আগতীয়া আহু (সিঁচা পদ্ধতি)

জাত সমুহ (মণ্ডলভিত্তিক অনুমোদন)

ব্লাষ্ট ৰোগ আক্ৰান্ত হোৱা অঞ্চলসমুহৰ  বাবে অনুমোদিত নহয়৷

নতুনকৈ অনুমোদিত জাত :

মাটি নিৰ্বাচন

যি অঞ্চলত বোকা, বালিচঁহীয়া, মাটিৰ ওপৰভাগত মজলীয়া বালিয়া মাটি থাকে, তেনেকুৱা মাটি এই খেতিৰ বাবে উপযোগী ৷ জানুৱাৰীৰ পৰা ফেব্ৰুৱাৰী মাহলৈকে জীব থকা মাটি নির্বাচন কৰিব লাগে ৷
মাটিডৰা ৩-৪ বাৰ হাল বাই সমান কৰি লব লাগে যাতে মাটিয়ে বৰষুণৰ পানী ধৰি ৰাখিব পাৰে ৷

সাৰ পৰিচালন/প্ৰয়োগ

প্ৰাৰম্ভিক অৱস্হাত মাটি চহোৱাৰ সময়তে পচন সাৰ প্ৰতি হেক্টৰত ১০ টন বা বিঘাই প্ৰতি ১৫ কুইন্টল পৰিমানৰ প্ৰয়োগ কৰি লব লাগে৷

একক চুপাৰ ফছফেটৰ অবিহনে ডাই এমোনিয়াম ফছফেট ব্যৱহাৰ কৰিব পাৰে ৷

বি:দ্ৰ: বানাক্ৰান্ত অঞ্চল যেনে মাজুলী, য’ত খেতিয়কে আগতীয়া আহুখেতি বানপানীৰ আগে আগে চপাব পৰাকৈ কৰে তেনে অঞ্চলৰ বাবে অকল প্ৰয়োজনীয় সাৰখিনিহে ব্যৱহাৰ বা প্ৰয়োগ কৰিব লাগে ৷

সাৰ প্ৰয়োগৰ সময়

1. মাটিডৰা শেষবাৰ চহাই লোৱাৰ সময়ত সমুদায় ফছফৰাছ সাৰ প্ৰয়োগ কৰিব ৷
2. বীজ অঙ্কুৰিত হোৱাৰ ১৫-২৫ দিনৰ পিচত, প্ৰথমবাৰ নিৰণিৰ সময়ত আধাভাগ নাইট্ৰোজেন আৰু আধাভাগ পটাছ সাৰ প্ৰয়োগ কৰিব ৷
3. বীজ অঙ্কুৰিত হোৱাৰ ৪৫-৫০ দিনৰ পিচত, দ্বিতীয়বাৰ নিৰণিৰ সময়ত বাকী থকা আধা অংশ নাইট্ৰোজেন আৰু পটাছ সাৰ টপদ্ৰেছ হিচাবে প্ৰয়োগ কৰিব ৷

বীজ সিঁচাৰ সময়

বীজ সিচাৰ উচিত সময় হ’ল ফেব্ৰ'ৱাৰী মাহৰ মাজভাগ ৷ বৰাক উপত্যকাত মাচ,মাহতহে বীজ সিচাৰ বাবে উচিত সময়৷

বীজ নির্বাচন

বীজবোৰ পানীত ঢালি পানীখিনি ভালদৰে ঘোদালি লব ৷ ওপৰলৈ উপঙি অহা বীজবোৰ পেলাই দিব৷

বীজ শোধন

(ক) তিওৱা পদ্ধতি

বীজবোৰ নিৰ্বাচন কৰাৰ পিছত তলত দিয়া যিকোনো এবিধ ঔষধৰ মিশ্ৰণত বীজবোৰ ২৪ ঘন্টা তিয়াই ৰাখিব৷

এক কিলো বীজ শোধনৰ বাবে এক লিটাৰ ঔষধৰ মিশ্ৰণৰ প্ৰয়োজন ৷

(খ) শুকান পদ্ধতি

তলত উল্লেখ কৰা যি কোনো এবিধ ঔষধ আৰু বীজবোৰ কোনো এটা পাত্ৰত লৈ ভালদৰে বন্ধকৰি জোকাৰি দিলে বীজবোৰৰ গাত ঔষধবোৰ লাগি ধৰিব আৰু সেই ঔষধেই বীজবোৰক বেমাৰ প্ৰতিহত কৰিব পৰা শক্তি যোগান ধৰিব ৷

বীজৰ পৰিমান আৰু সিঁচা

• ২০ চে: মিটাৰকৈ শাৰীৰ পৰা শাৰীৰ দুৰত্বত যদি বীজবোৰ সিঁচা হয় তেন্তে এক হেক্টৰ মাটিৰ বাবে ৭৫ কি: গ্ৰাম বা এক বিঘাৰ বাবে ১০ কি: গ্ৰাম বীজৰ প্ৰয়োজন হব ৷
• সিঁচা পদ্ধতি (Broadcasting) বা শাৰীত নিসিঁচিলে ৮৫-১০৫ কি: গ্ৰাম প্ৰতি হেক্টৰত আৰু ১২-১৫ কি:গ্ৰাম বিঘাই প্ৰতি প্ৰয়োজন হব ৷

