অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ইঞ্জিনীয়াৰিঙৰ ছাত্ৰ-ছাত্ৰীৰ বাবে ৰবটিক্‌ছ ইঞ্জিনীয়াৰিং

ইঞ্জিনীয়াৰিঙৰ ছাত্ৰ-ছাত্ৰীৰ বাবে ৰবটিক্‌ছ ইঞ্জিনীয়াৰিং

ৰবট এটাত থকা বিভিন্ন যন্ত্ৰাংশ আদি বিষয় বা ৰবট এটাৰ আঁৰৰ সকলোখিনিয়েই সাধাৰণ ভাষাত ৰবটিক্‌ছ বুলিব পাৰো। সাধাৰণতে এই কথা ভবা নাযায় যে ইও এক বহুলভাৱে অধ্যয়ন কৰিবলগীয়া বিষয়বস্তু হ’ব পাৰে। কিন্তু প্ৰকৃতাৰ্থত ইয়াৰ অধ্যয়নৰ পৰিসৰ খুবেই বহল। সেয়ে ভাৰতৰ বিভিন্ন আগশাৰীৰ শিক্ষানুষ্ঠানে আগবঢ়াইছে এই ৰবটিক্‌ছ বি টেক আৰু এম টেক ডিগ্ৰীৰ পাঠ্যক্ৰম।

‘ৰবট’ শব্দটো আমাৰ সকলোৰে কাৰণে এটা খুবেই পৰিচিত শব্দ। বিশেষকৈ ইঞ্জিনীয়াৰিঙৰ ছাত্ৰ-ছাত্ৰীয়ে হওক বা কোনো এজন ইঞ্জিনীয়াৰিং পঢ়িব খোজা ছাত্ৰ-ছাত্ৰীয়ে হওক তেওঁলোকৰ কাৰণেতো কথাই নাই। ৰবট এটাত থকা বিভিন্ন যন্ত্ৰাংশ আদি বিষয় বা ৰবট এটাৰ আঁৰৰ সকলোখিনিয়েই সাধাৰণ ভাষাত ৰবটিক্‌ছ বুলিব পাৰো। সাধাৰণতে এই কথা ভবা নাযায় যে ইও এক বহুলভাৱে অধ্যয়ন কৰিবলগীয়া বিষয়বস্তু হ’ব পাৰে। কিন্তু প্ৰকৃতাৰ্থত ইয়াৰ অধ্যয়নৰ পৰিসৰ খুবেই বহল। সেয়ে ভাৰতৰ বিভিন্ন আগশাৰীৰ শিক্ষানুষ্ঠানে আগবঢ়াইছে এই ৰবটিক্‌ছ বিষয়টোত বি টেক আৰু এম টেক ডিগ্ৰীৰ পাঠ্যক্ৰম। ৰবটিক্‌ছ বিষয়ত বি টেক বা স্নাতক ডিগ্ৰীত নামভৰ্তিৰ বাবে বিজ্ঞান শাখাৰ উচ্চতৰ মাধ্যমিক উত্তীৰ্ণ হ’ব লাগে যদিও গণিত, জীৱ-বিজ্ঞান আৰু কম্পিউটাৰ বিষয়কেইটা থকাটো বাঞ্ছনীয়। তেনেদৰে এম টেক বা স্নাতকোত্তৰ ডিগ্ৰীত নামভৰ্তিৰ বাবে মেকানিকেল, কম্পিউটাৰ ছায়েন্স, ইলেক্ট্ৰিকেল, ইলেক্ট্ৰ’নিকছ এণ্ড কমিউনিকেচন, মেকাট্ৰ’নিক্‌ছ, এৰ’ন’টিকেল ইত্যাদি যিকোনো এটা বিষয়ত ইঞ্জিনীয়াৰিঙৰ স্নাতক হ’ব লাগে। ভাৰতৰ আটাইকেইখন আই আই টিতে এই বিষয়ৰ স্নাতক আৰু স্নাতকোত্তৰ পাঠ্যক্ৰম আছে।

তদুপৰি আই আই টি হায়দৰাবাদ, বি আই টি এছ পিলানি, পি এছ জি কলেজ অব্‌ ডেৰাডুন আদি আগশাৰীৰ শিক্ষানুষ্ঠানে এই বিষয়ত স্নাতক আৰু স্নাতকোত্তৰ পাঠ্যক্ৰম আগবঢ়াইছে। নিয়োগৰ ক্ষেত্ৰতো নতুনকৈ নিয়োজিত হোৱা একোজন ৰবটিক্‌ছ ইঞ্জিনীয়াৰৰ দৰমহা অতি লোভনীয়। নতুনকৈ নিয়োজিতজনৰো বাৰ্ষিক আয় ৫ ৰ পৰা ৮ লাখ পৰ্যন্ত হোৱা দেখা যায় আৰু পদোন্নতি আৰু অভিজ্ঞতাৰ লগে লগে ই বাঢ়ি যায়।

ৰবটিক্‌ছ ইঞ্জিনীয়াৰিঙৰ প্ৰতিষ্ঠান

  • দা ইউনিভাৰ্ছিটি কলেজ অব্‌ ইঞ্জিনীয়াৰিং, ওছমানিয়া বিশ্ববিদ্যালয়।
  • বিৰলা ইন্সষ্টিটিউট অব্‌ টেকন’লজি এণ্ড ছায়েন্স।
  • যাদৱপুৰ বিশ্ববিদ্যালয়।
  • আই আই টি দিল্লী, মুম্বাই, চেন্নাই, কানপুৰ।
  • ইণ্ডিয়ান ইনষ্টিটিউট অব্‌ ছায়েন্স বাংগালুৰু।

ৰবটিক্‌ছ ইঞ্জিনীয়াৰ এজনৰ নিয়োগৰ ক্ষেত্ৰত ভাৰতৰ আগশাৰীৰ প্ৰতিষ্ঠানসমূহৰ ভিতৰত আছে:

  • এবিবি ফ্লেক্সিব’ল অটোমেচন।
  • য়চকাৱা ইণ্ডিয়া প্ৰাইভেট লিমিটেড।
  • ৰ’বচফ্‌ট চিষ্টেমছ।
  • জে ৰবটিক্‌ছ।
  • গ্ৰিডব’ট টেক’নলজিছ
  • অটোমেচন এণ্ড ৰবটিক্‌ছ ইণ্ডিয়া লিমিটেড।
  • বস্তন ডায়নামিকছ।
  • মজুৰ ৰবটিক্‌ছ।
  • ৰেকন ৰবটিক্‌ছ।
  • হাই-টেক ৰবটিক্‌ছ চিষ্টেমছ লিমিটেড।
  • এচিই অটোমেচন।

লিখক: অৰূপ কুমাৰ ডেকা, সম্ভাৰ, অসমীয়া প্ৰতিদিন।



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate