অংশিদাৰী
Views
  • স্থিতি: সম্পাদনাৰ বাবে মুকলি

কাঠফুলা

কাঠফুলাৰ কেইটামান বিশেষ উপকাৰী দিশৰ বিষয়ে আলোচনা কৰা হৈছে

আমিষাহাৰী হওক বা নিৰামিষাহাৰী, কাঠফুলা বা মাশ্বৰোম খাবলৈ সকলোৱে ভাল পায় । অৱশ্যে প্ৰকৃত তথা বিশুদ্ধ কাঠফুলা চিনাক্ত নকৰাকৈ যধে মধে ভক্ষণ কৰাৰ ফলত হোৱা বিষক্ৰিয়াৰ বাবে কিছুসংখ্যক ব্যক্তিয়ে ইয়াক খোৱাৰ পৰা বিৰত থাকিলেও ইয়াৰ জনপ্ৰিয়তা কমি যোৱা নাই । কাঠফুলাক চীনদেশত মহৌষধিৰ সমতুল্য বুলি কোৱা হয় । আনহাতে ৰোমৰ জনসাধাৰণে ইয়াক ঈশ্বৰৰ আহাৰ হিচাপে গণ্য কৰে । কিয়নো কাঠফুলা হৈছে শৰীৰৰ বাবে উপযোগী স্বাস্থ্যবৰ্ধক গুণাগুণেৰে পৰিপূৰ্ণ এবিধ সুপাচক খাদ্য পদাৰ্থ ।

জানো আহক কাঠফুলাৰ কেইটামান বিশেষ উপকাৰী দিশৰ বিষয়ে

* কাঠফুলাত মজুত থকা এণ্টি অক্সিডেণ্টে শৰীৰৰ প্ৰতিৰক্ষা প্ৰণালী শক্তিশালী কৰি তোলে । কাঠফুলা খালে শৰীৰত এণ্টি ভাইৰেল তথা অন্য প্ৰটিনৰ মাত্ৰা বৃদ্ধি পায়, যি শৰীৰৰ কোষবিলাকৰ পুনৰ গঠনত সহায় কৰে । তদুপৰি প্রাকৃতিক এণ্টি বায়টিক হিচাপে ই শৰীৰৰ বিভিন্ন প্ৰকাৰৰ সংক্ৰমণ ৰোধ কৰে ।
* কাঠফুলাত হাই নিউট্ৰিচনচ পোৱা যায়, যি হৃদয়ৰ স্বাস্থ্যৰ বাবে উত্তম । তদুপৰি কাঠফুলাত মজুত থকা এনজাইম তথা আঁহে শৰীৰৰ বৰ্ধিত কলেষ্টৰলৰ মাত্ৰা হ্ৰাস কৰে ।
* ডাইবেটিচ ৰোগত আক্ৰান্ত ব্যক্তিসকলৰ বাবে কাঠফুলা এবিধ উত্তম স্বাস্থ্যবৰ্ধক আহাৰ । ই তেওঁলোকৰ শৰীৰত বৰ্ধিত শৰ্কৰাৰ পৰিমাণ হ্ৰাস কৰি ইনচুলিনৰ পৰিমাণ বঢ়াই তোলে । তদুপৰি কাঠফুলাত কন্জুগেট লেন'লিক এচিড পোৱা যায়, যি কেঞ্চাৰ ৰোগৰ কুপ্ৰভাৱৰ পৰা আমাক ৰক্ষা কৰে ।
* কাঠফুলাত লীন প্ৰ'টিন পোৱা যায়, যি শৰীৰৰ ওজন হ্ৰাস কৰাত সহায় কৰে । তদুপৰি মেদবহুলতা হ্ৰাস কৰিবলৈ প্ৰ'টিন ডায়েট লোৱাৰ পৰামৰ্শ দিয়া হয়,যত কাঠফুলা খোৱাটো এক উত্তম বিকল্পৰ অন্তৰ্ভূক্ত ।
* সজীৱ কাঠফুলাত পৰ্যাপ্ত পৰিমাণৰ আঁহ তথা কাৰ্বহাইড্ৰেট পোৱা যায় যি কোষ্ঠকাঠিন্যতা, অজীৰ্ণ, অতিসাৰকে আদি কৰি পেটৰ বিভিন্ন বিকাৰসমূহ নাশ কৰে । তদুপৰি কাঠফুলাত থকা ভিটামিন বিয়ে শৰীৰৰ ৰোগ প্ৰতিৰোধক ক্ষমতা বৃদ্ধি কৰে আৰু শাৰীৰিক দূৰ্বলতাৰ সময়ত প্ৰয়োজনীয় শক্তি প্ৰদান কৰে । 
* কাঠফুলা খালে শৰীৰত হিমগ্লবিনৰ স্তৰ সঠিক হৈ থাকে । কাঠফুলাত পৰ্যাপ্ত পৰিমাণৰ বহুমূলীয়া ফলিক এচিড পোৱা যায়, যি কেৱল মাংসহাৰী খাদ্যতহে উপলব্ধ হয় । লৌহ পদাৰ্থ তথা ফলিক চিড থকাৰ বাবে ই ৰক্তহীনতা ৰোগত ভোক্তভোগী গ্ৰামাঞ্চলৰ মহিলা আৰু শিশুসকলৰ বাবে এবিধ স্বাস্থ্যবৰ্ধক আহাৰ হিচাপে পৰিগণিত হৈছে ।

2.87037037037
জয়দ্বীপ লাহন Mar 27, 2017 01:04 PM

জণ্ডিছ ৰোগীৰ বাবে কাঠফুলা উপকাৰী নে

আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top