পাৰ্থেনিয়ামৰ নিয়ন্ত্রণ ব্যৱস্থা

পাৰ্থেনিয়াম নামৰ উদ্ভিদজাত পৃথিৱীৰ বিভিন্ন জাত ভয়ানক উদ্ভিদৰ ভিতৰত এবিধ বুলি কোৱা হয় । এইবিধ উদ্ভিদক বিভিন্ন ঠাইত হোৱাইট ট'প (White top) বুলিও জনাজাত । এই অপতৃণ বিধৰ জন্ম অথবা আদি বাসস্থান আছিল মেক্সিকো , ৱেষ্ঠইণ্ডিজ দীপপুঞ্জ , উত্তৰ আৰু দক্ষিণ আফ্রিকা আদি । ভাৰতত ইয়াৰ আৰ্বিভাৱ হয় ১৯৫৬ চনত যেতিয়া ভাৰতলৈ আমেৰিকাৰ পৰা পি এল - ৪৮০ আচনিত ঘেঁহু ৰপ্তানি কৰা হৈছিল । অসমত অতি কম সময়ৰ ভিতৰত এইবিধ উদ্ভিদে চানি ধৰিলে । এইবিধ উদ্ভিদক ৰাস্তাৰ দাতিঁত , ফুলৰ বাগানৰ ভিতৰত , ৰেলৰ লাইনৰ কাষত আৱাসিক অঞ্চলত দেখা পোৱা যায় । ক্ষিপ্রগতিত বিভিন্ন অঞ্চললৈ যেনে বিয়পিব পৰা কাৰণ সমূহ যেনে : ক্ষিপ্র গতিত বিভিন্ন প্রজনন আৰু অতি সোনকালে বিয়পি যাব পৰা ব্যৱস্থা , প্রাকৃ্তিক শক্র নোহোৱা , ৩ -৪ টা জীৱন চক্র এবছৰৰ ভিতৰত সম্পূৰ্ণ কৰা , অতি প্রতিকূল বতৰতো বংস বিস্তাৰ কৰিব পৰা আৰু বিষাক্ত ৰস নিৰ্গত কৰিব পৰা গুণ বোৰৰ বাবেই এই উদ্ভিদ জাতবোৰ দিনক দিনে চাৰিওফালে বিয়পি পৰা দেখা গৈছে । অসমৰ সকলো জিলাতে এইবিধ উদ্ভিদক উপস্থিতি অলপ ওচৰত দেখা পোৱা যায় ইয়াৰ ভিতৰত বঙ্গাঁইগাওঁ , কামৰূপ , গো্লাঘাট , তিনিচুকীয়া , ডিব্রুগড় , নগাওঁ জিলাত ইয়াৰ প্রভাৱ বৰবেচি বিশেষ কিছু কাৰণ শেত ব্রক্ষপুত্রৰ উত্তৰ পাৰৰ জিলা কেইখন এই উদ্ভিদৰ প্রসাৰ অলপ কম দেখা পোৱা যায় । পাবৰ্ত্য অঞ্চলৰ ভিতৰত কাৰ্বিআংলঙ আৰু উত্তৰ কাছাৰ জিলাত এই উদ্ভিদজাত দেখা পোৱা যায় । পাৰ্থেনিয়াম অথবা কংগ্রেছ উদ্ভিদ প্রতিৰোধ কৰিবলৈ ০.২ শতাংশ মেট্রিবুক্সিন (metribuxin) ঔষধ / অপতৃণ নাশক প্রয়োগ কৰিলেই ইয়াৰ বংশ বিস্তাৰৰ পৰা ৰক্ষা পাব পাৰি ।

উৎস: অসম কৃষি বিশ্ববিদ্যালয়।