মূল পৃষ্ঠা / স্বাস্থ্য / অনাময় আৰু স্বাস্থ্যবিধি / ত্ৰিশ বছৰ বয়সৰ পিচত খাওক উপযোগী খাদ্য
অংশিদাৰী
Views
  • স্থিতি: সম্পাদনাৰ বাবে মুকলি

ত্ৰিশ বছৰ বয়সৰ পিচত খাওক উপযোগী খাদ্য

ত্ৰিশ বছৰ বয়সৰ পিচত খাওক উপযোগী খাদ্য, সেই বিষয়ে লিখা হৈছে ।

 

আপুনি বাৰু ত্ৰিশ বছৰত ভৰি দিলে নেকি ? কাৰণ ৩০ বছৰ বয়সৰ পিচত আমাৰ শৰীৰৰ মেটাবলিজম স্তৰ লাহে লাহে হ্ৰাস পাবলৈ ধৰে । এনেক্ষেত্ৰত আমি আমাৰ খাদ্যাভ্যাসৰ প্ৰতি সজাগ হোৱাৰ সময় সমীপত । ত্ৰিশ বছৰ বয়সৰ পিচত অত্যধিক মিঠাযুক্ত পানীয়, মিঠাই আদি খোৱাৰ পৰিবৰ্তে আপোনাৰ খাদ্য তালিকাত উচ্চ পোষক তত্ত্ব খাদ্য সন্নিৱিষ্ট কৰা উচিত । এনে খাদ্যই আমাৰ শৰীৰৰ কলেষ্টেৰল নিয়ন্ত্ৰণ কৰাৰ লগতে ব্লাড প্ৰেছাৰ আৰু মধুমেহ আদি ৰোগৰ পৰা দূৰৈত ৰাখে । আচলতে আমি আমাৰ খাদ্য তালিকাত কি খাব লাগে, কি খাব নালাগে এই বিষয়ে সচেতনতা অৱলম্বন কৰি বয়সৰ সমান্তৰালকৈ সৃষ্টি হ’বলগীয়া বিভিন্ন বেমাৰ- আজাৰসমূহৰ পৰা নিজক সুৰক্ষা দিবলৈ চেষ্টা কৰা উচিত । উল্লেখ্য যে ত্ৰিশ বছৰ বয়সৰ পিচত খাব পৰা এনেকুৱা কিছুমান খাদ্য আছে, যিসমূহে আপোনাৰ শৰীৰত পৰ্যাপ্ত প্ৰয়জনীয়তাখিনি সম্পূৰ্ণ কৰে । যেনে- বীন, সেউজীয়া শাক-পাচলি, য’ত ভিটামিন আৰু মিনাৰেলছেৰে ভৰপূৰ । এইবোৰে শৰীৰত মেটাবলিজম সঠিক হোৱাত সহায় কৰে। এনেকুৱাও নহয় যে এই খাদ্য কেৱল ৩০ ৰ পিচতহে খাব পাৰে । ৫ বছৰ বয়সৰ পৰা ৯৫ বছৰ বয়সপৰ্যন্ত আপুনি আপোনাৰ খাদ্য তালিকাত উল্লেখিত খাদ্যসমূহ সন্নিৱিষ্ট কৰিব পাৰে , যিয়ে আপোনাক এটা স্বাস্থ্যৱান শৰীৰ লাভ কৰাত সহায় কৰিব ।

ওটছ:-

৪৫ ৰ পৰা অধিক বয়সৰ পুৰুষ আৰু ৫৫ ৰ পৰা অধিক বয়সৰ মহিলাৰে হাৰ্ট এটেক বৃদ্ধি পোৱাৰ ভয় থাকে । সেয়েহে ৪০ বছৰ বয়সৰ পিচত আপোনাক খাদ্য তালিকাত এনেবোৰ খাদ্য সন্নিৱিষ্ট কৰক, যি খাদ্য খালে শৰীৰত কলেষ্টেৰল বৃদ্ধি নাপায় । এনেক্ষেত্ৰত আপোনাৰ খাদ্য তালিকাত সনিৱিষ্ট কৰিব পৰা উপযোগী খাদ্য হ’ল ‘ওটছ’ । ফাইবাৰযুক্ত ‘ওটছ’ খালে শৰীৰত কলেষ্টেৰল বৃদ্ধি নহয় ।

ড্ৰাই ফ্ৰুইট:-

স্বাস্থ্যসন্মত ডায়েটিঙে মানুহক কৰি তোলে স্বাস্থ্যৱান । এনে স্বাস্থ্যৱান শৰীৰ এটা লাভ কৰিবলৈ আপুনি আপোনাৰ ৩০ বছৰ বয়সৰ পিচৰ পৰা চিপছ, কুকিজ আদিৰ দৰে খাদ্য খোৱাটো পৰিহাৰ কৰক । ইয়াৰ পৰিৱৰ্তে কাজু , আলমণ্ড, বাদাম, আখৰোট, কিছমিছ আদি শুকান ফল বা ড্ৰাই ফ্ৰুইটোৰে প্ৰস্তুত কৰা খাদ্য খোৱাৰ অভ্যাস কৰক । এক সমীক্ষামতে দৈনিক এনে ড্ৰাই ফ্ৰুইটযুক্ত খাদ্য খোৱাৰ ফলত মানুহৰ হাৰ্ট এটেক হোৱাৰ আশংকা ২৮ শতাংশ কমি আহে ।

আপেল:-

স্বাস্থ্যৰ বাবে অতি উপকাৰী এবিধ ফল হ’ল আপেল । দৈনিক আপেল খোৱাৰ ফলত শৰীৰৰ কলেষ্টেৰল হ্ৰাস পোৱাৰ লগতে মধুমেহ ৰোগৰ ভয়াৱহতাৰ পৰাও শৰীৰক ৰক্ষা কৰে ।

সেউজীয়া শাক-পাচলি:-

সতেজ সেউজীয়া শাক-পাচলি খোৱাৰ ফলত শৰীৰ স্বাস্থ্যসন্মত কৰি তোলাৰ লগতে আমাৰ মগজু সক্ৰিয় হৈ থকাত সহায় হয় । জানিব পৰামতে দৈনিক যদি আপুনি পালেং শাক খায় , তেন্তে স্মৃতিশক্তি ভালে থাকে । কাৰণ বয়স বাঢ়ি অহাৰ লগে লগে অধিকাংশ মানুহৰে স্মৃতিশক্তি দুৰ্বল হৈ আহিবলৈ ধৰে । গতিকে আমি আমাৰ খাদ্য তালিকাত এনে সেউজীয়া শাক-পাচলি সন্নিৱিষ্ট কৰা দৰকাৰ ।

বীন:-

আপোনাৰ ডায়েট অৰ্থাৎ খাদ্য তালিকাত সন্নিৱিষ্ট কৰক বীন । বীন খোৱাৰ ফলত পাঁচ শতাংশলৈকে শৰীৰৰ কলেষ্টেৰল কম হ’বলৈ ধৰে । কেৱল এয়াই নহয়, দৈনিক বীন খোৱাৰ ফলত ব্লাড ছুগাৰ নিয়ন্ত্ৰণ কৰিব পৰা যায়।

উৎস: দেওবৰীয়া সম্ভাৰ

 

 

3.14285714286
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top