অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

কীটনাশক প্ৰয়োগ কৰি উৎপাদিত খাদ্যবস্তু খাওঁতে সাৱধান হওক

কীটনাশক প্ৰয়োগ কৰি উৎপাদিত খাদ্যবস্তু খাওঁতে সাৱধান হওক

 

১) কীটনাশক প্ৰয়োগ কৰা বিভিন্ন শস্য, ফলমূল, শাক-পাচলি আদি ভালদৰে ধুই বা ৰান্ধিহে খাব লাগে । ফলমূলবোৰ নিমখ মিহলি পানীত চাৰি-পাঁচ মিনিট তিয়াই ৰাখি পাছত ভালদৰে ধুই খাব লাগে ।

২) শাক-পাচলি ধুই ৰন্ধাৰ আগত তাত অকণমান ভিনেগাৰ ছটিয়ালে ঔষধৰ প্ৰভাৱ কমে । ফলমূলতো অলপ খোৱা ছ’ডা দি ভালদৰে খোৱাৰ আগতে ধুলেও বিষক্ৰিয়া বহুখিনি কমে ।

৩) বাকলিযুক্ত শাক-পাচলি বাকলি গুচাই খাব বা ৰান্ধিব লাগে । ভাপত সিজালেও ফল বা পাচলিত থকা ঔষধৰ অৱশিষ্ট কমে ।

কীটনাশক ঔষধৰ পাৰ্শ্বক্ৰিয়াসমূহৰ প্ৰতি লক্ষ্য ৰাখি পৰাপক্ষত এইসমূহ ব্যৱহাৰ নকৰি আন উপায়েৰে শস্য ৰক্ষাৰ ব্যৱস্থা কৰিব পাৰিলে ভাল । একান্ত জৰুৰী হ’লেহে বিজ্ঞানসন্মতভাৱে সঠিক পৰিমাণত, সঠিক সময়ত এইসমূহ প্ৰয়োগ কৰিব লাগে ।

 

পুখুৰীত মাছৰ প্ৰাকৃতিক খাদ্য কেনেদৰে বঢ়াব পাৰি -

পৰিপূৰক খাদ্যৰ লগতে মাছৰ উৎপাদন বঢ়াবলৈ পুখুৰীত প্ৰাকৃতিক খাদ্যৰ পৰিমাণ বঢ়োৱাটো অত্যন্ত জৰুৰী । মাছৰ প্ৰাকৃতিক খাদ্যসমূহৰ ভিতৰত উদ্ভিদ প্লৱক আৰু প্ৰাণী প্লৱক অন্যতম । পানীত প্লৱকৰ পৰিমাণ বঢ়াবলৈ ৰাসায়নিক আৰু জৈৱিক সাৰৰ প্ৰয়োজন অত্যন্ত জৰুৰী । এবিঘা পানীকালিৰ পুখুৰীত ৩ কি:গ্ৰা: ইউৰিয়া আৰু ৪ কি:গ্ৰা: ছুপাৰ ফছফেট প্ৰয়োগ কৰা অত্যন্ত জৰুৰী । তদুপৰি জৈৱিক সাৰ হিচাপে গৰুৰ কেঁচা গোবৰ অথবা গাহৰিৰ মল, হাঁহ-কুকুৰাৰ মল আদি প্ৰয়োগ কৰিব লাগে । প্ৰতি চাৰি কঠাৰ (প্ৰায় এবিঘা) পানীকালিৰ পুখুৰীত এজনী গৰুৰ দৈনিক গোৱৰখিনি প্ৰয়োগ কৰিব পাৰি । তদুপৰি এটা গাঁতত গৰুৰ কেঁচা গোবৰ, সৰিয়হৰ খলিহৈ আৰু চিঙ্গল ছুপাৰ ফছফেট ৩:২:১ অনুপাতত মিহলাই নিয়মীয়াকৈ পানী দিয়াৰ ব্যৱস্থা কৰিব লাগে । এই তিনিটা মিশ্ৰণ তৃতীয় দিনৰ পৰা পুখুৰীত প্ৰয়োগ কৰাৰ বাবে উপযোগী হয় । মিশ্ৰণটোৰ উপকাৰীতা হ’ল- ইয়ে অতি সোনকালে পানীত প্লৱকৰ পৰিমাণ বঢ়াই মাছ পালনৰ বাবে পুখুৰীটো উপযোগী কৰি তোলে ।

উৎস :- অসমীয়া খবৰ

 

 



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate