নেমু গছজোপাৰ অলাগতিয়াল ডাল-পাত কেনেকৈ চিকুণাব?
ফলমূলৰ গছৰ পৰা অধিক উৎপাদন লাভ কৰাৰ লগতে গছজোপাক নিৰোগী আৰু সুস্থ কৰি ৰাখিবলৈ অলাগতিয়াল ডাল-পাত সময়মতে চিকুনাই থকাটো অতি জৰুৰী। আপোনাৰ ঘৰৰ নেমু গছকেইজোপাও ইয়াৰ ব্যতিক্ৰম নহয়। নেমু গছ চিকুণাবলৈ তলত দিয়া ধৰণে ব্যৱস্থা লওক:
- নেমু গছৰ সবল, কাইটিয়া কাণ্ডবোৰৰ উৎপাদন ক্ষমতা প্ৰায় শূণ্য। এনে ডাল পাতবোৰ কাটি পেলাওক।
- নেমু গছ দুবছৰমান হোৱাৰ পৰাই ইয়াৰ অলাগতিয়াল ডাল-পাতবোৰ কাটিব লাগে। এই অৱস্থাৰ পৰা ডাল পাত চিকুণালে গছজোপাক সুন্দৰ আকাৰ দিব পাৰি। মাটিৰ পৰা ৬৫ ছেন্টিমিটাৰ ওপৰত ডাল বাঢ়িবলৈ দিব লাগে আৰু গছজোপাত মুখ্য ডালৰ সংখ্যা ৩-৫ ডাল ৰাখিব লাগে।
- নেমু গছৰ মাজভাগ বতাহৰ পৰা অধিক সুৰক্ষিত। সেয়েহে গছজোপাৰ মাজভাগৰ ডালত ফল ধৰিব পৰাকৈ গছজোপা চিকুণাব লাগে।
- পৈণত গছৰ ৰুগ্ন, মৃতপ্ৰায় আৰু বাঢ়িবলৈ এৰি দিয়া ডালবোৰ কাটি পেলাব লাগে।
- ওপৰা-ওপৰিকৈ বাঢ়িবলৈ লোৱা ডাল-পাতবোৰ কাটি দিব লাগে।
- গছৰ উচ্চতা আৰু প্ৰস্থ কমাই ৰাখিব লাগে।
- সূৰ্য্যৰ পোহৰ সমানে পৰিব পৰাকৈ গছজোপাৰ সকলো অংশতে ডাল-পাতবোৰ কাটিব লাগে।
- পুৰণি গছৰ প্ৰধান ডালবোৰ কাটি দিলে তাৰ ঠাইত নতুন ডালৰ সৃষ্টি হয়। প্ৰথমতে এটা ফালৰ এনে ডাল কাটি ১-২ বছৰ পাছত আনটো ফালৰ ডাল কাটিব লাগে।
- ডাল কটাৰ বাবে ব্যৱহাৰ কৰা দা বা কটাৰীখন ৩ শতাংশ শক্তিযুক্ত ছ’ডিয়াম হাইপ’ক্ল’ৰাইড মিশ্ৰণত তিয়াই বীজাণুমুক্ত কৰি ল’ব লাগে।
- গ্ৰীষ্মকালত ডাল বেছিকৈ কাটিব নালাগে। ফুল ফুলাৰ সময়তো ডাল কটা উচিত নহয়।
উৎস: কৃষি বিভাগ, অসম
শেহতীয়া উন্নীতকৰণ: : 6/22/2020
0 ratings and 0 comments
Roll over stars then click to rate.
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.