প্ৰতিপালন

1. বীজ সিঁচাৰ ৩-৪ সপ্তহৰ পিছৰ পৰা বনবাত বোৰ নিৰোৱাৰ ব্যৱস্হা কৰিব লাগে ৷ প্ৰথমবাৰ বনবাত নিৰোৱাৰ ২-৩ সপ্তাহৰ পিছত আকৌ বনবাত নিৰাব লাগে৷ বনবাত নিৰোৱাৰ পিছতে সাৰ প্ৰয়োগৰ ব্যৱস্হা কৰিব লাগে ৷
2. বীজ সিঁচাৰ ২-৩ দিনৰ পিছত বুটাক্লোৰ হেক্টৰে প্ৰতি ২ কি: গ্ৰাম নতুবা  পুলিবোৰ/ কঠীয়াবোৰ ২-৩ পতীয়া হলে ২,৪ ডি (২,৪-ধ) প্ৰতি হেক্টৰত ০.৮ কি:গ্ৰাম অপতৃণ নাশক প্ৰয়োগ কৰিব লাগে ৷ নতুবা বীজ সিচাৰ ২৫-৩০ দিনৰ পিছতে অপতৃণ নাশক ব্যৱহাৰ কৰিব লাগে৷

শস্য ৰক্ষা

(ক) পোক পৰুৱা : ধান গছত পোক পৰুৱাৰ উপদ্ৰৱৰ পৰা ৰক্ষা বা হাত সাৰিবলৈ অৰ্থনৈতিক ক্ষয় ক্ষতিৰ পৰিসীমাৰ ভিতৰতেই ঔষধ প্ৰয়োগ কৰিব লাগে (১ নং তালিকা)৷ যিবোৰ পোক পৰুৱাৰ ক্ষেত্ৰত অৰ্থনৈতিক পৰিসীমা দিয়া হোৱা নাই, সেইবোৰ পোকৰ উপদ্ৰৱ খেতি পথাৰত দেখা দিয়াৰ লগে লগে ঔষধ প্ৰয়োগ কৰিব৷

(খ) শস্য কৃমিৰ দ্বাৰা শিপাত গাঠি ধৰা বেমাৰ

এই ৰোগে আক্ৰান্তকৰা অঞ্চলসমুহত শস্যৰ প্ৰথম অৱস্হাত খেতিডৰাক এই কৃমিৰ আক্ৰমণৰ পৰা ৰক্ষা কৰিবলৈ তলত দিয়া যিকোনো এবিধ দানাযুক্ত কীট নাশক ঔষধ বীজ সিচাৰ ৫-৭ দিনৰ পিছত প্ৰয়োগ কৰিব ৷

১ ৷ কাৰ্বোফুৰান (ফুৰাদন ৩ জি) প্ৰতি বর্গ মিটাৰত ৩ গ্ৰামকৈ

২ ৷ ফৰেট (থিমেট ১০ জি) প্ৰতি বর্গ মিটাৰত ১ গ্ৰামকৈ

৩ ৷ ডায়াজিনন (বাচুদিন ১০ জি) প্ৰতি বর্গ মিটাৰত ১ গ্ৰামকৈ

(গ) ৰোগ ব্যাধি

১ ৷ ব্লাষ্ট

গছৰ পাতত এই বেমাৰৰ ১-২ টা দাগ পৰিলক্ষিত হোৱাৰ মাত্ৰকে তলত উল্লেখ কৰা ঔষধবোৰৰ যিকোনো এটা ঔষধ প্ৰয়োগ কৰিব লাগে৷

ৰোগ নির্মূল নোহোৱালৈকে প্ৰতি ১০ ৰ পৰা ২৫ দিনৰ ব্যৱধানত স্প্ৰে কৰিব লাগে ৷

২ ৷ পাতত হোৱা ব্লাইট বেমাৰ

এই বেমাৰ ৰোধ বা নির্মূল কৰিবলৈ তলত দিয়া ঔষধৰ যি কোনো এটা প্ৰয়োগ কৰিব ৷

(ক) কাৰবেনদাজিম (বেভিষ্টিন) ০.০৫ % (০.০৫ গ্ৰাম প্ৰতি লিটাৰ পানীত)

(খ) ক’নটাফ ৫ ইচি ২ মি: লিটাৰ প্ৰতি লিটাৰ পানীত মিহলাই স্প্ৰে কৰিব ৷

প্ৰথমবাৰ বেমাৰ পৰিলক্ষিত হোৱা মাত্ৰকে আৰু দ্বিতীয়বাৰ প্ৰথম স্প্ৰে কৰাৰ ১০ দিনৰ পিছত ৷

উৎস: অসম কৃষি বিশ্ববিদ্যালয়।