মূল পৃষ্ঠা / স্বাস্থ্য / পৰিপুষ্টি / তিতাকেৰেলাৰ গুণাগুন :
অংশিদাৰী
Views
  • স্থিতি: সম্পাদনাৰ বাবে মুকলি

তিতাকেৰেলাৰ গুণাগুন :

তিতাকেৰেলাৰ গুণাগুনৰ বিষয়ে লিখা হৈছে ।

 

শাক পাচলিত বহু পৰিমানে ভিটামিন, মিনাৰেল আৰু ৰোগ নিৰাময় কৰিব পৰা গুণ আছে। বিশেষকৈ স্বাস্থ্য ভালে ৰাখিবলৈ শৰীৰৰ বাবে অতি প্ৰয়োজনীয় কেলছিয়াম, আইৰণ, প্ৰটিন,ফেট, ফচফৰাচ আৰু এন্টিঅক্সিডেন্ট আদি স্বাস্থ্য মৌলবোৰ তিতা খাদ্যত পোৱা যায় বুলি স্বাস্থ্য বিজ্ঞানীসকলে কয়।

সাধাৰনতে তিতা খাদ্য বুলি কলে তিতাকেৰেলা, নিমপাত, মেথিশাক, মৰাপাট, দোৰোণ, হেলচী আদিয়েই প্ৰধান ।

তিতা কেৰেলাৰ ওপৰত কিছু কথা জানি লওছোন আহক-

*কেৰেলা অসমৰ লগতে ভাৰতৰ প্ৰায়বোৰ অঞ্চলতে পোৱা যায়। লতা জাতীয় এজোপা গছত ঠাই বিশেষে তিতা কেৰেলা ৫--১৫ চেণ্টিমিটাৰ দীঘল হয়। সাধাৰণতে ১০০ গ্ৰাম কেৰেলাত ৯২.৪% পানী, ১.৬% প্ৰটিন, ৪.২% শৰ্কৰা,০.৮% ফাইবাৰ, ২০ মিলিগ্ৰাম কেলচিয়াম, ৭০ মিলিগ্ৰাম ফচফৰাচ, ১.৮ মিলিগ্ৰাম লৌহ , ৮৮ মিলিগ্ৰাম ভিটামিন চি আৰু কিছু পৰিমানে ভিটামিন বি কমপ্লেক্স পোৱা যায়।

ঔষধি গুণ -

*মধুমেহ (ডায়েবেটিছ) ৰোগ প্ৰতিৰোধৰ বাবে নিয়মিত তিতাকেৰেলা খালে ভাল ফল পোৱা যায়। কিয়নো কেৰেলাই তেজ আৰু প্ৰস্ৰাৱৰ পৰা ছুগাৰৰ পৰিমান হ্ৰাস কৰাত সহায় কৰে। 
*ৰাতিপুৱা খালী পেটত চাৰিটামান কেৰেলাৰ ৰস খালে ডায়েবেটিছ নিয়ন্ত্ৰনত থাকে। মধুমেহ ৰোগীয়ে কেৰেলা সিজাই খালেও ভাল ফল পায়। সেয়েহে ইয়াক উদ্ভিদ জাত ইনচুলিন বুলিও বহুতে কব খোজে।

*তিতা কেৰেলা বা পাতৰ ৰস মৌ ৰসৰ লগত মিহলাই খালে লিভাৰ আৰু ব্ৰংকাইটিছ অসুখ ভাল হয়।

*তেজৰ দোষত হোৱা বেমাৰত কেৰেলা ৰস বৰ উপকাৰী খাদ্য।

*কেৰেলা পানীৰে সৈতে ৰান্ধি খালে অৰ্শ ৰোগতো উপকাৰ পোৱা যায়।

*কেৰেলাৰ ৰস নেমুটেঙাৰ ৰসৰ সৈতে খালে খৰ,খজুৱতি, ৰিংৱৰ্ম আদি চালৰ ভেকুৰ জাতীয় বেমাৰত সুফল পোৱা যায়।

*এজমা, ফেৰিনজাইটিজ, চৰ্দি আদি শ্বাস প্ৰশ্বাসজনিত বেমাৰটো কেৰেলা অতি উপকাৰী।

*অত্যাধিক মদ্যপানৰ বাবে যকৃত নষ্ট হলে নিয়মিত কেৰেলা খালে উপকাৰ পোৱা যায়।

এতেকে দেখা পালো কেৰেলা বহু গুণেৰে সমৃদ্ধ এবিধ উৎকৃষ্ট পাছলি। ৰান্ধিয়েই খাওক বা কেচাঁয়ে খাওক কেৰেলা নিয়মিত খাওঁক আৰু আনকো খাবলৈ উৎসাহিত কৰক আৰু সুস্বাস্থ্যৰ অধিকাৰী হওঁক

লেখিকা: অনিমা কোৱৰ

উৎস: স্বাস্থ্য দ্য হেলথ ছলিউশ্যনছ

 

3.14285714286
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top