অংশিদাৰী
Views
  • স্থিতি: সম্পাদনাৰ বাবে মুকলি

জলবায়ু পৰিৱৰ্তন

জলবায়ু পৰিৱৰ্তনৰ বিষয়ে ইয়াত আলোচনা কৰা হৈছে।

আমি গ্ৰীস্মকালত গৰম আৰু শীতকালত ঠাণ্ডা অনুভৱ কৰোঁ৷ আমি প্ৰত্যক্ষ কৰা এইবিলাক বিভিন্ন জলবায়ু৷  আমি প্ৰত্যক্ষ কৰা এনেবোৰ জলবায়ুৰ বাহিৰেও কিছুমান অন্য প্ৰকাৰৰ অনুভৱ কৰিবলৈ পাওঁ৷ কোনো স্থানৰ জলবায়ু নিৰ্ভৰ কৰা কাৰকসমূহ হ’ল-  বৰষুণ, সূয্যৰ্তাপ, বতাহ, আৰ্দ্ৰতা আৰু তাপমাত্ৰা৷

যেতিয়া বতৰৰ পৰিৱৰ্তন ক্ষন্তেকৰ ভিতৰত আৰু লক্ষণীয়ভাৱে পৰিলক্ষিত হয়, জলবায়ুত হোৱা পৰিৱৰ্তনে বহু সময় লয় আৰু ই কম পৰিমাণে প্ৰত্যক্ষ কৰা যায়৷ সমগ্ৰ পৃথিবীৰ জলবায়ু পৰিৱৰ্তন হ’লে জীৱন ধাৰণৰ মান জলবায়ুৰ লগত খাপ খাই পৰিব৷ 
অৱশ্যে, কমেও ১৫০-২০০ বছৰৰ ভিতৰত জলবায়ু পৰিৱৰ্তন অতি খৰতকীয়াকৈ সংঘটিত হৈছে আৰু ইয়াৰ ফলত কিছুমান নিদিৰ্ষ্ট জীৱ-জন্তু আৰু গছ-গছনিৰ প্ৰজাতি উদ্ধাৰ কৰা কঠিন হৈ পৰিছে৷ মানুহে কৰা কিছুমান কাম এই পৰিৱৰ্তনৰ বাবে মূল কাৰক৷

জলবায়ু পৰিৱৰ্তনৰ কাৰণ

জলবায়ু পৰিৱৰ্তনৰ কাৰণসমূহ দুই ভাগত বিভক্ত কৰিব পৰা যায়– প্ৰাকৃতিক আৰু মানুহে সৃষ্টি কৰা৷

