দুগ্ধ পাম দমৰা-দামুৰিৰ যতন পৰিচালনা

প্ৰাৰম্ভিক যতন

দমৰা-দামুৰিক খুওঁৱা

ফেঁহু হ’ল পোৱালিবিলাকক দিয়া অতিশয় গুৰুত্বপূৰ্ণ প্ৰথম আহাৰ। মাকে তিনিৰ পৰা সাত দিনলৈ ফেঁহু প্ৰস্তুত কৰে আৰু ই হ’ল পোৱালিটোৰ বাবে পুষ্টি আৰু পানীয়ৰ প্ৰাথমিক উৎস। ইয়ে পোৱালিটোক প্ৰয়াজনীয় এন্টিব’ডিৰ যোগানো ধৰে যিয়ে সংক্ৰামক আৰু পুষ্টিজনিত বেমাৰৰ বিপৰীতে যুঁজ দিয়াত সহায় কৰে। ফেঁহু উপলব্ধ থাকিলে নৱজাতকক ৩ দিনলৈকে খাবলৈ দিয়ক।

জন্মৰ সময়ত ফেঁহু খুওঁৱাৰ উপৰিও পোৱালিবিলাকক প্ৰথম তিনি-চাৰি সপ্তাহলৈ গাখীৰৰ প্ৰয়োজন। ইয়াৰ পিছত ইহঁতে শাক-পাচলি, শ্বেতসাৰ, চেনি আদি হজম কৰিব পাৰে। ইয়াৰ পিচতো গাখীৰ খুওঁৱাটো পুষ্টিকৰ যদিও দানা খুওঁৱাতকৈ অধিক খৰচী হয়। সকলো ধৰণৰ পানীয় কোঠালিৰ উঞ্চতাত খুওঁৱাব লাগে।

পোৱালিক খুৱাবলৈ ব্যৱহাৰ কৰা সা-সৰঞ্জামবিলাক ভালকৈ চাফা কৰিব। এইবোৰ পৰিষ্কাৰ শুকান ঠাইত সংৰক্ষণ কৰক।

পানীৰ প্ৰয়োজন

পৰিষ্কাৰ-পৰিচ্ছন্ন পানীৰ যোগান অব্যাহত ৰাখিব লাগে। পোৱালিটোৱে এবাৰতে অত্যাধিক পানী খোৱাৰ পৰা বিৰত ৰাখিবলৈ বেলেগ বেলেগ পানীৰ পাত্ৰ বিভিন্ন স্থানত ৰাখক।

খুওঁৱাৰ পদ্ধতি

খুওঁৱাৰ পদ্ধতিটো দমৰা-দামুৰি পালন কৰিবলৈ ব্যৱহাৰ কৰা খাদ্য-সামগ্ৰীৰ ওপৰত নিৰ্ভৰ কৰে। সচৰাচৰ তলত দিয়া পদ্ধতিবিলাক পালন কৰা হয়ঃ

সম্পূৰ্ণ গাখীৰ খুৱাই পোহ-পালন কৰা

দমৰা-দামুৰিৰ মিশ্ৰণ

দমৰা-দামুৰিৰ বাবে ঘাঁহ

শুশ্ৰূষাকাৰী গাইৰ দ্বাৰা দমৰা-দামুৰি পোহপাল

মাৰ-পানীৰে পোৱালিৰ পোহ-পাল

পোৱালিৰ আৰম্ভণি দানা হ’ল মাৰ-পানী। ই গাখীৰৰ পৰিৱৰ্ত্তিত আহাৰ নহয়। চাৰি সপ্তাহ বয়সৰ পৰা লাহে লাহে গাখীৰৰ পৰিমাণ কমাই তাৰ পৰিৱৰ্তে মাৰ-পানী যোগ দিয়া হয়। ২০ দিনৰ পিছত গাখীৰ সম্পূৰ্ণভাবে বন্ধ কৰা হয়।

দমৰা-দামুৰিক প্ৰাৰম্ভিক আহাৰত পোহপাল কৰা

ইয়াত দমৰা-দামুৰি বিলাকক গাখীৰ খুওঁৱাৰ পৰা আৰম্ভ কৰা হয়। ইহঁতক শুকান প্ৰাৰম্ভিক দানা আৰু ভাল ঘাঁহ খাবলৈ শিকোৱা হয়। ৭ ৰ পৰা ১০ সপ্তাহ বয়সৰ ভিতৰত ইহঁতক সম্পূৰ্ণৰূপে গাখীৰৰ পৰা এৰুৱাই দিয়া হয়।

