বহু চক্ৰী এড়ি পলুৱে প্ৰতি বছৰতে ৫-৬ টা জীৱনচক্ৰ সম্পূৰ্ণ কৰে ৷ ঘৰৰ ভিতৰতে এড়ি পলু পালন কৰা হয় ৷ পাতৰ ওপৰত নিৰ্ভৰ কৰি গোটেই বছৰ জুৰি এড়ি পলু পালন কৰিব পাৰি ৷
লু পোহা ঘৰ আৰু আহিলাসমুহ
- পলু পুহিবৰ বাবে বেলেগে ঘৰ বা কোঠা থাকিলে ভাল হয় ৷
- ঘৰ বা কোঠাটো সম্পূৰ্ণভাৱে মহ, ডাঁহ সোমাব নোৱাৰা আৰু বায়ু চলাচল কৰি থকা হ’ব লাগে ৷
- দুটা পদ্ধতিৰে পলুক পাত খুৱাব পাৰি যেনে – ডলা বা ট্টেত (পাত পলুক খুউৱাৰ দৰে) বা ডালেৰে সৈতে ৷
- পকা পলুক বাঁহ বান্ধিবলৈ (Spining) শুকান ডাল পাত বা চন্দ্ৰকী আদিত দিয়া হয় ৷
- লেটাবোৰ স্পিনিং কৰিব পাৰি, সূতা কাটিব নোৱাৰি ৷
এড়ি পালনত বিনিয়োগ খুউব কম সেইদৰে উৎপাদিত সামগ্ৰীৰ দামো যথেষ্ট কম ৷ সেয়েহে পলু পালকে ইয়াক গৌণ ব্যৱসায় হিচাপেহে কৰে ৷ কিন্তু বৈজ্ঞানিক পদ্ধতিৰে উন্নত ভাৱে এড়ি পালন কৰিলে উৎপাদন বৃদ্ধিৰ লগতে উৎপাদিত সামগ্ৰীৰ মানো যথেষ্ট উন্নত হয় ৷
পলু পালন কৰা ঘৰ আৰু আহিলা সমূহ বীজাণু মুক্ত কৰা পদ্ধতি:
- প্ৰথমেই পলু পালন কৰিবলৈ লোৱা ঘৰ বা কোঠা আৰু আহিলা সমূহ ৫% ব্লিচিং পাউদাৰেৰে ভালকৈ ধুব লাগে ৷
- আহিলা সমুহ কোঠাটোত ৰাখি বতাহ সোমাব বা চলাচল কৰিব নোৱাৰাকৈ বন্ধ কৰি থব লাগে ৷
- তাৰ পিছত ৫% ফৰমেলডিহাইড দ্ৰব্যৰে বাষ্পীকৰণ কৰিব লাগে ৷
- এইদৰে ২৪ ঘন্টা সম্পূৰ্ণ বাষ্পীকৰণ কৰি ৰখাৰ পাছতে ঘৰটো বা কোঠাটো খুলি মুক্ত বায়ু চলাচল কৰিব দিব লাগে৷
- পলু পালন কৰাৰ ৩ দিন আগতে আৰু শেষ হোৱাৰ ঠিক পাছতেই ঘৰৰ আহিলা সমূহ শোধন কৰাটো উচিত ৷
পলুৰ কণী উমনি দিয়া, পলু জগোৱা:
- ২৪-২৬ ছে: উষ্ণতা আৰু ৯৮-৯০% আৰ্দ্ৰতাত কণীৰ উমনি দিয়া হয় ৷
- কণী পৰাৰ পৰা ৮-১০ দিনৰ ভিতৰতেই কণী ফুটি পলু জগে ৷
- পলু জগাৰ সময় হৈছে পুৱা ৭ বজাৰ পৰা ৯ বজালৈ ৷
- পলু জগিবৰ দিনা কণীবোৰ এখন ডলা বা ট্টেত মুকলিকৈ ৰাখিব লাগে ৷
- এড়া গছৰ কোমল আগপাত কেইটামান সদ্য জগা পলুৰ ওপৰত ৰাখিব লাগে ৷
- জগা পলুবোৰ কোমল পাতলৈ উঠা সম্পূৰ্ণ হ’লে নতুনকৈ সজীৱ পাত ৰখা ট্টে বা ডলালৈ স্থানান্তৰ কৰিব লাগে ৷
- সাধাৰণতে ছালুকীয়া অৱস্থাত ট্টেত বা ডলাত তৃতীয় অৱস্থালৈকো পালন কৰি চতুৰ্থ আৰু পঞ্চম অৱস্থাত পাতৰ থোপা বান্ধি ডাঁৰত আঁৰি দিয়া হয় ৷