১)প্ৰাকৃতিক কাৰণ

বহুবোৰ প্ৰাকৃতিক কাৰণত জলবায়ু পৰিৱতৰ্ন হ’ব পাৰে৷ ইয়াৰে কিছুমান গুৰুত্বপূৰ্ণ কাৰণ হ’ল-মহাসাগৰীয় প্ৰৱাহ, আগ্নেয়গিৰি, সাগৰৰ সোঁত আৰু পৃথিৱীৰ এঢলীয়া প্ৰভাৱ৷ মহাদেশীয় প্ৰৱাহ আমি দেখিবলৈ পোৱা মহাদেশসমূহ লক্ষ্য লক্ষ্য বছৰ আগেয়ে পৃথিৱীৰ ভূ-খণ্ডৰ স্থানান্তৰৰ ফলত গঠন হৈছিল৷ 
এই স্থানান্তৰৰ ফলত ভূ-খণ্ডৰ পানীভাগৰ স্থান পৰিৱৰ্তন হৈছিল আৰু মহাসাগৰীয় সোঁত আৰু বতাহৰ দিশ সলনি হৈছিল৷ এই পৰিৱৰ্তন জলবায়ুৰ ওপৰত প্ৰভাৱ পেলায়৷ মহাদেশীয় এই প্ৰৱাহ আজিও চলি আছে৷আগ্নেয়গিৰি যেতিয়া আগ্নেয়গিৰি উদ্গীৰণ হয়, ই বহুতো চালফাৰ-ডাই-অক্সাইড, পানীৰ ভাপ, ধূলি আৰু ছাঁই বায়ুমণ্ডললৈ উলিয়াই দিয়ে৷ যদিও আগ্নেয়গিৰিৰ উদ্গীৰণ কেইটামান দিনলৈহে থাকে, ইয়াৰ পৰা নিৰ্গত গেছসমূহ আৰু ছাঁইয়ে জলবায়ুৰ ওপৰত বহু বছৰলৈ প্ৰভাৱ পেলাব পাৰে৷ এই গেছ আৰু ধূলিকণাসমূহে আংশিকভাৱে সূৰ্য্যৰকিৰণ অহাত বাধা দিয়ে আৰু শীতলীকৰণৰ ফালে ধাৱমান হয়৷পৃথিৱীৰ এঢলীয়া প্ৰভাৱ পৃথিৱী তাৰ কক্ষপথত ২৩.৫ ডিগ্ৰীত সমকোণীয়ভাৱে এঢলীয়া হৈ আছে৷ পৃথিৱীৰ এই এঢলীয়া অংশৰ পৰিৱৰ্তনে ঋতুৰ ওপৰত প্ৰভাৱ পেলায়৷ ঢালৰ পৰিমাণ বেছি মানে গ্ৰীষ্মকালত অত্যাধিক গৰম আৰু শীতত অত্যাধিক ঠাণ্ডা হোৱা বুজায়; ঢালৰ পৰিমাণ কম মানে গ্ৰীষ্মকালৰ গৰম কম আৰু শীতৰ ঠাণ্ডাৰ পৰিমানো কম৷ মহাসাগৰীয় সোঁত মহাসাগৰসমূহ জলবায়ুৰ লগত জড়িত হৈ থকা এটা মূখ্য উপাদান৷ মহাসাগৰসমূহে পৃথিৱীৰ ৭১ শতাংশই আগুৰি আছে৷ বায়ুমণ্ডলৰ তুলনাত মহাসাগৰসমূহে প্ৰায় দুগুণ সূৰ্য্যৰকিৰণ শোষণ কৰে৷

