চেনিযুক্ত মিঠাই আহাৰ কৰে, তেওঁলোকৰ দেহত প্ৰয়োজনতকৈ বেছি চেনি সঞ্চিত হোৱাৰ ফলতো এই ৰোগ সৃষ্টি হ’ব পাৰে । অতিৰিক্ত মাছ,মাংস বা কণী খালে অথবা অতিৰিক্ত ঘিউ, মাখন আৰু ঘিউৰে তৈয়াৰী খাদ্য খালে যকৃৎ আৰু প্লীহা দুৰ্বল হৈ এই ৰোগ সৃষ্টি হয় । অন্যান্য কাৰণত স্বাস্থ্যভংগ হ’লেও এই ৰোগৰ উদ্ভৱ হ’ব পাৰে ।

চিকিৎসা : (পুৱা) সহজ বস্তিক্ৰিয়া আৰু তাৰ লগৰ আসন-মুদ্ৰা আদি । (এই বস্তিক্ৰিয়া মাহত দুবাৰ কৰিব) ইয়াৰ পাছত প্ৰাত:কৃত্য আৰু অৰ্ধস্নান, সহজ অগ্নিসাৰ-৩০ বাৰ , অগ্নিসাৰ ধৌতি ২০ বাৰ, সহজ প্ৰাণায়াম- ভস্ত্ৰিকা, কপালভাটি, অনুলম-বিলম, উজ্জায়ী কৰিব । বাৰিষাৰ ধৌতি বা বমন-ধৌতি মাহত দুবাৰ কৰিব ।

দুপৰীয়া স্নানৰ সময়ত সহজ অগ্নিসাৰ-২৫ বাৰ,অগ্নিসাৰ ধৌতি ২০ বাৰ ।

গধূলি :- ভ্ৰমণ-প্ৰাণায়াম, যোগমুদ্ৰা, পশ্চিমোত্তান, সহজ অগ্নিসাৰ, ওপৰত উল্লেখ কৰা সহজ প্ৰাণায়ামকেইটা, বিপৰীতকৰণী, পৱনমুক্তাসন, অৰ্ধ-মৎস্যেন্দ্ৰাসন । খোৱাৰ পাছত এঘণ্টা সোঁ নাকেৰে শ্বাসপ্ৰৱাহ অব্যাহত ৰাখিব ।

নিয়ম আৰু পথ্য :- আগতেই কোৱা হৈছে বহুমূত্ৰ ৰোগৰ মূলতেই আছে অজীৰ্ণ ৰোগ । এই ৰোগত যকৃতৰ ক্ৰিয়া দুৰ্বল হৈ থাকে কাৰণে দেহৰ অপ্ৰয়োজনীয় চৰ্বি দগ্ধ হ’ব নোৱাৰে- ফলত বহুমূত্ৰ ৰোগাক্ৰান্ত লোক প্ৰায়েই স্থূলকায় হয় । ৰোগৰ সূচনা বুজিব পাৰিলে উপৰ্যুপৰি ২- ৩ দিন উপবাস দিব । উপবাসৰ সময়ত প্ৰচুৰ পানী খাব, অন্য কোনো খাদ্য গ্ৰহন নকৰিব । এইদৰে সম্পূৰ্ণ উপবাস কৰিব নোৱাৰিলে উপবাসৰ সময়ত প্ৰয়োজন অনুসাৰে ভালকৈ পকা কমলা, আনাৰস, আঙুৰ, ডালিম প্ৰভৃতি খাব । এইদৰে ৰোগৰ আৰম্ভণিতে ২-৩ দিন উপবাস দিলেই তেজত চেনিৰ পৰিমাণ কমি যাব আৰু প্ৰস্ৰাৱতো চেনিৰ পৰিমান কমি যাব অথবা একেবাৰে নোহোৱা হ’ব । ইয়াৰ পাছত আহাৰ-বিহাৰত বিশেষ সংযম অভ্যাস কৰিব । সদায় সতৰ্ক  থাকিব – যাতে আহাৰৰ দোষত অজীৰ্ণ বা অম্ল সৃষ্টি নহয় আৰু আহাৰৰ লগত অতিৰিক্ত চেনি পেটলৈ নাযায় ।

কোনো ঔষধতেই এই ৰোগ সম্পূৰ্ণ আৰোগ্য নহয় । যৌগিক ক্ৰিয়াৰ অভ্যাস কৰিলে নতুন ৰোগ খুব সোনকালে আৰোগ্য হ’ব । ৰোগ পুৰণা হ’লে সম্পূৰ্ণ আৰোগ্য হ’বলৈ কিছু সময় লাগিব । একাদশীৰ উপবাস, অমাৱস্যা আৰু পূৰ্ণ ইমাৰ নিশিপালন পুৰণা বহুমূত্ৰ ৰোগীৰ পক্ষে বিশেষ উপকাৰী । এই ৰোগৰ প্ৰবল অৱস্থাত ভাত আৰু ৰুটিৰ পৰিৱৰ্তে কাঁচকল সিজোৱা, ওল সিজোৱা বা মানকচু সিজোৱা খাব । চাউল, আটা, চাগু, বাৰ্লি প্ৰভৃতি শ্বেতসাৰজাতীয় খাদ্যৰ পৰা দেহত চেনি উৎপন্ন হয় আৰু আমিষজাতীয় খাদ্যত বহুমূত্ৰ ৰোগীৰ প্ৰবল অৱস্থাত এইবোৰ খাদ্য বন্ধ ৰখা উচিত । দৈ, নাৰিকল আদি খাদ্যতো প্ৰ’টিন থাকে, কিন্তু এইবোৰ মাছ, মাংস আৰু কণী প্ৰভৃতি আমিষজাতীয় খাদ্যৰ দৰে অম্লধৰ্মী নহয় বৰং শাক-পাচলিৰ দৰেই ক্ষাৰধৰ্মী । গতিকে বহুমুত্ৰ ৰোগীয়ে আমিষ খাদ্য বৰ্জন কৰি উপৰিউক্ত দৈ আৰু নাৰিকলৰ পৰা দেহৰ প্ৰয়োজনীয় প্ৰ’টিন উৎপাদন সংগ্ৰহ কৰিব । পকা কল, বিলাহী, বেঙেনা, কলডিল, পচলা, ডম্বৰু আৰু অন্যান্য শাক-পাচলি, বিশেষকৈ টাটকা শাক আৰু টেঙা আৰু মিঠা ফল এই ৰোগত সুপথ্য। চাহ, চিগাৰেট, মদ প্ৰভৃতি মাদক দ্ৰব্য যথাসাধ্য বৰ্জন কৰি চলিব । ছানা, সন্দেশ প্ৰভৃতি সংহত খাদ্য আৰু ঘিউৰে তৈয়াৰী খাদ্য আৰু আমিষ খাদ্য এই ৰোগত গ্ৰহণ কৰা উচিত নহয়। এইবোৰ খাদ্যই দেহত দূষিত বস্তু (ইউৰিক এচিড) সঞ্চিত কৰি ৰোগ বৃদ্ধিত সহায় কৰে । লগতে সন্ধ্যাকালত কিছু ভক্তিমূলক সংগীত শুনিব ।

লেখক- পাৰ্থপ্ৰতিম দাস

উৎস – দৈনিক জনমভূমি

3.15384615385
তৰাসমূহৰ ওপৰত ক্লীক কৰি মান প্ৰদান কৰক।
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top