শক্তিৰহিত শীতলীকৰন কক্ষ

শক্তিৰহিত শীতলীকৰন কক্ষ হ'ল উদ্যান শস্য মজুত কৰিবলৈ কৰা বিকল্প ব্যৱস্থা। এইটো সতেজ ফল-মূল, শাক-পাচলি আৰু ফুল বিলাকৰ বজাৰকৰনৰ সময়কাল বৃদ্ধি কৰিবলৈ পামত মজুত কৰাৰ ব্যৱস্থা। অত্যধিক জলীয়বাষ্প থকা বাবে ফল-মূল আৰু শাক-পাচলিৰ স্ব-জীৱনকাল অতিশয় কম থাকে আৰু সোনকালে বেয়া হৈ যোৱাৰ সম্ভাৱনা থাকে। তাৰোপৰি এইবিলাক জীৱন্ত বস্তু আৰু চপোৱাৰ পিছতো ইহঁতে বাষ্পমোচন, শ্বাস-প্ৰশ্বাস আৰু পকা কাৰ্য্য সমাপন কৰে। মজুতকৰাৰ উঞ্চতা হ্ৰাস কৰি ফল-মূল আৰু শাক-পচলিৰ মজুত অবস্থাত হব পৰা লোকচান নিয়ন্ত্ৰন কৰিব পাৰি।

ইটা, বালি, বাহ, খেৰ, বস্তা আদিৰ সহায়ত অতি সহজতে শক্তি ৰহিত শীতলীকৰন কক্ষ প্ৰস্তুত কৰিব পাৰি। শীতলীকৰন কক্ষটোৱে বাহিৰৰ উঞ্চতাতকৈ ১০-১৫O চে.গ্ৰেড কম উঞ্চতা আৰু ৯০% আপেক্ষিক আৰ্দ্ৰতা বজাই ৰাখিব পাৰে। শুকান বতৰত ই অতিশয় কাৰ্য্যকৰী।

নিৰ্মান

• ওচৰতে পানীৰ উত্স থকা বাম মাটি বাচি লওক।
• ইটাৰে ১৬৫ চে.মি x ১১৫ চে.মি মজিয়া সাজি লওক।
• মাজত ৭.৫ চে.মি.গহ্বৰ এৰি ৬৭.৫ চে.মি ওখলৈ দুই তৰপীয়া বেৰ ওঠাওক।
• কক্ষটো পানীৰে তিয়াওক।
• নদীৰ পৰা অনা বালি পানীৰে তিয়াই লওঁক।
• দুই তৰপীয়া বেৰৰ মাজত থকা ৭.৫ চে.মি. গহ্বৰটো তিতা বালিৰে পূৰ্ণ কৰি লঁওক।
• বাহ আৰু খেৰ বা শুকান ঘাঁহেৰে ঠাই ডোখৰ (১৬৫ চে.মি. x ১১৫ চে.মি.) আৱৰি ছানি দিয়ক।

• প্ৰত্যক্ষ ৰদ-বৰষুণৰ পৰা ৰক্ষা কৰিবলৈ কক্ষটোৰ ওপৰত এটা বাৰান্দা দিয়ক।

কাৰ্য্যপ্ৰণালী

• বালি, ইটা আৰু কক্ষটোৰ ওপৰৰ ছানিটো পানীৰে তিয়াই ৰাখক।
• প্ৰয়োজনীয় উঞ্চতা আৰু আপেক্ষিক আৰ্দ্ৰতা বজাই ৰাখিবলৈ দিনত দুবাৰকৈ পানীৰে তিয়াই ৰাখক বা ওপৰত ৰখা পানীৰ টেঙ্কিৰ পৰা প্লাষ্টিক পাইপ আৰু মাইক্ৰ’ টিউব সংযোগ কৰি ড্ৰিপৰ ব্যৱস্থা কৰক।
• এইটো কক্ষত বিন্দাযুক্ত প্লাষ্টিক ক্ৰেটত ফল-মূল আৰু শাক-পাচলি সংৰক্ষন কৰক।
• এই ক্ৰেটবিলাক পাতল পলিথিলিন শ্বীটৰ দ্বাৰা আবৃত্ব কৰি ৰাখক।
• এই শীতলীকৰন কক্ষটো তিনি বছৰৰ মূৰে-মূৰে পুৰনি ইটাবিলাক নতুন ইটাৰে সলাই পুনঃসজাব লাগে, পুৰনি ইটাবিলাক বেলেগ কামত লগাব পাৰি।

সাৱধানতা

• কক্ষটো বতাহ বলা ঠাইত সজাবলৈ যত্ন কৰক।
• পানী জমা হব নোৱাৰা ওখ ঠাইত প্ৰস্তুত কৰক।
• ভালমানৰ পৰিষ্কাৰ, নভঙা ইটা ব্যৱহাৰ কৰক।
• বালি খিনি পৰষ্কাৰ হব লাগে আৰু ইয়াত কোনো জৈৱিক পদাৰ্থ বা বোকা থাকিব নালাগে।
• ইটা আৰু বালি পানীৰে সংপৃক্ত কৰি ৰাখক।
• চালটো এনেভাবে সজাব লাগে যাতে সূৰ্য্যৰ তাপ প্ৰত্যক্ষভাবে নপৰে।
• কেৱল প্লাষ্টিক ক্ৰেটহে ব্যৱহাৰ কৰিব; বাহৰ পাঁচি, কাঠৰ/ফাইবাৰ ব’ৰ্ড/বাকচ, বস্তা আদি ব্যৱহাৰ কৰাৰ পৰা বিৰত থাকক।
• মজুত কৰি ৰখা বস্তু বিলাকত যাতে ৰ’দ নপৰে তালৈ সাৱধান হব।
• কক্ষটো পৰিষ্কাৰ কৰি ৰাখক আৰু অনুমোদন কৰা কীটনাশক দৰৱ /ভেকুৰনাশী দৰৱ /ৰাসায়নিক আদি প্ৰয়োগ কৰি ভেকুৰ, পোক-পৰুৱা কীট-পতঙ্গ আদিৰ পৰা বচাওক।

প্ৰায়োগিক ক্ষেত্ৰ

• অলপ দিনৰ বাবে সতেজ শাক-পাচলি, ফল-মূল আৰু ফুল মজুত কৰিবলৈ।
• হোৱাইট বটন মাশ্বৰূম উত্পাদন কৰিবলৈ।
• বিলাহী আৰু কল পকাবলৈ।
• গছৰ বংশ বৃদ্ধি কৰিবলৈ।
• প্ৰনালীকৃত ফল-মূল মজুত কৰিবলৈ।

উপকাৰিতা

• সতেজ ফল-মূল,শাক-পাচলি আৰু ফুল অতিশয় কম দামত বিক্ৰী কৰিবৰ পৰা সাত সাৰিব পাৰি।
• সাধাৰন শাক-পাচলিতকৈ সতেজ শাক-পাচলিৰ ভাল বজাৰ মূল্য পোৱা যায়।
• পুষ্টি মূল্য ধৰি ৰাখিব পাৰি।
• প্ৰদূষন ৰহিত পৰিবেশ বন্ধুভাৱাপন্ন ব্যৱস্থা।
• উৎপাদন ক্ষমতা: কক্ষ প্ৰতি ১০০ কুইন্টেল ৬-৭ টনলৈকে ক্ষমতা বঢ়াব পাৰি।

প্ৰয়োজন হোৱা সামগ্ৰী

• ঘৰ: খোলা ঘৰ (বায়ু চলা-চলৰ ব্যৱস্থা সম্পন্ন)
• মাটি: ১০০ বৰ্গ মিটাৰ
• পানী: ২৫-৫০ লিটাৰ প্ৰতিদিন (অৱস্থানৰ ওপৰত নিৰ্ভৰ কৰি)
• প্ৰয়োজনীয় কৰ্মী: মুঠ ২, এজন কাৰিকৰীবিদ, এজন অপৈনত কৰ্মী

প্ৰয়োজনীয় খৰচ

আঁচনিটোৰ খৰচ: প্ৰতিগোটৰ বাবে প্ৰায় ৩০০০ টকা

উৎস: আইএনডিজি দল।