মূল পৃষ্ঠা / গ্ৰামীণ শক্তি / আঁচনি / জল (প্ৰদূষণ নিবাৰণ আৰু নিয়ন্ত্ৰণ) আইন, ১৯৭৪
অংশিদাৰী
Views
  • স্থিতি: সম্পাদনাৰ বাবে মুকলি

জল (প্ৰদূষণ নিবাৰণ আৰু নিয়ন্ত্ৰণ) আইন, ১৯৭৪

জল (প্ৰদূষণ নিবাৰণ আৰু নিয়ন্ত্ৰণ) আইন, ১৯৭৪

পানীৰ বিশুদ্ধতা ৰক্ষা কৰাৰ উদ্দেশ্যে ১৯৭৪ চনত ভাৰত চৰকাৰে সকলো ৰাজ্যতে প্ৰযোজ্য হোৱাকৈ জলপ্ৰদূষণ নিবাৰণ আৰু নিয়ন্ত্ৰণ আইনখন প্ৰণয়ন কৰে। আইনখনৰ প্ৰধান বৈশিষ্ট্যবোৰ এনেধৰণৰ-

  • ইয়াৰ দ্বাৰা সকলো প্ৰকাৰৰ পৃষ্ঠজল আৰু ভূতল জল (গ্ৰাউণ্ড ৱাটাৰ) ভাণ্ডাৰ সুপৰিচালিত কৰা আৰু পুনৰুদ্ধাৰ কৰাৰ ব্যৱস্থা কৰা হৈছে।
  • ইয়াৰ অধীনত প্ৰদূষণ নিয়ন্ত্ৰণৰ বাবে কেন্দ্ৰীয় আৰু ৰাজ্যিক পৰিষদসমূহ গঠন কৰাৰ ব্যৱস্থা কৰা হৈছে। সেই পৰিষদবোৰক যথাবিহিত ক্ষমতা দিয়া হৈছে আৰু পৰিষদবোৰৰ কাম-কাজ নিৰ্দ্ধাৰিত কৰি দিয়া হৈছে।
  • এই আইনৰ বিধানমতে ৰাজ্যিক প্ৰদূষণ নিয়ন্ত্ৰণ পৰিষদবোৰে কেন্দ্ৰীয় চৰকাৰৰ পৰা বিত্তীয় সাহায্য লাভ কৰাৰ ব্যৱস্থা আছে।

এই আইনখনৰ অধীনত কেন্দ্ৰীয় চৰকাৰে কেন্দ্ৰীয় প্ৰদূষণ নিয়ন্ত্ৰণ পৰিষদ গঠন কৰে (চেণ্ট্ৰেল পলিউশ্যন কণ্ট্ৰ’ল ব’ৰ্ড) আৰু ৰাজ্য চৰকাৰে ৰাজ্যিক প্ৰদূষণ নিয়ন্ত্ৰণ পৰিষদ (ষ্টেট পলিউশ্যন কণ্ট্ৰ’ল ব’ৰ্ড) গঠন কৰে।

কেন্দ্ৰীয় প্ৰদূষণ নিয়ন্ত্ৰণ পৰিষদৰ সদস্যসকল হ’ল-

(১) এগৰাকী অধ্যক্ষ,

(২) কেন্দ্ৰীয় চৰকাৰৰ দ্বাৰা অনুমোদিত পাঁচগৰাকী বিষয়া,

(৩) ৰাজ্যিক পৰিষদৰ পৰা মনোনীত সদস্য (সদস্যৰ সংখ্যা পাঁচতকৈ কম হ’ব লাগে),

(৪) স্থানীয় উদ্যোগ প্ৰতিষ্ঠানৰ দুগৰাকী মনোনীত সদস্য,

(৫) কৃষি, মীন, উদ্যোগ বা ব্যৱসায়িক ক্ষেত্ৰৰ পৰা বাছি লোৱা তিনিগৰাকী বেচৰকাৰী সদস্য,

(৬) জনস্বাস্থ্য কাৰিকৰী আৰু প্ৰশাসনিক বিষয়ত অভিজ্ঞতা থকা এগৰাকী পূৰ্ণকালীন সদস্য সচিব।

ৰাজ্যিক পৰিষদৰ বাবেও প্ৰায় একেধৰণে সদস্য বাছি লোৱা হয়।

জলপ্ৰদূষণ আইনখনত ৮ টা অধ্যায় আছে আৰু সেইবোৰত কেন্দ্ৰীয় পৰিষদসমূহৰ গঠন, ক্ষমতা আৰু কৰ্তব্য সম্পৰ্কে বিশদ বৰ্ণনা আছে। এই আইন ভঙ্গকাৰীৰ বিৰুদ্ধে উপযুক্ত শাস্তি দিয়াৰ ব্যৱস্থাও আছে। ১৯৭৮ আৰু ১৯৮৮ চনত আইনখন সংশোধন কৰা হয়। এই আইনৰ অধীনত উদ্যোগ আৰু স্থানীয় প্ৰতিষ্ঠানসমূহে পানী ব্যৱহাৰ কৰাৰ বাবদ কেন্দ্ৰীয় আৰু ৰাজ্য চৰকাৰক শুল্ক আদায় দিব লাগে।

আইনখনৰ অষ্টম অধ্যায়ত থকা নিৰ্দেশমতে বিভিন্ন ৰাজ্যত দূষিত পানী বিশ্লেষণ কৰাৰ বাবে পৰীক্ষাগাৰ স্থাপন কৰাৰ ব্যৱস্থা আছে।

উৎস: পৰিৱেশ বিভাগ।

3.18421052632
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
Back to top