মূল পৃষ্ঠা / গ্ৰামীণ শক্তি / শক্তিৰ প্ৰযুক্তি / ৰন্ধন পাত্ৰত থাকি যোৱা তাপৰ সৎ ব্যৱহাৰ
অংশিদাৰী
Views
  • স্থিতি: সম্পাদনাৰ বাবে মুকলি

ৰন্ধন পাত্ৰত থাকি যোৱা তাপৰ সৎ ব্যৱহাৰ

ৰন্ধন পাত্ৰত থাকি যোৱা তাপৰ সদ ব্যৱহাৰ

অতীজৰে পৰা ইন্ধন শক্তিয়ে ৰন্ধন কাৰ্য্যত বিভিন্ন দিশত এক গুৰুত্বপূৰ্ণ ভূমিকা গ্ৰহণ কৰি আহিছে৷ ইন্ধন কাৰ্য্যত উৎপন্ন হোৱা তাপ সদব্যৱহাৰ কৰি ইন্ধন ৰাহি কৰাৰ সময় সমাগত৷ ইন্ধন সংৰক্ষণ কৰিবলৈ হ’লে ৰন্ধন পাত্ৰত থাকি যোৱা তাপৰো সদব্যৱহাৰ কৰা উচিত ৷ খেৰৰ বাকচ ব্যৱহাৰ কৰি গৰম ৰন্ধন পাত্ৰত থকা তাপ সংৰক্ষণ কৰি সুফল পাব পাৰি৷

খেৰৰ বাকচ কি?

ই এনে এটা কাঠৰ বাকচ য’ত খেৰ ব্যৱহাৰ কৰা হয় ৷ খেৰ তাপৰ কুপৰিবাহী কাৰণে তাপ সংৰক্ষণ কৰিব পাৰে৷

নিৰ্মাণ পদ্ধতি

১)ঢাকনি থকা এটা কাঠৰ বাকচ লওঁক ৷

২)কাঠৰ বাকচত কপ-কপীয়াকৈ খাপ খোৱাকৈ খেৰ ভৰাই এটা গাঁৰু তৈয়াৰ কৰি লওঁক৷

৩)এতিয়া কাঠৰ বাকচৰ / অংশ খেৰেৰে পূৰাই লওঁক৷

ব্যৱহাৰ প্ৰণালী

১)পাত্ৰ এটাত আৱশ্যকীয় পানী গৰম কৰি লওঁক ৷

২)তাৰ পাচত গৰম পানীত ৰান্ধিবলৈ লোৱা খাদ্য সামগ্ৰীখিনি দি আধা সিজাকৈ ৰান্ধক৷

৩)আধা সিজা হ’লে ৰন্ধা পাত্ৰটো জুইৰ পৰা নমাই খেৰৰ বাকচত ভৰাই দিয়ক৷

৪)এতিয়া খেৰৰ গাঁৰুটো পাত্ৰটোৰ ওপৰত দি কাঠৰ বাকচৰ ঢাকনিখন বন্ধ কৰি দিয়ক৷ মন কৰিব লাগে যাতে তাপ ওলাই যাবলৈ কোনো সুৰুঙা নাথাকে ৷

৫)এনে পদ্ধতিৰে খেৰৰ বাকচত আধাসিজা ভাত, দাইল, পাচলি থলে ৰন্ধন পাত্ৰত থাকি যোৱা তাপ সংৰক্ষণ কৰি ৰন্ধন কাৰ্য্য সম্পূৰ্ণ কৰিব পাৰি ৷ এনে ধৰণে ১৫ মিনিটত পাচলি, ৩০ মিনিটত ভাত আৰু ১ ঘন্টাত দাইল ৰান্ধিব পাৰি ৷

খেৰৰ বাকচৰ সুবিধা সমূহ :

১)এই পদ্ধতিত ২৫ শতাংশ ইন্ধন ৰাহি হয় ৷

২)ৰন্ধন সামগ্ৰী সময়ে সময়ে নিৰীক্ষণ কৰি থাকিব নালাগে ৷

৩)খাদ্য সামগ্ৰী ৫-৬ ঘন্টাকৈ গৰম হৈ থাকে ৷

লৱ লগা সাবধানতা

মাজে সময়ে খেৰখিনি সলাব লাগে ৷ খেৰৰ গাৰুটো ৰ’দত দিব লাগে ৷

উৎস: অসম কৃষি বিশ্ববিদ্যালয়।
3.015625
আপোনাৰ পৰামৰ্শ প্ৰদান কৰক

(এই লিখনি সম্পৰ্কে যদি আপোনাৰ কোনো মতামত নাইবা পৰামৰ্শ আছে তেন্তে ইয়াত প্ৰদান কৰক।)

Enter the word
দিক্‌ নিৰ্ণায়ক
Back to top