- ট্টে বা ডলাতো সম্পূৰ্ণ পঞ্চম অৱস্থালৈকো পালন কৰিব পাৰি ৷
পলুক খাদ্য যোগান, পৰিস্কাৰকৰণ:
- প্ৰথম অৱস্থাত পলুক দিনে ৫ বাৰকৈ খাদ্যৰ যোগান ধৰা হয় ৷ ক্ৰমে পুৱা ৬ বজা, ১০ বজা, ২ বজা, সন্ধিয়া ৬ বজা আৰু ৰাতি ১০ বজাত ৷
- চতুৰ্থ আৰু পঞ্চম অৱস্থাত দিনে ৪ বাৰকৈ পাতৰ যোগান ধৰা হয় ৷ ক্ৰমে ৬ বজা, ১১ বজা, ৫ বজা আৰু ১০ বজাত ৷
- ট্টে বা ডলাবোৰ প্ৰথম অৱস্থাত (1st instar) এবাৰেই চাফা কৰা হয় (প্ৰথম মোট সলোৱা বা ছালকটা আৰম্ভ কৰাৰ আগে আগে) ৷
- দ্বিতীয় অৱস্থাত দুবাৰ চাফা কৰা হয় (প্ৰথম ছাল কটাৰ পিছত আৰু দ্বিতীয়বাৰ ঠিক মোট সলোৱাৰ আগে আগে)৷
- শেষ অৱস্থাত প্ৰত্যেক দিনেই ডলাবোৰ চাফা কৰিব লাগে ৷
মোট সলাওঁতে ল’ব লগা যত্ন
- সম্পূৰ্ণ পলু অৱস্থাত পলুৱে ৪ বাৰ মোট সলায় বা ছাল কাটে ৷
- ছাল কটা অৱস্থাত পলুৱে খাদ্য গ্ৰহণ নকৰে আৰু এক বিশেষ ভংগীমাত মূৰটো আৰু দেহৰ আগভাগ ওপৰলৈ থিয়কৈ ৰাখি একেৰাহে ৰৈ থাকে ৷ এইটোৱেই হৈছে মোট সলোৱাৰ প্ৰথম জাননী ৷
- বতৰ বিশেষে অথবা পলুৰ অৱস্থা (Inster wise) বিশেষে ২৪-২৮ ঘন্টাৰ ভিতৰত পলুৱে মোট সলোৱা সম্পূৰ্ণ কৰে৷
- ছাল কটা অৱস্থাত পলু পালন কৰা ঘৰটোত ভালদৰে বায়ু চলাচল কৰিব দিব লাগে আৰু ডলা বা ট্টে আপেক্ষিকভাৱে শুকান কৰি ৰাখিব লাগে ৷
- যেতিয়া প্ৰায় ৯৫% পলুৱে ছালকটা সম্পূৰ্ণ কৰে ৷ তেতিয়াহে পলুক পুনৰ খাদ্যৰ যোগান ধৰিব লাগে ৷
বাহ বা লাট সজা আৰু লাট সংগ্ৰহ
- পুৱা ভাগতেই পলু পকা আৰম্ভ হয় ৷
- পকা পলুবোৰ ধৰি ককোনেজ বা বাহ সাজিবৰ উপযোগী শুকান ডাল পাতত ৰখা হয় যাতে বাহ বান্ধিব পাৰে ৷
- বাহৰ চন্দ্ৰকী লেটা সাজিবৰ বাবে উপযোগী ৷
- বাহ সজাৰ সময়তো ভালদৰে বায়ু চলাচল কৰিবলৈ দিব লাগে ৷
- বাহ বান্ধিবলৈ এড়ি পলুক জাৰ কালি ৫ দিন আৰু জহ কালি ৩ দিন সময় লাগে ৷
- পঞ্চম দিনাৰ পৰা অষ্টম দিনৰ ভিতৰত জালি ভাঙিব পৰা হয় ৷
উৎস: অসম কৃষি বিশ্ববিদ্যালয়।
শেহতীয়া উন্নীতকৰণ: : 4/22/2020
0 ratings and 0 comments
Roll over stars then click to rate.
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.