গাখীৰৰ পৰিৱৰ্তিত আহাৰ খুৱাই পোহ-পাল কৰা

পোৱালি দমৰা-দামুৰিৰ বাবে যে পুষ্টিৰ মূল্যায়নত গাখীৰৰ তুলনাত একোৱেই হ’ব নোৱাৰে সেয়া বুজাটো প্ৰয়োজন। গাখীৰ বা আন পানীয়ৰ উপলব্ধতা কম থকা ক্ষেত্ৰতহে গাখীৰৰ পৰিৱৰ্ত্তিত আহাৰ দিয়া হয়। গাখীৰৰ পৰিৱৰ্ত্তিত আহাৰ খুওঁৱাৰ হাৰ গাখীৰৰ সৈতে একেই, আৰ্থাৎ প্ৰস্তুত আহাৰ পোৱালিৰ গাৰ ওজনৰ ১০ শতাংশ। প্ৰস্তুত কৰা আহাৰত পানীয়ৰ ১০ ৰ পৰা ১২ শতাংশ গোটা বস্তু থাকিব লাগে।

গাখীৰ এৰুওৱা

গাখীৰ এৰুৱাৰ পিছত

গাখীৰ এৰুৱাৰ পৰা ৩ মাহলৈকে পোৱালিবিলাকৰ প্ৰাৰম্ভিক দানাৰ পৰিমান লাহে লাহে বঢ়াই যাওক। দমৰা-দামুৰিৰ বাবে ভাল গুণগত মানৰ দানাহে গোটেই দিন জুৰি থাকিব লাগে। পোৱালিৰ দেহৰ ওজনৰ ৩ শতাংশতকৈয়ো অধিক জলীয়বাষ্প থকা ঘাঁহ যেনে চাইলেজ, সেউজীয়া ঘাঁহ খুৱাব পাৰে। সাৱধান হ’ব যাতে অধিক মাত্ৰাত এইবোৰ ঘাঁহ খুওৱা নহয় কাৰণ ইয়ে খনিজ লৱণ গ্ৰহনত সীমাৱদ্ধতা আনিব পাৰে।

দমৰা-দামুৰিৰ বৃদ্ধি

পোৱালিবিলাক আশা কৰা হাৰত বাঢ়িছে নে নাই সেইটো পৰীক্ষা কৰিবলৈ ওজন পৰীক্ষা কৰক৷

যথা-যথ বাসস্থানৰ প্ৰয়োজন

গাখীৰ এৰুৱাৰ বয়সপ্ৰাপ্তি হোৱালৈকে পোৱালি বিলাকক পৃথক পৃথক কোঠালিত ৰাখিব লাগে। পৃথক কোঠালিত থাকিলে ইটোৱে সিটোক চেলেকাটো প্ৰতিৰোধ কৰি বেমাৰ সোঁচৰোটা প্ৰতিৰোধ কৰিব পৰা যায়। পোৱালিৰ কোঠালিবিলাক পৰিষ্কাৰ, শুকান আৰু যথাযথভাৱে বায়ু চলাচলৰ ব্যৱস্থা থকা হ’ব লাগে। বায়ু চলাচল কৰা ব্যৱস্থাই পোৱালি বিলাকৰ গাত তীব্ৰ বতাহ প্ৰত্যক্ষভাবে নপৰাকৈ ৰাখি অবিৰতভাৱে সতেজ বতাহৰ যোগান ধৰে।

পোৱালিবিলাকক আৰাম আৰু শুকানে ৰাখিবলৈ কোঠালিসমূহত বিচনা পাৰি দিব লাগে। সচৰাচৰ কাঠৰ গুড়ি বা ধান খেৰ ব্যৱহাৰ কৰা হয়। অত্যাধিক ৰ’দ বা ঠাণ্ডা বতাহ আৰু বৰষুণৰ পৰা ৰক্ষা কৰিবলৈ বাহিৰত থকা পোৱালিৰ কোঠালিবিলাক বেৰেৰে আৱৰি আংশিকভাবে ঢাকি দিব লাগে। পূৱফালে খোলা কোঠালিবিলাকে ৰাতিপুৱাৰ ৰ’দৰ পৰা উঞ্চতা পায় আৰু দিনটোৰ গৰম সময়খিনিত ছাঁ পায়। পূৱ ফালৰ পৰা বৰষুণ প্ৰায় নপৰেই।

দমৰা-দামুৰিবিলাকক স্বস্থ্যৱান কৰি ৰাখক

নৱজাতক পোৱালিবিলাকক বেমাৰৰ পৰা ৰক্ষা কৰাটোৱেই হ‘ল ইহঁতৰ বাবে উত্তম আৰম্ভণি, মৃত্যুৰ পৰা হোৱা হানি কম হোৱা আৰু ই বেমাৰী গৰুক চিকিৎসা কৰাতকৈ অতি কম খৰচী। পোৱালিবিলাকক প্ৰত্যেকদিনাই পৰ্য্যবেক্ষণ কৰক ইহঁতক শুদ্ধকৈ খুৱাওঁক আৰু নিকা পৰিৱেশ দিয়ক।

উৎস: আইএনডিজি দল