ঘনি সাধাৰণতে অসমীয়া মানুহে মচলা হিচাপে ব্যৱহাৰ কৰে| ভাৰতবৰ্ষৰ সকলো ঠাইৰ মানুহে এই ঘনি খাদ্যত ব্যৱহাৰ কৰি আহিছে যদিও ইয়াৰ ঔষধি গুণৰ বিষয়ে বিশেষ ভাৱে জ্ঞাত নহয়| ঘনিৰ খেতি প্ৰায় ২,০০০ বছৰৰ পৰাই কৰি অহা হৈছে| চীনদেশত ৫ম শতিকাৰ পৰা ইয়াৰ খেতি কৰি অহা বুলি জানিব পাৰি| ইংলেণ্ডত ঘনি বনৰীয়া গছ বুলি চিহ্নিত হৈছিল যদিও চিকিৎসক সকলে বিভিন্ন ঔষধত ইয়াক ব্যৱহাৰ কৰিছিল| ১৭শ শতিকাত ইংলেণ্ডত এই জোপোহা জাতীয় ঘনি গছ ঔষধ হিচাপে ব্যৱহাৰ কৰাৰ বিষয়ে ব্ৰিটিছ চিকিৎসা জাৰ্নেলবিলাকত পোৱা যায়| ভাৰতবৰ্ষত ঘনিৰ উৎপাদন পঞ্জাৱ, উত্তৰপ্ৰদেশ আদিত প্ৰচুৰ পৰিমাণে হয়| ঘনি মিনাৰেল আৰু ভিটামিন প্ৰসিদ্ধ| ইয়াৰ ভাৰতীয় নাম ‘চেলাৰী’ ইয়াৰ পাতক থাকে ৮৮ শতাংশ ভাগ বাস্পীয় উপাদান| প্ৰ’টিন ৬.৩ শতাংশ, ফেট ০.৬ শতাংশ, মিনাৰেল ২.১ শতাংশ, ফাইবাৰ বা আঁহ ১.৪ শতাংশ, কাৰ্বহাইড্ৰেট ১.৬ শতাংশ প্ৰতি ১০০ গ্ৰামত| ঘনিত কেলচিয়াম, ফছফৰাছ, আইৰন, কেৰ’টিন, নিয়াচিন আৰু ভিটামিন ‘চি’ থাকে| ঘনিৰ ঔষধীয় গুণবোৰ- চেলাৰী শব্দটো লেটিন শব্দশ্চিলেৰী শব্দৰ পৰা উৎপত্তি হৈছে| ইয়াৰ অৰ্থ হৈছে অতি খৰতকীয়াভাৱে কাম কৰা| অৰ্থাৎ Quick action ঘনিৰ পাত, শিপা, বীজ ঔষধৰ বাবে ব্যৱহৃত হয়| ঘনি গুটিৰ নিয়মিত ব্যৱহাৰ পেটফুলা, প্ৰসাৱ জলাপোৰা লক্ষণ নাশ কৰে| আৰ্থ্ৰাইটিছ, গাউট বাত বিষ আদি বেমাৰত ভোগা মানুহে ঘনি গুটিৰ পাউদাৰ কুহুমীয়া পানীত মিহলাই ১০০ গ্ৰাম পৰিমাণে ব্যৱহাৰ কৰিলে এইবোৰ বেমাৰ আৰোগ্য হয়| ঘনিত থকা ছডিয়ামে আৰ্থ্ৰাইটিছ, গাঁঠিৰ যোৰাত হোৱা বিষ আতৰাই ৰোগ নিৰাময় কৰে| দিনে ২ বাৰকৈ ১ মাহ সময় ব্যৱহাৰ কৰিব লাগে| এইক্ষেত্ৰত ঘনিৰ পাতৰ ৰস বা শিপাৰ ৰস ব্যৱহাৰ কৰিলে সমানে উপকাৰ পাব পাৰি| স্নায়ৱিক দুৰ্বলতা দুৰ কৰাত ঘনি গছৰ পাতৰ ৰস ১০০ গ্ৰামত গাজৰৰ ৰস ৫০ গ্ৰাম মিহলাই দিনে দুবাৰকৈ ২০-২৫ দিন নিয়মিত খাব লাগে| তেজৰ দোষত হোৱা বেমাৰ যেনে-ৰক্তহীনতা, লিউকেমিয়া, হেমফলিয়া আদিত ঘনি গছৰ শিপাৰ ৰসৰ লগত গাজৰৰ ৰস মিহলাই নিয়মিত ব্যৱহাৰ কৰিলে এই ৰোগ বহু পৰিমাণে নিৰাময় হয়| পৰিমাণ-শিপাৰ ৰস ৫০ গ্ৰাম, গাজৰৰ ৰস ১০০ গ্ৰাম| দিনে এবাৰকৈ এমাহ পৰ্যন্ত ব্যৱহাৰ কৰিব লাগে| এজ্মা, ব্ৰংকাইটিছ, প্লুৰেচি আৰু যক্ষ্মা বেমাৰত ভোগা ৰোগীয়ে ঘনিৰ গুটিৰ পাউদাৰ প্ৰস্তুত কৰি ১০ গ্ৰাম পৰিমাণে দিনে ১ বাৰকৈ এমাহ খাব লাগে| বদহজমীত ভোগা মানুহে ঘনি গুটিৰ পাউদাৰ ১ চামুচ পৰিমাণে লৈ গাখীৰত লৈ ৩-৪ ঘণ্টা তিয়াই থৈ খালে বদহজম দূৰ হয়| কিড্নী ষ্ট’ন আৰু গ’লব্লাডাৰ ষ্ট’নৰ সমস্যাত ভোগা লোকৰ বাবে ঘনি বৰ উপকাৰী| নিয়মীয়াকৈ ঘনিৰ গুটিৰ পাউদাৰ প্ৰস্তুত কৰি ১ চামুচ পৰিমাণে ১ গিলাচ পানীত মিহলাই দিনে ১ বাৰকৈ ২০-২৫ দিন খালে কিড্নী ষ্ট’ন আৰু গ’লব্লাডাৰত হোৱা ষ্ট’ন বা পাথৰ ভাগি-ছিগি প্ৰস্ৰাৱত বাহিৰ হৈ যায়| শৰীৰ দুৰ্বল হ’লে, বল শক্তি কমি গ’লে ঘনি গছৰ শুকান শিপাৰ গুৰি প্ৰস্তুত কৰি ১ চামুচ পৰিমাণে ১ চামুচ মৌ মিহলাই দিনে ১ বাৰকৈ খোৱাৰ পিছত নিয়মিত ১ মাহ খাব পাৰিলে এনে সমস্যাৰ পৰা পৰিত্ৰাণ পাব পাৰি| টোপনি নোহোৱা সমস্যাত ভুগিলে নিয়মিত টোপনি অহাত সহায় কৰে ঘনি গছৰ পাতৰ ৰস ২ চামুচত ১ চামুচ মৌজোল মিহলাই ৰাতি শুবৰ সময়ত নিয়মিত কিছুদিন খাব লাগে| ঘনিৰ গুড়ি, নিমখ আৰু পিয়াঁজ মিহলাই চালাড কৰি খালেও ভোক নলগা, পেটফুলা, বদহজম হোৱা সমস্যাৰ পৰা পৰিত্ৰাণ পাব পাৰি|
লিখক: উপেন দত্ত।
শেহতীয়া উন্নীতকৰণ: : 5/27/2020
অত্যাৱশ্যকীয় উদ্ভিদৰ ঔষধি গুণ
আখৰোটৰ ঔষধি গুণ
অত্যাৱশ্যকীয় উদ্ভিদৰ ঔষধি গুণ
অপৰাজিতা ফুলৰ ঔষধি গুণ