অ’ডিটেক স্কুল অব্ মিডিয়া আৰ্টছ

গুৱাহাটীৰ পূৱ গীতানগৰত অৱস্থিত অ’ডিটেক ষ্টুডিঅ’তে বিশিষ্ট সংগীত পৰিচালক, ছাউণ্ড ইঞ্জিনীয়াৰ ভূপেন উজীৰে এই সকলো পাঠ্যক্ৰমেৰে তাত্ত্বিক আৰু ব্যৱহাৰিক শিক্ষা প্ৰদান কৰে| লগতে ষ্টুডিঅ’ত কৰ্মৰত আন বৃত্তিয়াল লোকৰ পৰাও আনুষংগিক নানা শিক্ষা আহৰণৰ সুযোগ শিক্ষাৰ্থী সকলক দিয়া হয়| বিদ্যালয় কৰ্তৃপক্ষই জনোৱা মতে চলিত ২০১৬ চনৰ আগষ্টত উল্লিখিত পাঠ্যক্ৰমসমুহৰ শিক্ষাদান আৰম্ভ হ’ব| উল্লেখযোগ্য যে ছাউণ্ড ইঞ্জিনীয়াৰিঙৰ পাঠ্যক্ৰমত শব্দগ্ৰহণ, সম্পাদনা, মিক্সিং, মাষ্টাৰিং আদি শিকোৱা হয়, যাতে শিক্ষাৰ্থীৰ সৃজনী প্ৰতিভা আৰু লাভ কৰা প্ৰশিক্ষণে সংগীতৰ বৃত্তিমুখী ক্ষেত্ৰত তেওঁলোকক প্ৰতিষ্ঠা লাভত সহায় কৰে| সংগীতৰ বিশ্বত বিপুল পৰিৱৰ্তন ঘটিছে| সেয়েহে সংগীতজ্ঞৰুপে সফল হব’লৈ সংগীতৰ তত্ব, ব্যৱস্থাপনা, ছিকুৱেন্সিং, ৰেকৰ্ডিং, মিক্সিং আদিৰ অত্যাধুনিক ইলেকট্ৰনিক ক্ষেত্ৰখনৰো বিতং জ্ঞানৰ আৱশ্যক| অ’ডিটেক স্কুল অব্‌ মিডিয়া আৰ্টছৰ ‘মিউজিক প্ৰডাকচন’ৰ পাঠ্যক্ৰম এইক্ষেত্ৰত সহায়ক|

উৎস:- অসমীয়া প্ৰতিদিন, সম্ভাৰ