অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

আপোনাৰ টুথব্ৰাছডাল :

আপোনাৰ টুথব্ৰাছডাল :

 

আমি দাঁত পৰিষ্কাৰ কৰিবলৈ টুথব্ৰাছ ব্যৱহাৰ কৰোঁ। প্ৰকৃতিয়ে দাঁতৰ যত্ন ল’বলৈ সৌৰা গছৰ ঠাৰি, ভোট এৰা, গছৰ ঠাৰি আদি কিছুমান গছ আমাক উপহাৰ দিছে। সেয়ে আগেয়ে দাঁত পৰিষ্কাৰ কৰিবলৈ সৌৰাৰ ঠাৰি, ভোট এৰা বা নিম ঠাৰি ব্যৱহাৰ কৰিছিল।

বৰ্তমানেও অৱশ্যে কিছু সংখ্যক কিছু সংখ্যকে দাঁতোন হিচাপে প্ৰকৃতি প্ৰদত্ত বিভিন্ন বস্তু ব্যৱহাৰ কৰে। এতিয়া আধুনিকতাই হওক বা সয়ৰ অভাৱৰ বাবেই হওক টুথব্ৰাছৰ আৱিষ্কাৰৰ লগে লগে মানুহে সহজে হোৱা টুথব্ৰাছেৰেই দাঁত পৰিষ্কাৰ কৰিবলৈ ল’লে।

কিন্তু কেনে ধৰণৰ টুথব্ৰাছ ব্যৱহাৰ কৰিব লাগে নজনাৰ কাৰণে প্ৰায়ে দাঁতৰ বিভিন্ন ৰোগত আক্ৰান্ত হোৱা দেখা যায়।

সেয়ে টুথব্ৰাছ কিনোতে কিছুমান কথাত গুৰুত্ব দিয়া উচিত।

*ভাল কোম্পানীৰ টুথব্ৰাছহে ব্যৱহাৰ কৰিব লাগে।

*দাঁত ঘঁহিবলৈ ব্যৱহাৰ কৰা ব্ৰাছডাল সদায় কোমল হোৱা উচিত। কঠিন ব্ৰাছ ব্যৱহাৰ কৰিলে দাঁতৰ ওপৰে-তলে থকা মঙহত আঘাত লাগিব পাৰে আৰু ঘাঁৰ সৃষ্টি কৰিব পাৰে।

*টুথ পাউদাৰ ব্যৱহাৰ কৰিলে মোলায়ম পাউদাৰহে ব্যৱহাৰ কৰিব লাগে।

*টুথপেষ্ট ব্যৱহাৰ কৰাৰ আগেয়ে ব্ৰাছডাল ভালদৰে ধুইহে টুথপেষ্ট লগাব লাগে।

*টুথপেষ্ট কিনোতে কেলছিয়াম থকা জেল টুথপেষ্ট কিনিব লাগে।

*টুথব্ৰাছত থকা নোমল আঁহ বাহিৰৰপৰা ভিতৰলৈ সোমোৱা হ’ব লাগে। তেনে ধৰণৰ ব্ৰাছহে কিনা উচিত।

*দাঁত ব্ৰাছ কৰোঁতে ওপৰৰ পাৰি দাঁত ওপৰৰপৰা তললৈ আৰু তলৰ পাৰি দাঁত ব্ৰাছ কৰোঁতে তলৰপৰা ওপৰলৈ ব্ৰাছ কৰিব লাগে।

*পাৰিলে দিনত দুবাৰ আৰু ৰাতি আহাৰ খোৱাৰ পিছত দাঁত ব্ৰাছ কৰিব লাগে।

লেখিকা: ললিতা শৰ্মা লহকৰ(দৈনিক অসম)



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate