তিল এবিধ ঔষধি গুণসম্পন্ন তেলজাতীয় শস্য। এইবিধ শস্যই হিন্দু ধৰ্মৰ বিভিন্ন পূজা-পাৰ্বনত আগস্থান পাই আহিছে। ইয়াৰ তেল অতি মূল্যৱান। প্ৰায় সকলো ৰাজ্যতে উৎপন্ন হোৱা অতি লাভজনক তিল খেতিৰ কৃষি পদ্ধতি চমুকৈ এনেধৰণৰ-
পানী ওলাই যোৱাৰ সু-ব্যৱস্থা থকা বালি পলসুৱা মাটি এই খেতিৰ বাবে উপযুক্ত।
৩-৪ বাৰ হাল বাই, মৈ দি মাটিডৰা মিহি কৰি ল’ব লাগে।
বীজ সিঁচাৰ সময়:
জুলাই মাহৰপৰা আগষ্ট মাহৰ প্ৰথম পষেকৰ ভিতৰত বীজ সিঁচিব লাগে।
বীজ নিৰ্বাচন:
এছ পি ১১৮১(মুগা) |
৭০-৭৫ দিন |
এছ টি ১৬৮৩(ক’লা) |
৯০-৯৫ দিন |
গৌৰী(মুগা) |
৭৫-৮০ দিন |
বিনায়ক(মুগা) |
৭৫-৮০ দিন |
আৰ টি-১(ক’লা) |
৮০-৯০ দিন |
পঞ্জাব তিল নং-১(বগা) |
৭৫-৮৫ দিন |
সিঁচি কৰা বা শাৰীবদ্ধ প্ৰণালীৰে কৰা- উভয় ক্ষেত্ৰতে প্ৰতি বিঘাত ৬০০ গ্ৰাম বীজৰ প্ৰয়োজন।
ব্যৱধান:
শাৰীৰ মাজত ৩০ ছেন্টিমিটাৰ আৰু গছৰ মাজত ১৫ ছেন্টিমিটাৰ।
সাৰ প্ৰয়োগ:
পচন সাৰ বা গোবৰ সাৰ বিঘাত ১০ কুইন্টল ৰাসায়নিক সাৰ(বিঘাই প্ৰতি) ইউৰীয়া-৯ কিলোগ্ৰাম, একক ছুপাৰ ফছফেট- ১৮ কিলোগ্ৰাম, মিউৰেট অব পটাচ ৫ কিলোগ্ৰাম। বীজ সিঁচাৰ সময়ত সমুদায় সাৰ প্ৰয়োগ কৰিব লাগে।
২০ দিন পিছত খুৰপি বা কোৰেৰে বনবাত নিৰাই দিব লাগে।
খেতি চপোৱা:
পাত আৰু গা-গছবোৰ হালধীয়া হ’লে, পাত সৰিবলৈ ধৰিলে আৰু গুৰিৰ পিনে ছেঁইবোৰ হাতেৰে চেপি দিলে ওপৰৰ পিনৰপৰা ফাটিবলৈ ল’লে খেতি চপাব লাগে।
উৎপাদন:
হেক্টৰে প্ৰতি ৬-৮ কুইন্টল।
লেখক:প্ৰবোধ চন্দ্ৰ শৰ্মা(দৈনিক অসম)
শেহতীয়া উন্নীতকৰণ: : 12/21/2023