২)মানুহে সৃষ্টি কৰা

গ্ৰীণ হাউচ এফেক্ট পৃথিৱীয়ে সূৰ্য্যৰ পৰা তাপ শোষণ কৰে আৰু ইয়াৰ বাবে পৃথিৱীৰ উপৰিভাগ উষ্ণ হয়৷ যিহেতু এই শক্তি বায়ুমণ্ডলৰ মাজেৰে পাৰ হৈ যায়,  এটা নিদিৰ্ষ্ট অংশ (প্ৰায় ৩০ভাগ) সিচঁৰিত হৈ পৰে৷ এই শক্তিৰে কিছুমান ভূ-পৃষ্ঠ আৰু মহাসাগৰৰ পৃষ্ঠৰপৰা প্ৰতিফলিত হৈ বায়ুমণ্ডললৈ উভতি আহে৷ কিছুমান নিদিৰ্ষ্ট গেছে বায়ুমণ্ডল এখন কম্বলৰ দৰে আৱৰি ৰাখে আৰু এইবিলাকেও এই শক্তিৰ কিছু অংশ শোষণ কৰি লয়৷ এইবিলাক গেছ, যেনে, কাৰ্বন-ডাই অক্সাইড, মিথেন, আৰু নাইট্ৰাছ অক্সাইডে পানীৰ ভাপৰ সৈতে বায়ুমণ্ডলৰ এক শতংশতকৈও কম পৰিমাণৰ অংশ আগুৰি থাকে৷ সেইবিলাকক ‘গ্ৰীণহাউচ গেছ’ বুলি কোৱা হয়৷ গ্ৰীণহাউচৰ গেছে অতিৰিক্ত শক্তি বিকিৰণ ৰোধ কৰাৰ দৰে এই ‘কম্বল সদৃশ গেছে’ পৃথিৱীয়ে বিকিৰিত কৰা শক্তি শোষণ কৰি তাপৰ স্তৰৰ ভাৰসাম্যতা বজায় ৰাখে৷ সেয়ে ইয়াৰ নাম ‘গ্ৰীণহাউচ এফেক্ট’৷    
গ্ৰীণ হাউচ এফেক্ট প্ৰথমে জীন ব্যাপ্তিছ ফৰিয়াৰ নামৰ এজন ফৰাছী বিজ্ঞানীয়ে  উদঘাটন কৰিছিল৷ তেওঁ বায়ুমণ্ডল আৰু গ্ৰীণহাউচত সংঘটিত হৈ থকা সাদৃশ্যসমূহ আঙুলিয়াই দেখুৱাইছিল৷   
পৃথিৱীৰ জন্মলগ্নৰ পৰাই  গ্ৰীণ হাউচ গেছৰ আচ্ছাদনেৰে  ইয়াক ঢাকি ৰাখিছে৷ অৱশ্যে, মানুহৰ কামৰ বৃদ্ধিৰ ফলত বায়ুমণ্ডললৈ এই গ্ৰীণহাউচ গেছ অত্যাধিক পৰিমাণে নিঃসৰিত হয়৷ ইয়াৰ ফলত গ্ৰীণহাউচ গেছৰ আচ্ছাদন ক্ৰমে ডাঠ হ’বলৈ ধৰিছে আৰু 'প্ৰাকৃতিক গ্ৰীণহাউচ এফেক্ট' ব্যাহত হৈছে৷ 
কয়লা, তেল আৰু প্ৰাকৃতিক গেছ আদি জ্বলোৱাৰ ফলত কাৰ্বন ডাই অক্সাইড নিৰ্গত হয়৷ আৰু, যেতিয়া বনাঞ্চল ধ্বংস হয়, গছ-গছনিত সঞ্চিত হৈ থকা কাৰ্বন বায়ুমণ্ডললৈ কাৰ্বন ডাই অক্সাইড হিচাপে এৰি দিয়ে৷ বদ্ধিৰ্ত কৃষি কামেৰে, মাটি ব্যৱহাৰৰ ধৰণ সলনি কৰি, আৰু অন্যান্য উৎসৰ দ্বাৰা মিথেন আৰু নাইট্ৰাছ অক্সাইডৰ স্তৰ বৃদ্ধি কৰিব পাৰি৷ উদ্যোগিক পদ্ধতিসমূহেও কৃত্ৰিম আৰু নতুন গ্ৰীণহাউচ গেছ যেনে,  (ক্লৰ’ফ্লৰ’কাৰ্বন) নিৰ্গত কৰে, আৰু যান-বাহনৰ নিৰ্গত ধোঁৱাই অজ’ন নিৰ্গত কৰাৰ পথত অগ্ৰসৰ হয়৷ গ্ৰীণ হাউচ এফেক্টৰ ফলস্বৰূপে, গ্ল’বেল ৱাৰ্মিং অথবা জলবায়ুৰ পৰিৱৰ্তন আৰম্ভ হবলৈ ধৰিছে৷

গ্ৰীণ হাউচ গেছলৈ আমি কিদৰে অৱদান যোগাওঁ?

  • জীৱাশ্মজাত ইন্ধন যেনে, কয়লা, পেট্ৰল আদিৰ ব্যৱহাৰ কৰি৷
  • অত্যাধিক মাটিৰ প্ৰয়োজনীয়তা পূৰণ কৰিবলৈ গছ-গছনি কটাৰ ফলত৷
  • বিনষ্ট কৰিব নোৱাৰা পেলনীয়া দ্ৰব্য- যেনে- পলিথিন৷
  • কৃষিৰ সাৰ আৰু কীটনাশক প্ৰয়োজনীয়ভাৱে প্ৰয়োগ কৰি৷

জলবায়ু পৰিৱৰ্তনে আমাৰ ওপৰত কেনেদৰে প্ৰভাৱ পেলায় ?

জলবায়ু পৰিৱৰ্তন মানৱ জাতিৰ এক আসন্ন বিপদৰ সংকেত৷ ১৯শ শতিকাৰ পৰা পৃথিৱী পৃষ্ঠৰ গড় উষ্ণতা ০.৩ ৰ পৰা ০.৬ ডিগ্ৰী চে. লৈ বৃদ্ধি পাইছে৷  উষ্ণতাৰ এই বৃদ্ধি আমাৰ বাবে খুব সামান্য যেন অনুভৱ হ’ব পাৰে, কিন্তু ইয়াৰ ফলত আমি বহু বিপদৰ সন্মুখীন হ’ব লগা হ’ব পাৰে৷ তলত তাৰ কেইটামান উদাহৰণ দিয়া গ’ল৷

কৃষি

জনসংখ্যা বৃদ্ধিয়ে খাদ্য দ্ৰব্যৰ প্ৰয়োজনীয়তা বৃদ্ধি কৰিছে৷ ইয়াৰ ফলাফলত প্ৰাকৃতিক সম্পদৰ ওপৰত চাপ পৰিছে৷ জলবায়ু পৰিৱৰ্তনে কৃষিৰ ওপৰত প্ৰত্যক্ষ প্ৰভাৱ পেলায়, যিহেতু  উষ্ণতাৰ তাৰতম্যতা আৰু বৰষুণ, আওপকীয়াকৈ সলনি হোৱা মাটিৰ গুণাগুণ, কীট-পতংগ আৰু নানা বেমাৰ আদিয়ে কৃষিজাত সামগ্ৰীৰ ওপৰত প্ৰভাব পেলায়৷ ভাৰতত দানাযুক্ত শস্যৰ উৎপাদন কমি যাব বুলি ধাৰণা কৰা হৈছে৷ বতৰৰ অত্যাধিক সাল-সলনি যেনে, উচ্চমানৰ তাপ, অত্যাধিক বৰষুণ, বানপানী, খৰাং আদিয়েও শস্য উৎপাদনত প্ৰভাৱ পেলাব৷

বতৰ

অতি উষ্ণ জলবায়ুৱে বৰষুণৰ ধৰণ সলনি কৰি খৰাং আৰু বানপানীৰ সংখ্যা বৃদ্ধি কৰিব৷ ইয়াৰ বাবে হীমপ্ৰবাহ আৰু মেৰুদেশীয় বৰফৰ আচ্ছাদন গলি যোৱাৰ ফলত সাগৰ পৃষ্ঠৰ পানীভাগ বৃদ্ধি হৈ ওপৰলৈ উঠি আহিব৷ কিছু বছৰৰ পৰা ঘূৰ্ণিবতাহ আৰু সাগৰীয় ধুমুহাৰ পৰিমাণ বৃদ্ধিৰ কাৰণ এই উষ্ণতাৰ তাৰতম্যতা বুলি ধাৰণা কৰা হৈছে৷

সাগৰীয় জলপৃষ্ঠৰ বৃদ্ধি

জলবায়ু পৰিৱৰ্তনৰ এক পৰিণতি হ’ল সাগৰপৃষ্ঠৰ জলস্তৰ বৃদ্ধি৷ সাগৰসমূহৰ তাপ বৃদ্ধি, হীম-প্ৰবাহ আৰু মেৰুদেশীয় বৰফৰ আচ্ছাদন গলি যোৱাৰ ফলত  যোৱা শতিকাত সাগৰীয় পৃষ্ঠ প্ৰায় আধা মিটাৰ বাঢ়ি আহিব বুলি ভৱিষ্যতবাণী কৰা হৈছিল৷ সাগৰীয় জলপৃষ্ঠৰ বৃদ্ধিয়ে উপকূলীয় অঞ্চলসমূহত বহুতো প্ৰভাৱ পৰিব পাৰে, যেনে, পানীৰ অবক্ষয়ৰ দ্বাৰা ভূ-পৃষ্ঠ ক্ষয় যোৱা, বানপানী বৃদ্ধি, লুণীয়া পানীৰ প্ৰৱেশ আদি৷ এই বিলাকে উপকূলীয় অঞ্চলৰ কৃষি, মীনপালন, জনবসতি আৰু স্বাস্থ্যৰ ওপৰত প্ৰতিকূল প্ৰভাৱ পেলোৱাৰ সম্ভাৱনা বেছি৷

স্বাস্থ্য

গ্লবেল ৱাৰ্মিং বা গোলকীয় উষ্ণতা বৃদ্ধিৰ প্ৰভাৱ প্ৰত্যক্ষভাৱে মানুহৰ স্বাস্থ্যৰ ওপৰত পৰে৷ ইয়াৰ ফলত বৃদ্ধি হোৱা নানা ধৰণৰ ৰোগ যেনে, তাপঘতিত মৃত্যু, জলশূণ্যতা, সংক্ৰমিত ৰোগ, অপুষ্টিজনিত ৰোগ আদিয়ে জনস্বাস্থ্যৰ ওপৰত প্ৰভাৱ বিস্তাৰ কৰে৷

অৰণ্য আৰু বন্যপ্ৰাণী

প্ৰাকৃতিক পৰিৱেশৰ গছ-গছনি আৰু জীৱ-জন্তু জলবায়ু পৰিৱৰ্তনৰ প্ৰতি অতি সংবেদনশীল৷ যদি, জলবায়ু পৰিৱৰ্তনৰ হাৰ বৃদ্ধি হয়েই থাকে, তেন্তে, বিভিন্ন প্ৰজাতিৰ জীৱ-জন্তু আৰু গছ-গছনি বিলুপ্ত হৈ যাব পাৰে৷

প্ৰতিৰোধক ব্যৱস্থা

  • পুনঃনবীকৰণযোগ্য নোহোৱা শক্তিৰ উৎসৰ ব্যৱহাৰ কমাব লাগিব (জীৱাশ্মজাত ইন্ধন)৷
  • পুনঃনবীকৰণযোগ্য শক্তিৰ উৎস যেনে, সৌৰ শক্তি, বায়ু শক্তি আদিৰ ব্যৱহাৰ বৃদ্ধি কৰা৷
  • গছ-গছনি সংৰক্ষণ আৰু অধিক গছ-গছনি ৰোপন৷
  • বিনষ্ট কৰিব নোৱাৰা পদাৰ্থ যেনে, পলিথিন আদিৰ অপ্ৰয়োজনীয় ব্যৱহাৰ বৰ্জন কৰিব লাগিব৷

উৎস: আইএনডিজি দল

3.41975308642
ইলিয়াছ আনচাৰী Oct 12, 2019 09:57 PM

বহুত ভাল লাগিল ছাৰ। আগলৈ পোৱাৰ আশা থাকিল

চন্দ্ৰ কান্ত নাথ Sep 15, 2018 08:48 PM

অসমীয়া ত প্ৰথম বাৰ ৰ বাবে gogle ত পঢ়িব পাৰিছো মই ইয়াৰ আগত অসমীয়া ভাষাত ব্যৱহাৰ কৰি পোৱা নাছিলো, কিন্তু পাই বহুত ভাল লাগিল । আগন্তুক দিন বোৰ আৰু দিব বুলি আশা কৰিলো। লগতে কেইটামান প্ৰধান প্ৰধান শব্দ bracket ত ইংৰাজীত ব্যৱহাৰ কৰিলে আৰু অলপ উপকিত হব বুলি মই ভাবো।

আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top