টার্কি পালন

ভাৰতত পোৱা প্রজাতিবিলাক

১) ব্র’ড ব্রেস্টেড ব্র’ঞ্জ
ঠেংৰ পাখিৰ ৰং ক’লা, তামবৰণৰ নহয়৷ মাইকী চৰাইৰ বুকুৰ পাখিৰ ৰং ক’লা, আৰু তাৰ আগবিলাক বগা হয়, এই বাবে মাত্র ১২ সপ্তাহ বয়সতেই লিঙ্গ নির্ধাৰণ কৰিব পৰা যায়৷
২) ব্ৰ’ড ব্রেস্টেড হোয়াইট:
ই বগা পাখিযুক্ত ব্ৰ’ড ব্রেস্টেড ব্র’ঞ্জ আৰু হোয়াইট হলেণ্ডৰ সংকৰ প্ৰজাতি৷ বগা পাখিৰ টার্কি ভাৰতীয় কৃষি জলবায়ুত খাপ খোৱাৰ বাবে উপযুক্ত বুলি ধৰা হয়। ইহঁতৰ গৰম সহ্য কৰাৰ ক্ষমতা অধিক আৰু পাখি গুছোৱাৰ পিছত ইহঁতক পৰিষ্কাৰ আৰু ভাল দেখা যায়৷
৩) বেষ্টভিল স্ম’ল হোয়াইট:
ইহঁত ৰং আৰু আকাৰত ব্ৰ’ড ব্রেস্টেড হোৱাইটৰ  ওচৰা-ওচৰি কিন্তু আকাৰত সৰু।গধুৰ প্রজাতিবিলাকৰ তুলনাত ইহঁতৰ কণী দিয়া, উর্বৰতা আৰু কণী ফুটাৰ পৰিমাণ অধিক আৰু উমণিত বহাৰ প্ৰৱণতা কম৷
৪) নন্দনম টার্কি ১
নন্দনম টার্কি – ১ প্রজাতিটো ক’লা থলুৱা প্রজাতি আৰু বিদেশী বেল্টছভিল স্ম’ল হোয়াইট প্রজাতিৰ সংকৰ৷ ই তামিলনাডুৰ জলবায়ুৰ বাবে উপযুক্ত৷

টার্কি পালনৰ অর্থনৈতিক স্থিতিমাপসমূহ

টার্কিৰ পালন পৰিচালনা

ইনকিউবেশ্বন বা কণী ফুটোৱা

টার্কিৰ কণী ফুটাবলৈ ২৮ দিন লাগে৷ দুই ধৰণে কণী ফুটাব পাৰি

ক) ওমণিৰ দ্বাৰা প্ৰাকৃতিকভাৱে কণী ফুটোৱা

প্ৰাকৃতিকভাবে টার্কি ওমনি দিয়াত ভাল আৰু ওমনিত বহা মাইকী চৰায়ে ১০-১৫ টা কণী ফুটাব পাৰে৷ ৬০-৮০ শতাংশ কণী ফুটি সুস্থ-সবল পোৱালি পাবলৈ ভাল খোলা আৰু আকাৰৰ পৰিষ্কাৰ কণী ওমনিত বহাব লাগে।

খ) কৃত্রিম উপায়ে কণী ফুটোৱা

কৃত্রিম উপায়ে, ইনকিউবেটৰৰ সাহায়ত কণী ফোটোৱা হয়৷ ছেটাৰ আৰু হেচ্চাৰৰ তাপমান আৰু আপেক্ষিক আর্দ্রতা তলত দিয়া ধৰণৰ হব লাগে:

দৈনিক এক ঘণ্টাৰ মূৰে মূৰে কণীবিলাক উলট-পালট কৰি দিব লাগে। লেতেৰা হোৱা আৰু ভাঙি যোৱা প্ৰতিৰোধ কৰিবলৈ আৰু লগতে কণী ফুটাৰ সংখ্যা বঢ়াবলৈ অলপ সময় পিছে পিছে কণী সংগ্রহ কৰিব লাগে৷

ব্রুডিং

টার্কিৰ ০-৪ সপ্তাহ বয়সক ব্রুডিং পিৰিয়ড বোলা হয়৷ ঠাণ্ডাদিনত ব্রুডিং পিৰিয়ড বাঢ়াই ৫-৬ সপ্তাহ কৰা হয়৷ সাধাৰণতে কুকৰাৰ তুলনাত টার্কিৰ হোভাৰৰ ঠাই দুগুণ লাগে৷ এদিনিয়া পোৱালিৰ ব্রুডিঙৰ বাবে অবলোহিত পোহৰৰ বাল্ব বা গেছ ব্রুডাৰ বা চলিত ব্রুডিং ব্যবস্থা ব্যৱহাৰ কৰিব পৰা যায়৷

জন্মৰ সময়ত লক্ষ্য ৰাখিব লগীয়া বিষয়সমূহ:

• ০-৪ সপ্তাহ বয়সৰ পোৱালিৰ বাবে প্রয়োজনীয় মজিয়া কালি প্রতিটোৰ বাবে ১.৫ বৰ্গফুট ৷ পোৱালি আহি পোৱাৰ অন্তত দুদিন আগতেই ব্রুডাৰ হাউছ প্ৰস্তুত কৰি ৰখিব লাগে।
• ২ মিটাৰ ব্যাস জুড়ি গোলাকৃতিত লিটাৰ পাৰি ৰাখিব লাগে৷
• পোৱালিবিলাক যাতে তাপৰ উৎসৰ পৰা দূৰত গুছি নাযায় তাৰ বাবে অন্তত ১ ফুট উচ্চতাৰ এটি বেৰ দিব লাগে।
• প্রাৰম্ভিক তাপমাত্রা ৯৫ ডিগ্ৰী ফাৰেনহাইট ৰাখিব লাগে যিটো পোৱালিবিলাকৰ বয়স ৪ সপ্তাহ হোৱালৈ প্রতি সপ্তাহত ৫ ডিগ্ৰী ফাৰেনহাইটতকৈ কমাই যাব লাগে।
• অগভীৰ পানীৰ পাত্ৰ ব্যৱহাৰ কৰিব লাগে৷

প্রথম চাৰি সপ্তাহত গড় মৃত্যুহাৰ ৬-১০ শতাংশ ৷ মূলতঃ কম দৃষ্টিশক্তি আৰু ভয়ৰ বাবে পোৱালিবিলাক স্বভাবতঃ জন্মৰ পিছত প্রথম কেইদিন একো খাব নোৱাৰে, সেয়ে ইহঁতক জোৰ কৰি খোৱাব লাগে৷

জোৰ কৰি খুওঁৱা

পোৱলিবিলাকৰ প্ৰথম কেইদিনত হোৱা মৃত্যুৰ এটি প্রধান কাৰণ হল ভোকত থাকা৷ সেয়ে দানা আৰু পানী দিয়াৰ ক্ষেত্ৰত প্রতি বিশেষভাবে লক্ষ্য ৰাখিব লাগে৷ জোৰকৈ খুওঁৱাৰ ক্ষেত্রত প্রতি লিটাৰ পানীত ১০০ মি.লি. হাৰত গাখীৰ মিহলাই খোৱাব লাগে। আৰু পোন্ধৰ দিনলৈকে প্রতি ১০ টা পোৱালিৰ বাবে এটাকৈ কণী সিজাই দিব লাগে৷ ইয়ে পোৱালিবিলাকৰ প্র’টিন আৰু এনার্জিৰ প্রয়োজন পূৰ কৰিব৷  
দানাৰ পাত্রত আঙুলিৰে মৃদু শব্দ কৰি পোৱালিবিলাকক খোৱাৰ প্ৰতি আকৃষ্ট কৰিব পৰা যায়৷ ফীডাৰ আৰু ওয়াটাৰাৰত ৰঙিন মার্বল বা সৰু পাথৰ ৰাখিলেও পোৱালি বিলাক সেইফালে আকর্ষিত হব৷ যেহেতু টার্কিবিলাকে সেউজীয়া শাক-পাচলি ভাল পায়, সেয়ে খাদ্যগ্রহণৰ পৰিমাণ বড়াবলৈ অলপ কোমলীয়া সেউবজীয়া পাতো দানাৰ লগত মিহলাব পাৰি৷ প্রথম ২ দিন ৰঙীন কণীৰ পাত্রও ফীডাৰ হিচাপে ব্যবহাৰ কৰিব পৰা যায়।

লিটাৰৰ সৰঞ্জাম

ব্রুডিঙৰ বাবে সাধাৰণভাবে ব্যবহৃত লিটাৰৰ সৰঞ্জামবিলাক হ’ল কাঠৰ গুৰি, তুহগুৰি ইত্যাদি৷ প্রথমে লিটাৰ ২ ইঞ্চি ওখকৈ পাৰিব লাগে আৰু লাহে লাহে সেইটো বঢ়াই ৩-৪ ইঞ্চিলৈকে কৰা হয়৷ আঠা লাগি যোৱা বন্ধ কৰিবলৈ লিটাৰ কিছুদিন পিচে পিচে উলট-পালট কৰি দিব লাগে।

পালন পদ্ধতি

টার্কি মুক্তভাৱে চৰোৱা পদ্ধতি আৰু আৱদ্ধ পদ্ধতিত পালন কৰিব পাৰি।

ক) মুক্তভাৱে চৰোৱা পদ্ধতি

সুবিধা সমূহ:

• দানাৰ খৰচ পঞ্চাশ শতাংশ হ্ৰাস কৰে৷
• বিনিয়োগৰ প্ৰয়োজনীয়তা কম৷
• খৰচৰ তুলনাত লাভৰ হাৰ বেছি ৷

মুক্তভাবে চৰোৱা পদ্ধতিত বেৰৰ দ্বাৰা আৱদ্ধ কৰা এক একৰ ঠাইত ২০০-২৫০ টা পূর্ণ বয়স্ক টার্কি পালন কৰিব পৰা যায়৷ ৰাতি চৰাই প্রতি ৩-৪  বৰ্গফুট হাৰত আশ্রয়ৰ বাবে ঠাই দিব লাগে৷ চৰি খোৱাৰ সময়ত মাংসসাৰী জীৱজন্তৰ পৰা বচাব লাগে৷ ছাঁ আৰু শীতল পৰিবেশৰ বাবে গছ ৰুব লাগে৷ চৰণীয়া পথাৰ সাল-সলনি কৰি ব্যৱহাৰ কৰিলে পৰজিৱীৰ সংক্রমণ কম হয়৷
মুক্তভাবে খুওঁৱা:
যিহেতু টার্কি আৱর্জনা খুঁচৰি খোৱাত ভাল, গতিকে ইহঁতে মাংসসাৰ সমৃদ্ধ কেঁচু, সৰু সৰু পোক-পৰুৱা,শামুক, শাক-পাচলিৰ অৱশিষ্ট, উঁই পৰুৱা আদি খায় বাবে  দানাৰ খৰচ পঞ্চাশ শতাংশলৈকে হ্ৰাস পায়৷ ইয়াৰ উপৰিও শিমলু জাতীয় ঘাঁহ যেনে লুচার্ন, ডেছমেন্থাচ, স্টাইলো ইত্যাদিও খুৱাব পৰা যায়৷ মুক্তভাবে চৰা চৰাইৰ ঠেংৰ দুর্বলতা আৰু লেঙেৰা হোৱা প্ৰতিৰোধ কৰিবলৈ কেলচিয়াম হিচাপে শামুকৰ খোলা সপ্তাহত ২৫০ গ্রাম হিচাপত দানাত মিহলাই দিব লাগে৷ দানাৰ খৰচ কমাবৰ বাবে মুঠ আহাৰৰ পৰিমানৰ দহ শতাংশলৈকে শাক-পাচলিৰ অৱশিষ্ট যোগান ধৰি পূৰণ কৰিব পৰা যায়।
স্বাস্থ্য ৰক্ষা:
মুক্তভাৱে চৰোৱা ব্যৱস্থাত পালন কৰা টার্কিৰ অভ্যন্তৰীণ (ঘূৰণীয়া কৃমি) আৰু বাহ্যিক(ফাউল মাইট)পৰজীৱিৰ সংক্রমণৰ সম্ভাবনা অত্যন্ত বেছি৷ সেয়ে চৰাইবিলাকৰ বিকাশৰ বাবে মাহত এবাৰ পেলুনিবাৰন আৰু ডিপিং কৰাটো প্ৰয়োজন৷

খ) আৱদ্ধ পদ্ধতিত পালন

উপকাৰিতা:

• উন্নত উৎপাদন দক্ষতা৷
• উন্নততৰ পৰিচালন আৰু ৰোগ নিয়ন্ত্রণ৷

বাসস্থান:

• টার্কিবিলাকক ৰ’দ, বৰষুণ, বতাহ, চিকাৰি জীৱজন্তুৰ পৰা বচাই ৰাখি আৰাম জোগাবৰ কাৰণে বাসস্থানৰ প্ৰয়োজন৷
• অপেক্ষিকভাবে গৰম অঞ্চলবিলাকত ঘৰ বিলাক দীঘলে-দীঘলে পূবৰ পৰা পশ্চিমলৈ হ’ব লাগে।
• দুটি ঘৰৰ মাজত অন্তত ২০ মিটাৰ দূৰত্ব থাকিব লাগে হবে আৰু কমবয়সীয়া চৰাইৰ ঘৰ প্রাপ্তবয়স্কবিলাকৰ ঘৰৰ পৰা অন্তত ৫০ ৰ পৰা ১০০ মিটাৰ দূৰত থাকিব লাগে৷
• খোলা ঘৰৰ প্রস্থ ৯ মিটাৰতকৈ বেছি হব নালাগে৷
• মজিয়াৰ পৰা চালৰ উচ্চতা ২.৬ ৰ পৰা ৩.৩ মিটাৰৰ ভিতৰত থাকিব লাগে৷
• বৰষুণৰ ছিটিকনি যাতে ভিতৰত নাহে তাৰ বাবে ঘৰৰ চাল এক মিটাৰ বড়াই ৰাখিব লাগে৷
• ঘৰৰ মজিয়া কম খৰচী, মজবুত, নিৰাপদ, আর্দ্রতা ৰোধক বস্তু, যেনে, কংক্রিটৰ, হোৱা বাঞ্ছনীয়৷

ডিপ লিটাৰ পদ্ধতিত টার্কি পালনৰ সাধাৰণ পৰিচালনা ব্যৱস্থা কুকুৰা পালনৰ লগত একেই, কিন্তু ডাঙৰ আকৃতিৰ চৰাই বাবে যথাযথ বাসস্থান, ওয়াটাৰাৰ আৰু ফীডাৰাৰ ঠাইৰ ব্যবস্থা থাকিব লাগে৷

টার্কি ধৰা আৰু সৰবৰাহ কৰা

যিকোনো বয়সৰ টার্কিবিলাকক লাখুটিৰ দ্বাৰা সহজতে এঠাইৰ পৰা আনঠাইলৈ খেদি নিব পৰা যায়৷ টার্কি ধৰিবলৈ অন্ধকাৰ ঘৰেই সকলোতকৈ ভাল, য’ত ইহঁতক কোনোধৰনৰ আঘাত নিদিয়াকৈ দুই ঠেংত ধৰি ওঠাব পৰা যায়৷ কিন্তু প্রাপ্তবয়স্ক টার্কিবিলাকক ৩-৪ মিনিটতকৈ অধিক সময় ধৰি উলমাই ৰখা উচিত নহয়৷

টার্কিৰ বাসস্থান, খাদ্য আৰু পানীৰ বাবে প্রয়োজনীয় ঠাইৰ পৰিমাণ:

টার্কিৰ স্বভাৱ সাধাৰণত স্নায়ুপ্রবণ; সেয়ে যিকোনো বয়সৰ টাৰ্কি সোনকালে ভয় খায়৷ সেয়ে টার্কি থকা ঘৰত বেলেগ মানুহৰ প্ৰৱেশ সীমিত কৰিব লাগে৷

ডিবীকিং (ঠোঁট কটা)

পাখি খুঁচৰা আৰু ইটোৱে সিটোক খূঁটা নিয়ন্ত্রণ কৰিবলৈ পোৱালি চৰাইৰ ডিবীকিং কৰিব লাগে৷ এদিনিয়া বা ৩-৫ সপ্তাহ বয়সীয়া পোৱালিৰ ডিবীকিং কৰা হয়৷ নাকৰ বিন্ধাৰ পৰা ঠোঁটৰ আগলৈকে প্রায় আধা দূৰত্বত ঠোঁট কাটি দিব লাগে৷

ডিস্নুডিং

খূঁটা-খূঁটি আৰু যুঁজ লাগি মূৰত আঘাত পোৱাটো প্ৰতিহত কৰিবলৈ স্নুড বা ডিউবিল (ঠোঁটৰ গুৰিত থকা মাংসল পিণ্ড) আতৰাই দিয়া হয়৷ এদিন বয়সত আঙুলিৰ চাপ দি স্নুড তুলি পেলোৱা হয়। ৩ সপ্তাহ বয়সত ইয়াক চোকা কেচিৰ দ্বাৰা মূৰৰ একেবাৰে ওচৰত কাটি দিয়া হয়৷

ডিটোয়িং বা ঠেংৰ আঙুলি কটা (ক্লিপিং):

এদিন বয়সত ক্লিপিং কৰা হয়৷ ইয়াৰ বাবে বাহিৰৰ ফালৰ টো-পেডৰ ভিতৰ ঘঁষাই আঙুলিৰ আগ আৰু নখ সম্পূৰ্ণৰূপে কাটি পেলাই দিয়া হয়

আহাৰ

খাবলৈ দিয়াৰ পদ্ধতিবিলাক হ’ল মেশ্ব খুওঁৱা আৰু পেলেট (টেবলেট) খুওঁৱা৷

• কুকুৰাৰ তুলনাত টার্কিৰ শক্তি, প্র’টিন আৰু খনিজ লৱনৰ প্রয়োজন অধিক৷
• যিহেতু মতা আৰু মাইকীৰ ক্ষেত্রত প্রয়োজনীয় শক্তিৰ (এনার্জী) পৰিমাণ বেলেগ, সেয়ে ভাল ফল পাবলৈ ইহঁতক পৃথকভাবে পালন কৰিব লাগে৷
• আহাৰ ফীডাৰত দিব লাগে, মাটিত নহয়৷
• এক ধৰণৰ আহাৰৰ পৰা অন্যধৰনৰ আহাৰলৈ পৰিবর্তন কৰোতে ক্ৰমান্বয়ে লাহে লাহে কৰিব লাগে৷
• টার্কিবিলাকক সকলো সময়ত অবিৰাম পৰিষ্কাৰ পানীৰ যোগান ধৰিব লাগে৷
• গৰমকালি অধিক সংখ্যাত ওয়াটাৰাৰ ৰাখিব লাগে৷
• গৰমকালি দিনৰ তুলনামূতকভাবে ঠাণ্ডা সময়ত টার্কিবিলাকক খাবলৈ দিব লাগে৷
• ঠেংৰ দুর্বলতা ৰোধ কৰিবলৈ দৈনিক ৩০-৪০ গ্রাম হাৰত শামুকৰ খোলাৰ গুঁড়ি দিয়ক৷

সেউজীয়া খাদ্য

আৱদ্ধ পাদ্ধতিত, ড্রাই মেশ্ব হিচাপে মুঠ আহাৰৰ ৫০ শতাংশ পর্যন্ত সেউজীয়া আহাৰ দিব পৰা যায়৷ যিকোনো বয়সৰ টার্কিৰ বাবে সঁতেজ লুচার্ন উত্তম সেউজীয়া আহাৰ৷ ইয়াৰ ওপৰিও দানাৰ খৰচ কমাবৰ বাবে ডেছমেন্থাচ আৰু স্টাইলো কুটি টার্কিবিলাকক খুৱাব পৰা যায়৷

ওজন আৰু খাদ্য গ্রহণ:

প্রজনন সংক্রান্তীয় অভ্যাসসমূহ

স্বাভাবিক সঙ্গম :

পূর্ণবয়স্ক মতা চৰায়ে সঙ্গমকালীন সময়ত পাখিবিলাক মেলি দি ঘন ঘনকৈ এটি অদ্ভুত শব্দ কৰি থাকে, এই আচৰণক সাধাৰণতে স্ট্রাট বুলি কোৱা হয়। স্বাভাবিক সঙ্গমত মতা: মাইকীৰ অনুপাত মধ্যমীয়া আকাৰৰ টার্কিৰ ক্ষেত্ৰত ১:৫ আৰু ডাঙৰ আকাৰৰ বাবে ১:৩ হব লাগে৷ প্রতিটি পূর্ণবয়স্ক মাইকী চৰাইৰ পৰা গড়ে ৪০-৫০ টা পোৱালি পাবলৈ আশা কৰিব পাৰি৷ উর্বৰতা কমি যোৱাৰ বাবে প্রথম বছৰৰ পিছত পূর্ণবয়স্ক মতা পাখী সঙ্গমৰ বাবে খুব কমেই ব্যবহাৰ কৰা হয়৷ পূর্ণবয়স্ক মতা চৰাইৰ কোনো এটি বিশেষ মাইকীৰ প্রতি আকর্ষণ জন্মোৱাৰ প্রবণতা থাকে, সেয়ে প্রতি ১৫ দিনৰ অন্তৰালত পূর্ণবয়স্ক মতা চৰাই সালা-সলনি কৰি লব লাগে৷

কৃত্রিম গর্ভাধান:

কৃত্রিম গর্ভাধাৰনৰ উপকাৰিতা হল সমগ্র ঋতু ধৰি টার্কিৰ পালৰ উচ্চ উর্বৰতা বজাই ৰখা৷

প্রাপ্তবয়স্ক মতা চৰাইৰ বীর্য সংগ্রহ কৰা

• বীর্য সংগ্রহৰ বাবে মতা চৰাইৰ বয়স ৩২-৩৬ সপ্তাহ হব লাগে৷
• বীর্য সংগ্রহৰ অন্ততঃ ১৫ দিন আগৰ পৰাই মতা চৰাইটোক অকলে ৰাখিব লাগে৷
• মতা চৰাইটোক নিয়মিতভাবে হাতেৰে লৰ-চৰ কৰিব থাকিব লাগে। বীর্য সংগ্রহৰ বাবে  সময় লাগে ২ মিনিট৷
• মতা চৰাই স্পর্শকাতৰ হয় বাবে সর্বোচ্চ পৰিমাণত বীর্য পাবলৈ একেজন পালনকাৰীক বীর্য সংগ্রহৰ কামত লাগোৱা উচিত৷
• গড় বীর্যৰ পৰিমাণ ০.১৫ ৰ পৰা ০.৩০ মি.লি.৷
• সংগ্রহ কৰাৰ এক ঘণ্টাৰ ভিতৰত বীর্য ব্যৱহাৰ কৰিব লাগে৷
• সপ্তাহত তিনি দিন বা এদিন অন্তৰালত সংগ্ৰহৰ কাম কৰিব লাগে।

মাইকী চৰাইক নিষিক্ত কৰা :

• চৰাইৰ জাক ৮-১০ শতাংশ কণী উৎপাদনত উপনীত হ’লে কৃত্রিম গর্ভাধাৰন কৰোৱা হয়৷
• প্রতি তিন সপ্তাহৰ মূৰে মূৰে ০.০২৫-০.০৩০ মিলিলিটাৰ পাতল নকৰা বীর্যৰ দ্বাৰা মাইকী চৰাইক নিষিক্ত কৰক৷
• ঋতুৰ ১২ সপ্তাহ পিছৰ পৰা প্রত্যেক পোন্ধৰ দিনৰ অন্তৰলাত নিষিক্ত কৰা ভাল৷
• সন্ধিয়া ৫-৬ বজাৰ পিচত মাইকী চৰাইক নিষিক্ত কৰক৷
• এটি ১৬ সপ্তাহ জুৰা প্রজনন ঋতুত গড় উর্বৰতা ৮০-৮৫ শতাংশ হব লাগে।

টার্কিৰ সাধাৰণ ৰোগ

টিকাকৰণ সূচী:

টার্কি বাজাৰকৰণ কৰা

পূর্ণবয়স্ক মতা আৰু মাইকী টার্কিৰ ১৬ সপ্তাহত গাৰ ওজন ক্ৰমান্বয়ে ৭.২৬ কিলাগ্রাম আৰু ৫.৫৩ কিলোগ্রাম হয়৷ টার্কি বজাৰকৰণ কৰাৰ বাবে ই সর্বোত্তম ওজন৷

টার্কিৰ কণী:

• টার্কিয়ে ৩০তম সপ্তাহৰ পৰা কণী দিবলৈ আৰম্ভ কৰে আৰু ইয়াৰ কণী দিয়াৰ সময়সীমা হল কণী দিয়া আৰম্ভনিৰ দিনৰ পৰা ২৪ সপ্তাহলৈকে৷
• সঠিক খাদ্য আৰু যথাযথ কৃত্রিম পোহৰৰ প্রয়োগৰ সহায়ত মাইকী টার্কিয়ে বছৰত ৬০-১০০ টালৈকে কণী দিব পাৰে৷
• মুঠ কণীৰ প্রায় ৭০ শতাংশ আবেলি পাৰে।
• টার্কিৰ কণী ৰঙিন হয় আৰু কণীৰ ওজন প্রায় ৮৫ গ্রাম৷
• কণী এফালে লক্ষ্যণীয় ভাবে জোঙা হয় আৰু খোলা শক্তিশালী হয়৷
• টার্কিৰ কণীত প্রোটিন, লিপিড, কার্বোহাইড্রেট আৰু খনিজ পদার্থ থাকে যথাক্রমে ১৩.১ শতাংশ, ১১.৮ শতাংশ,১.৭ শতাংশ আৰু ০.৮ শতাংশ৷ কোলেস্টেৰল থাকে ১৫.৬৭-২৩.৯৭ মিলিগ্রাম/গ্রাম কুহুম৷

টার্কিৰ মাংস :

টার্কিৰ মাংসত সকলোতকৈ কম চর্বি থাকে বাবে গ্ৰাহকৰ বাবে বেছি পছন্দনীয়৷ প্রতি ১০০ গ্রাম টার্কিৰ মাংসৰ মাংসসাৰ, চৰ্বী আৰু এনার্জী মূল্য যথাক্রমে ২৪ শতাংশ, ৬.৬ শতাংশ, আৰু ১৬২ কেলৰী৷ ইয়াত খনিজ পদার্থ যেনে পটাচিয়াম, কেলচিয়াম, মেগনেচিয়াম, আইৰন, চেলেনিয়াম, জিংক আৰু চডিয়াম থাকে৷ ই অত্যাৱশ্যকীয় এমাইনো এচিড আৰু ভিটামিনতো সমৃদ্ধ যেনে নিয়াচিন, খাদ্যপ্ৰান বি৬ আৰু বি১২৷ ই অসংম্পৃক্ত ফেটি এচিড আৰু অত্যাৱশ্যকীয় ফেটি এচিড সমৃদ্ধ আৰু ক’লেস্টেৰ’লৰ পৰিমাণ  কম৷
২৪ সপ্তাহত বিক্রী কৰিব পৰা ৩০০ ৰ পৰা ৪০০ টকা খৰচ কৰি পালন কৰা ১০ ৰপৰা ২০ কি.গ্রা ওজনৰ এটা মতা টার্কিৰ পৰা ৫০০-৬০০ টকা লাভ পোৱা যায়৷ একেদৰে এটা মাইকী চৰাই ২৪ সপ্তাহ সময়সীমাত ৩০০ ৰ পৰা ৪০০ টকা লাভ দিব৷ ইয়াৰ ওপৰিও, টার্কি সম্পূর্ণ আৰু আংশিক ভাবে আৱর্জনা খুঁচৰি খাইয়ো পালিত হব পাৰে৷

উৎস: আইএনডিজি দল।