অংশিদাৰী
Views
  • স্থিতি: সম্পাদনাৰ বাবে মুকলি

সুফল কদলি :

সুফল কদলিৰ বিষয়ে লিখা হৈছে ।



কদলি শব্দটো সংস্কৃত বা বৈদিক শব্দ। কল বা কদলি এবিধ উৎকৃষ্ট ফল আৰু কলগছৰ সকলো অংশ ব্যৱহাৰ কৰা হয় । পূজা-পাৰ্বন , নানান উৎসৱ আদিত কল নহলে নহয় । বানপানীৰ সময়তো কলগছৰে তৈয়াৰী ভূৰেহে মানুহৰ জীৱন আৰু সম্পত্তি ৰক্ষা কৰে। কলৰ ব্যৱহাৰ সকলোৱে জানে , সেয়েহে ইয়াত কেৱল ঔষধি গুণৰ বিষয়েহে আলোচনা কৰা হব। কল এবিধ উৎকৃষ্ট খাদ্য আৰু আফ্ৰিকাৰ মানুহৰ মুখ্য আহাৰ , আমি ভাত খোৱাৰ দৰে। আমাৰ কেছুৱাক খুউৱা পিঠাগুৰি আৰু ভীমকল অতি উৎকৃষ্ট পুষ্টিকৰ আহাৰ। কল সম্বন্ধীয় প্ৰচলিত অসমীয়া যোজনা সমূহ অৰ্থপূৰ্ণ । যেনে :- সুফল কদলি,সুতিৰী ফেদেলী আৰু পুহত কল ,মাঘত জল , যি খাই তাৰ সাত ভোটোৰা বল ।
(১) কলত যথেষ্ট পৰিমাণে ভিটামিন-বি কমপ্লেক্স , মেগনেছিয়াম, প্ৰোটিন, আহজাতীয় শৰ্কৰা ইত্যাদি থাকে সেয়েহে ই পুষ্টিকৰ খাদ্য।
(২) কলত ভিটামিন-বি কমপ্লেক্স বেছি পৰিমাণে থাকে বাবে স্নায়বিক দূৰ্বলতা , মূখৰ ঘা , পাকস্থলীৰ ঘা বা পেপৃটিক আলচাৰ আদি হোৱাৰ সম্ভাৱনা কমি যায়।
(৩) কলে সকলো স্ৰোত মূক্ত কৰিব পাৰে ।
(৪) কলত থকা ভিটামিন-বিয়ে শৰীৰত থকা অক্জেলেট এচিড ভাঙি পেচাবৰ লগত বাহিৰ কৰিব পাৰে বাবে কিডনী ষ্টন হোৱাৰ সম্ভাৱনা নাথাকে।
(৫) কলত থকা প্ৰাকৃতিক মেগনেছিয়ামে সিৰা-ধমনীত সঞ্চিত হোৱা কলেষ্টৰল আতৰ কৰাৰ উপৰিও তেজত বেছিকৈ থকা কলেষ্টৰল নিয়ন্ত্ৰণ কৰি ৰাখিব পাৰে । সেয়েহে উচ্চ ৰক্তচাপ আৰু কলেষ্টৰল সম্বন্ধীয় হৃদৰোগ বিশেষকৈ হৃদপিণ্ডলৈ তেজ চলাচল কৰা সিৰা-ধমনী অৱৰোধ হোৱাৰ পৰা ৰক্ষা কৰে । প্ৰতিদিনে ৩-৪ কল তিনিমাহ খালে উচ্চ ৰক্তচাপ আৰু কলেষ্টৰল সম্বন্ধীয় হৃদৰোগ বিনা ঔষধে ৩০- ৪০% কমি যায় বাবে হাৰ্টষ্ট্ৰোক হোৱাৰ সম্ভাৱনা নাথাকে ।
(৬) কলে কলেষ্টৰল কমাব পাৰে বাবে গলব্লাডাৰ ষ্টন গঠন হোৱাটো বাধা আৰোপ কৰে।
(৭) ডায়েবেটিচ থকা ৰোগীয়ে কল খাব পাৰে । কলত আহজাতীয় শৰ্কৰা থাকে , সেয়েহে কলত থকা আহজাতীয় শৰ্কৰা বা ফ্ৰুক্টজ ক্ষুদ্ৰান্ত্ৰত সম্পূৰ্ণৰূপে শোষণ নহয় । তাৰোপৰি ফ্ৰুক্টজ জাৰণ (Oxidisation ) হবলৈ ইনচুলিন প্ৰয়োজন নহয়। সেয়েহে কলৰ উপৰিও অন্যান্য ফল নিয়মিত পৰিমাণে খাব পাৰে। আনহাতে কলত থকা ভিটামিন-বিয়ে ডায়েবেটিচ ৰোগীৰ স্নায়বিক ৰোগ নিৰাময়ত সহায় কৰে ।
(৮) কলডিলত যথেষ্ট পৰিমাণে থকা প্ৰাকৃতিক লৌহ পদাৰ্থই ৰক্তহীনতা আতৰ কৰে । গৰ্ভৱতী মহিলাৰ কাৰণে কলডিল মহৌষধ । কলডিল আহজাতীয় পাচলি , খালে কোষ্ঠকাঠিনতা নহয় ।
(৯) কলাক্ষাৰ খালে পেটৰ গণ্ডগোল বিশেষকৈ হাইপাৰ এচিডিটি উপশম হয় । তাৰোপৰি কণ্ঠৰোগৰ বাবে বিশেষকৈ কাহ ,কফ, মাত ভগা অৱস্থাত কলা খাৰৰ পানীৰে কুলি কুলি কৰাৰ উপৰিও কলাখাৰ খালে ৰোগ ভাল হয়।
(১০) কলৰ ভিতৰত ভীমকল সৰ্বোকৃষ্ট । গৰমৰ দিনত ভীমকলৰ চৰ্বতে শৰীৰৰ জলশূণ্যতা আতৰাই বল-শক্তি প্ৰদান কৰে।
(১১) পকা কলৰ লগত মৌজোল মিহলাই বনোৱা ফেচিয়েল অতি উত্তম। এই ধৰণৰ ফেচিয়েল ব্যৱহাৰ কৰিলে ছাল নিমজ হয় , উজ্বলতা বাঢ়ে আৰু শালমন নোহোৱা হয়।


আজি কালি বজাৰত পোৱা কলবোৰ কাৰ্বাইদ দি পকায় । এইদৰে পকোৱা কল খালে হিতে বিপৰীত হব। কাৰ্বাইদ দিয়া কল খালে যকৃত ৰোগ , পেটৰ ৰোগ , মুখত ঘা হোৱাৰ উপৰিও কৰ্কট হোৱাৰ সম্ভাৱনা থাকে। সেয়েহে কাৰ্বাইদ দি পকোৱা কল বৰ্জন কৰিব আৰু আনকো নাখাবলৈ উপদেশ দিব । তেতিয়া কল বেপাৰীয়ে কাৰ্বাইদ দি নপকাব । আজি কালি বজাৰত পোৱা মালভোগ কল প্ৰকৃত মালভোগ নহয় । এই বিধ কল ডাঙৰ, বাকলি ডাঠ , খাবলৈ সামান্য কঠিন আৰু অলপ টেঙেচীয়া। আচল মালভোগ সৰু , বাকলি পাতল , সুগন্ধি আৰু বালিয়া। গতিকে ডুপ্লিকেত মালভোগতকৈ ভীমকল , মনোহৰ কল আদি উপকাৰী।

লেখক: ডা:মনোজ কুমাৰ শইকীয়া
ফোন নং: 9435209704

উৎস: স্বাস্থ্য দ্য হেলথ ছলিউশ্যনছ

 

 

2.83333333333
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top