অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

চকুৰ গুৰি স্বাস্থ্যৱান কৰি ৰখাৰ বাবে :

চকুৰ গুৰি স্বাস্থ্যৱান কৰি ৰখাৰ বাবে :

 

আমি যেতিয়া আমাৰ চকুৰ গুৰি ক’লা পৰা দেখো, তেতিয়া আমাৰ মনটো অলপ হ’লেও চিন্তিত হৈ পৰে। কাৰণো উলিয়াবলৈ চেষ্টা কৰো। বিশেষকৈ টোপনি ক্ষতি হৈছে নেকি? সাধাৰণতে টোপনি ক্ষতিৰ বাবে হ’ব পাৰে-

*বহু ৰাতিলৈ ম’বাইল চাই থকাৰ বাবে।

*কম্পিউটাৰত বেছিকৈ কাম কৰাৰ বাবে।

*হতাশা, শাৰীৰিক আৰু মানসিক হেঁচা।

*ভাগৰৰ বাবে, বহু ব্যস্ততাৰ বাবে।

*নাকৰ এলাৰ্জি থকাৰ বাবে।

*ছালত খজুৱতি হোৱাৰ বাবে।

*বেছিকৈ ৰ’দত ওলোৱাৰ বাবে।

*খুব বেছিকৈ শুই থকাৰ বাবে।

*শৌচ টান হোৱাৰ বাবে।

*বয়সৰ বাবে।

*মূৰৰ বিষ হ’লে।

*পৰম্পৰাগত ভাৱে হোৱা।

চকুত পৰা ক’লা দাগৰ বাবে মাজে মাজে মনটো বেয়া লাগে। যদি আমি ঘৰুৱা যত্ন কৰো, তেন্তে ই ক্ৰমান্বয়ে কমি যায়। কেইটামান ঘৰুৱা দিহা আগবঢ়ালো।

*বাদামৰ তেল কুহুমীয়াকৈ গৰম কৰি জেষ্টমধু আৰু কেশৰ অলপ দিব, গৰম কৰি ঠাণ্ডা কৰি এটা বটলত থৈ দিব। সদায় ৰাতি শোৱাৰ আগেয়ে জেষ্টমধু মিহলোৱা উক্ত মিশ্ৰণটো চকুত মালিচ কৰি থৈ দিব। এনেদৰে মালিচ কৰিলে কিছু দিনৰ পাছত ভাল হৈ যাব। কেতিয়াবা আমাৰ চকুৰ কাষৰ সিৰা-উপসিৰাসমূহৰ তেজ চলাচল সঠিক নহয়। মালিচৰ ফলত তেজ সঞ্চালন হৈ চকুৰ গুৰি সতেজ হৈ পৰে। অৰ্থাৎ ক’লা চামনি কমি যায়। কেশৰৰ দ্বাৰা ছালৰ ৰং বগা হয়। জেষ্টমধুৰ দ্বাৰা তেজ সঞ্চালন সঠিক হয়। জেষ্টমধুৰ দ্বাৰা তেজ সঞ্চালন সঠিক হয়। বাদামৰ তেলত ভিটামিন ই থাকে। ই ছালক কোমল আৰু বগা কৰাত সহায় কৰে। নিয়মিত ৰাতি শোৱাৰ আগেয়ে কৰিলে চকুৰ গুৰি বগা হৈ পৰিব।

*ঘৰতে কৰা দৈৰ লগত ধনিয়া পাতৰ ৰস মিহলাব। দৈ দুই চামুচৰ লগত আধা চামুচ ধনিয়া পাতৰ ৰস মিহলাই ল’ব। এই মিশ্ৰণত কপাহ তিয়াই চেপি লৈ চকুৰ পতাত দি আৰাম কৰিব। দৈত লেকটিক এচিড থাকে। গতিকে ই বগা কৰাত সহায় কৰে। ধনিয়া পাত ব্যৱহাৰ কৰিলে তেজ চলাচল সঠিকভাৱে হয়। সপ্তাহত তিনি-চাৰিবাৰকৈ ব্যৱহাৰ কৰিলে ভাল ফল পাব।

*ছালকুঁৱৰীৰ ৰস এডাল ঠাৰিৰ পৰা চামুচেৰে উলিয়াই ল’ব আৰু কেঁচা আলু ৰুকি লৈ মিহলাব। ছালকুঁৱৰীৰ ৰস আৰু আলুৰ ৰস সমান পৰিমাণে মিহলাব। এতিয়া চকুৰ গুৰি গোলাপজলত তিয়াই লোৱা কপাহেৰে পৰিস্কাৰ কৰিব। অৱশ্যে কপাহখিনি চেপি ল’ব। আলু আৰু ছালকুঁৱৰীৰ মিশ্ৰণটো চকুৰ ওপৰত দিব দিয়াৰ আগেয়ে কপাহ পাতল আৰু  ঘূৰনীয়াকৈ কাটি চকুৰ পতাত দি ল’ব।

*কপাহৰ ওপৰত মিশ্ৰনটো দি ৰেডিঅ’ৰ ধুনীয়া গানসমূহ শুনি থাকিব। নতুবা মেডিটেচনৰ মিউজিক শুনি থাকিব। এনে মিউজিকে মন শান্ত কৰি ৰাখে। মন শান্ত মানে দেহাৰ বহু অসুবিধা দূৰ হয়। ছালকুঁৱৰীৰ ৰসে ছালক সতেজ আৰু শীতল কৰি ৰাখে। ই পুষ্টিও য়োগায় চকুৰ গুৰিৰ ক’লা চামনি কমোৱাৰ লগতে ছালক স্বাস্থ্যৱান কৰি তোলে। আলুৱেও চকু শীতল কৰি ছালক বগা কৰাত সহায় কৰে।

*নাৰিকল(প্ৰাকৃতিক), কেষ্টৰ অইল আৰু আৰগন(Argon) তেল সমানে মিহলাই এটা আইনাৰ বটলত থৈ দিব। ৰাতি শোৱাৰ আগেয়ে সদায় চকুৰ গুৰিত মালিচৱ কৰি ৰাখিব। অৱশ্যে এই তেল সমানে লৈ কেইটমান পদিনাৰ পাত আৰু কালজিৰা দি সিজাই ল’ব। সেই মিশ্ৰণ ঠাণ্ডা কৰি বটলত থৈ দিব। এই তেলৰ মালিচ ল’লেও চকুৰ গুৰি সতেজ আৰু উজ্জ্বল হ’ব। নিয়মিত মানে সদায় ব্যৱহাৰ কৰিলে ভাল পাব।

*ঘৰৰ বাহিৰলৈ যাওঁতে চকুৰ গুৰিত সদায় কনচিলাৰ বা ফাউণ্ডেচন লগাব। এনে কৰিলে ৰ’দৰ প্ৰখৰ তাপ চকুৰ গুৰিত হেঁচা নপৰে আৰু ধূলি-বালিৰ পৰাও আঁতৰত থাকিব পাৰি।

এযোৰ ছানগ্লাছ পিন্ধিবলৈ নাপাহৰিব। ফলত প্ৰখৰ ৰ’দত চকুযুৰিয়ে আৰাম পায়। ছানগ্লাছ সদায় ভাল কোম্পানীৰ পিন্ধিব। ইয়াৰ উপৰি ছাতি এটা ল’ব। ৰ’দত চকুযুজি আৰাম পোৱাৰ উপৰি ধূলি, বতাহৰ পৰা হোৱা বেমাৰৰ পৰা ৰক্ষা পাব।

*আজিৰ দিনত চিকিৎসকৰ দ্বাৰাও চকুৰ যত্ন ল’ব পাৰি। চকু লেজাৰ ট্ৰিটমেন্টো কৰিব পাৰে। যোগাসন, টোপনি আৰু শাৰীৰিক, মানসিক চাপ কমোৱাটো অতি গুৰুত্বপূৰ্ণ।

যোগাসনে আমাৰ মন আৰু দেহক সুস্থ কৰি ৰাখে। ইয়াৰ প্ৰভাৱ ছাল আৰু চুলিত পৰে। কেইটামান যোগাসন হৈছে প্ৰাণায়াম, ভ্ৰমৰি, সূৰ্য নমস্কাৰ ইত্যাদি। নিয়মিত কৰিলে বিভিন্ন বেমাৰৰ পৰাও উপশম পাব পাৰি।

*চকু ক’লা নপৰাৰ বাবে আমি সৰু মাছ, মুৰ্গী, মাংস, শন গছৰ গুটি, বাদাম, আখৰুট, ওটমিন, ব্ৰাউন ৰাইচ, সেউজীয়া শাক-পাচলি ইত্যাদি খাব। চকুত উজ্জ্বলতাৰ বাবে এই মিশ্ৰণটো খাব পাৰে।

*সৰু তিয়হ এটা, সৰু এমুঠি ধনিয়া দুইখিলামান পালেং পাত, এটুকুৰা সেউজীয়া আপেল লৈ মিক্সিত পেষ্ট কৰি ৰস উলিয়াই অলপ নেমুৰ ৰস মিহলাই সপ্তাহত দুবাৰকৈ খাব।

*কিন্তু এনেদৰে কৰিলেই নহ’ব। ইয়াৰ লগে লগে নিজকে চিন্তামুক্ত কৰি ৰখাৰ বাবে নিজে ভাল পোৱা কামবোৰ কৰিব লাগিব। মনক আনন্দিত কৰি ৰাখিব। মেডিটেচন একমাত্ৰ উপায় বুলি ক’লেও ভুল নহ’ব।

নিজৰ ইচ্ছাৰ ওপৰত নিৰ্ভৰ কৰিব কিদৰে আমি আমাৰ চকুৰ গুৰিৰ যত্ন লৈ চকুৰ গুৰি ক’লা। পৰাৰ পৰা হাত সাৰিব  পাৰো। কেৱল লাগিব মন।

লেখিকা: ভানু শৰ্মা(অসম বাণী)



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate